Thursday, January 22, 2009

خدعونا فقالوا




حين كنا صغارا خدعونا فقالوا .. أن الزيت لا يختلط بالماء

وحين كبرنا اكتشفنا ...ان الزيت قد يختلط بالماء اذا تعرض لبعض العوامل الخارجية

لماذا لم يقولوا لنا ذلك اذن :(




سامحهم الله

20 comments:

Fahd said...

ههههههههههههه

اهالينا مكنوش خبرا في الكميا ولا التفاعلات البيلوجيه

هما حكموا علي زمانهم من خلال المعلومات اللي كانت متاحه ليهم

احنا دورنا برضه اننا نشوف الاحكام دي وهل تصلج ايضا لهذا الزمن ام لا

طبعا الثوابت مفيهاش نقاش

لكن فنون الحياة والافكار والاذواق والاساليب فهذه تخص كل زمن

بس دي اول مرة اعرف انهم ممكن يتمزجوا

FadFadA said...

أهالينا قالوا حاجات كتير - طبعا كان قصدهم خير - تعبتنا قوي لما كبرنا
زي مثلا : ذاكر عشان تكون انسان محترم
الواحد فضل يذاكر عشان يكون انسان محترم زي ما قالوا
في النهاية - الحمد لله - الواحد بقى محترم
بس مش عارف إمتى هكون انسان و اتعامل زي أي لاعب كورة و لا ممثل و لا مغني مهوبش ناحية كتاب قبل كده
مثلا

محمد

Anonymous said...

ههههههههههههههه

انا عاجبني العنوان قوي

حياتي كلها لله said...

السلام عليكم
أخيرا عرفت أوصلك
أعملي فرح بقي مدونة طلعت جميلة قوووووووووووووووي
أنا مش بحسد والله أنا بقر بس

أنا أول مرة اعرف أن الزيت و الماية بيختلطوا إحنا حنادها في سة كام ده

تحياتي
سلمي

Aml Ghonaim said...

طيب وايه المشكلة :
زعلااااانة ليه ؟
معلومة جديدة ..
هي الحياة كده متغيرة !!!!

Anonymous said...

السلام عليكم ورحمة الله وبركاته
فى الحقيقة لا اعلم كيف يمكن أن تؤثر هذه الخدعة(كما تقولين) فى حياتنا ولكن منذ طفولتى علمت أنه يمكن اختلاط الزيت بالماء وهذا بوجود العصارة المرارية وأظن أن أهلنا قد قالوا هذا لألا يذيقونا تلك المرارة
عزيزتى هم لم يخدعونالغرض سيئ بل ليحمونا من تلك المحاولة
هذه أول زيارة لى أرجو أن تتقبليها
أختك فى الله:::فتاة من عالم آخر

Anonymous said...

الله يوفقك
هذه مدونة جميله
و سأواكب على قرائتها بإذن الله. تقبل تعليقاتي و تحياتي :)

كنت أرغب عمل تبادل نصي مع هذه المدونة الجميله مع منتداي
http://7ama2i.com/forums/
منتظر ردك على بريدي
dito0o@yahoo.com

إيمان بنت الحرية said...

وفيها ايه ؟؟
يعنى اول حاجة يقولوها لنا وتطلع غلط
سيبك انتى
بس حلوة الاكتشافات دى
بس ع ما اعتقد بيبقى اكتشافاها صعب شوية
ما علينا
اعتبريها كدبة ابريل وبعدين انتى عايزاهم يقولوا لك انتى وصغيرة ازاى الزيت بيختلط بالماء ..لا طبعا.. فهما اختصروا وقالوا لاء ...ناس مخلصة امورها
المهم انك عرفتى ان الزيت بيختلط بالماء
وعرفتى كمان ان الكبار دايما بيخدعوناهههههههه

همسات دافئه said...

