حلم الحرية

الآن تحرر

2010-09-09T15:46:00.000-07:00

كان سجينا في دنيانا...والآن تحرر

فقد مات

:((((

العام الثالث

2010-02-17T10:50:00.000-08:00

February

في هذا الشهر .. تتم المدونة عامها الثالث

منذ ثلاثة أعوام كانت البداية ... بمجموعة من التساؤلات بداخلي عن جدوي الكتابة هنا ...عما اذا كانت ستلقي اعجابا ام لا ؟؟ وهل ستصل كلماتي لقلوب الاخرين ام لا ؟؟ قطعا لم اجد وقتها اجابة لتساؤلاتي ...

فقط كنت اعرف يومها اني هنا علي المدونة ...سوف أكون أنا

وقد كنت .. او علي الاقل حاولت

واليوم بعد مرور ثلاثة أعوام أجدني مازالت احمل نفس التساؤلات ... وأجدني مازلت أحاول تنفيذ ما قررت أن افعله يومها ايا كانت الاجابة وهو ان اكون انا

مدونتي خلال الثلاثة أعوام

ساعدتني كثيرا ان اخرج بعضا مني علي صفحاتها

ساعدتني كثيرا ان اكتشف نفسي ... حسنا ..فلأكن أكثر دقة .. ساعدتني بالفعل لكن ليس كثيرا فأنا أقر بأنني مازلت حتي الآن عاجزة عن اكتشاف نفسي او فهم تفاصيلها ...فلنقل انها ساعدتني ولو قليلا في ذلك

والاهم انها ساعدتني كثيرا في الدخول الي عوالم الآخرين ... في معرفتهم عبر كلماتهم وربما اكثر من الكلمات لمن التقيتهم منهم

لمدونتي الحبيبة ... شكرا

ولمن شاركوني صفحاتها .. بنصيحة او تعليق او قراءة او حتي فقط مرور عابر

لكم جميعا .... شكرا

خواطر سفر

2009-10-28T14:33:00.000-07:00

احزم امتعتي و أرحل
لأبدأ من جديد

تري!! ... هل تتكرر تفاصيل الرحلة ؟؟؟

في الطريق

أغمض عيني واحلم
رغم أني اعلم

أنها تظل.. أمنيات

مازت احلم أن أطير.... وأثق بأني حتما

يوما ما .. سوف انجح

ولا ادري مم اتتني تلك الثقة

... ربما هي فقط

مجرد محاولة ... لبث الأمل

قد كانت قريبة تلك السماء ..تكاد اناملي تلامس السحاب وتأتي بالنجوم
أقرب يدي اكثر لتلامس السحاب ..لأجدها تغوص في المياة , مبعثرة معها صورة للسحاب ..

كانت ..
تسمي سراب

.
اهملتها فقط ...لأنها مجرد تفاصيل
...
غير مهمة
.

.
عدلت عن الرحيل
وبدلا مني ركبت أحلامي سفينتها ورحلت

اعتدت انتظار عودتها كل مساء

وبعد طول الانتظار.. لم تعد

لكنني..

احترفت الانتظار

ـــــــــــــــــــــــــــــــــــــــــــــــــــــــــــــــــــــــــــــــــــــ

هناك لعشر ايام عشت

2009-09-07T18:50:00.000-07:00

بوست قديم تذكرته هذه الايام ووجدتني ارغب في ان اعيد نشره مرة اخري ..اترككم مع القراءة

حان الوقت ...اجهز حقيبتي استعدادا لترك المكان
وقبل ان اترك المكان ...اتجول فيه
امرر عيني علي تفاصيله
احاول ان املا عيني من كل ما يحتويه المكان
هنا أكلت معهم
هناك تحدثنا و ضحكنا سويا
هنا نمت بجانب صديقتي
هنا شاركت اخواتي في تجهيز الطعام

هنا شاركتهم ترتيب امتعة الجميع

وهناك صلينا سويا
هنا امسكت مصحفي واختليت بنفسي لاقرا القران
هنا جلست

وهنا وقفت

هنا دعوت

هنا بكيت

وهنا نمت
هنا في هذا المكان لمدة عشر ايام عشت

اتذكر اللحظات واجد دموعي تنساب رغما عني
هل يا تري حان الوداع
هل حان الوقت لترك المكان وتوديع من فيه وما فيه
هل انتهت العشر ايام
هل مرت سريعا هكذا دون ان اشعر