خدعونا فقالوا
ده كتير اوي
مقالوا ان القطط بتجري من الكلاب وبشوفهم جنب بعض فى منتهى الإنسجام
وقالوا ان النمل بيجيب أكله فى الصيف وياكلوا فى الشتا وبشوفه فى عز البرد
تفتكري ده كان على أيامهم فعلا
ولا الدنيا هي الى اتغيرت؟؟

إخوانى مخربش said...

بصراحة انا مش شايف خداع ولا حاجة
فعلا الزيت لا يخالط بالماء
والعوامل الخارجية دى اللى هة السرفاكتانت
لو وضعت هيبقى عندنا ماء وزيت وسرفاكتانت

اذا مش ماء وزيت فقط

ظمتى الناس اللى خدعونا والله

حلم الحرية said...

fahd ...

اهالينا شكلهم مكنوش خبرا في حاجات كتير او للدقة مش خبرا في حاجات كتير في زمننا...اعتقد الجملة كده اصح

علي فكرة انا مقلتش يمتزجوا انا قلت يختلطوا
فرق كبير بين الكلمتين

حلم الحرية said...

FadFadA ...

ياااااه
معبر اووي المثال اللي حضرتك ضربته

للاسف منقدرش نعاتبهم لانهم كان اصدهم خير
هما مكنوش يعرفوا ان زمننا
زي ما قال احمد مطر فيه اما مواطن او سلطان.. لكن انسان دي مش ضمن التصنيفات اصلا

حلم الحرية said...

شوكت ...

طب الحمد لله
سعداء اننا ادخلنا السرور علي حضرتك

حلم الحرية said...

حياتي كلها لله ...

لولولولوولوي
سلمي وصلت يا جدعااااان
استني اعمل فرح يا بنتي
وابقي فكريني اعلق خرزة زرقا علي باب المدونة عشان امثال سعادتك اللي عينهم جميلة ومش بيقروا ولا حاجة ...بيحسدوا علطلول

اما حكاية اخدناها في سنة كام
انا رايي انك تقومي تذاكري عشان كده مينفعش
قال اخدناها في سنة كام قال

حلم الحرية said...

اصرار أمل ...

المشكلة اننا كنا بناخد كلامهم مسلمات وبنبي عليه حياتنا
فتخيلي لما الاساس اللي بتبني عليه يكون فيه حاجة غلط

متهيالي لازم ازعل

حلم الحرية said...

فتاة من عالم آخر ...

ولكن منذ طفولتى علمت أنه يمكن اختلاط الزيت بالماء وهذا بوجود العصارة المرارية وأظن أن أهلنا قد قالوا هذا لألا يذيقونا تلك المرارة
عزيزتى هم لم يخدعونالغرض سيئ بل ليحمونا من تلك المحاولة

ـــــــــــــ

عجبني جداااااا تعليقك
عن جد
لخص المشكلة كلها
وتضمن جزء من الحل
شاكرة ليكي مرورك الجميل وتعليقك الاجمل

حلم الحرية said...

Dito ...

جزاكم الله خيرا علي رايك
وان شاء الله يتم التواصل ومتابعة الامر

حلم الحرية said...

إيمان بنت الحرية...

ههههههههههههه
احلي حاجة فيكي دماغك
علي رايك وفيها ايه
يعنى اول حاجة يقولوها لنا وتطلع غلط

حلم الحرية said...

همسات دافئه ...


احيان كتير بافكر في كده
هما فعلا خدعونا من غير ما يحسوا
وللا احنا ظلمناهم والدنيا هيه اللي تغيرت!!!!؟؟؟

حلم الحرية said...

إخوانى مخربش ...

انا مقلتش يتجانسوا
انا قلت يختلطوا
يختلطوا دي كنت اقصد بيها الحالة الوسط ما بين الامتزاج الكلي اللي هوه مبيحصلش اطلاقا وفين الانفصال التام في حالة غياب السرفاكتانت

والحالة الوسط دي بنوصلها في وجود السرفاكتانت

متهيالي مظلمتهمش اوي
او ظلمتهم حبة صغيرين
لانه فيه احتمال انهم اصلا مكنوش يعرفوا بوجود السرفاكتانت