تمر امام عيني الاحداث والصور

اراني نائمة واحداهن تاتي لتوقظني

- مروة اصحي

- سيبيني شوية

- يا بنتي اصحي ميعاد الكلمة خلاص جه

- طب خمس دقايق كمان

- يعني هو الخمس دقايق هتفرق اوي

- ايوة طبعا تفرق .. انا نمت ساعه واحدة بس يبقي اي دقيقة كمان تفرق

وتتركني لتاتي بعد خمس دقائق لعلي استيقظ

ولكنني كأي محامي شاطر في المحكمة اطلب التاجيل ثم التاجيل ثم التاجيل ...خاصة لعلمي بالزحام المتوقع في الطابور امام الحمام عند موعد الاستيقاظ

عن النوم في الاعتكاف حدث ولا حرج

ننام احيانا ونحن وقوف من كثرة التعب

او تسجد احدانا فنوقظها بعد التسليم لنخبرها انها نامت وهي ساجدة

نجاهد انفسنا كثيرا لنظل منتبهين

أحد اهم المؤن في دنيا الاعتكاف هي المنبهات وبالطبع البويلر..فعلا ضرورة ملحة

الغريب اننا في اول ايام الاعتكاف نتعب كثيرا ونظن اننا لن نقدر علي الاستمرار بمثل هذا العدد القليل جدا من ساعات النوم والذي يتراوح من ساعه واحدة احيانا الي اربع ساعات

واذا زادوا في احدي الايام لخمسة او ستة متقطعين علي ثلاث مرات ...يمكنني ببساطة ان اقول (انا نمت كتير جدا النهاردة)

اشعر ان ايام الاعتكاف تكشفنا امام انفسنا اننا قادرون علي الكثير والكثير من الاشياء واولها تقليل ساعات النوم

أراني وأخواتي انتهينا من صلاة المغرب وجهزنا المفرش علي الارض استعدادا لوضع الطعام وجلسنا بانتظار الطعام

- ها الاكل وصل

- لسه شوية متقلقوش يا جماعة اكيد مش هيتاخر

نبدا في سرد النوادر عن تاخر الافطارات في الاعتكافات ثم نجد احدي الاخوات تمر بعلبة التمر واكواب من الماء وتقول لنا

هنقضيها تمر ومية النهاردة اهو منها توفير ومنها تدريب عملي علي الزهد والتقشف

- والغريب ان طعم التمر والمية ساعتها واحنا مع بعض كان بيبقي جميل اوي ويشبع اوي اوي اوي -

عن الطعام ايضا في الاعتكافات حدث ولا حرج

فبينما تمر علينا ايام يكثر فيها الطعام جدا تمر ايضا بعض الايام وقد قل الطعام وقمنا دون شبع

وما بين هذه وتلك

تمر احلي اوقات الاعتكاف ونحن ناكل الطعام سويا

اذكر في احدي المرات تاخر الطعام وجلسنا نتحدث سويا لعل الوقت يمر

كان الحوار بيننا رائعا بحق واذكر انه حين اتي الطعام قالت احداهن كلمة

مش مشكلة نشبع من الاكل ...انا بس نفسي اشبع من القعدة مع اخواتي

(حقيقي يومها كنت حاسة بكده اوي... اني شبعانة بقعدتي معاهم وناسية الاكل تماما )

بعد صلاة الفجر

يبدا الجميع في تجهيز انفسهم للنوم وبينما نجهز المكان استعدادا للنوم نردد سويا اذاكار الصباح

يتساقط البعض في دوامة النوم من كثرة التعب قبل اكمال الاذكار

وبينما يكون عددنا كبيرا عند بداية الاذكار نجد العدد يقل عند الانتهاء منها فقد اخذهم النوم دون ان يشعروا حتي ان البعض ينام وهو جالس اثناء ترديدها

توزيع المهام

ما بين تنظيف المكان او ترتيب الامتعة او تجهيز الطعام للباقين

يتبادل الجميع هذه المهام

اجدني اقترب من اخواتي اكثر ونحن نتعاون سويا في تنفيذ المهام

اتعلم منهم الكثير والكثير

اتعلم من هذه الصبر ومن تلك الايثار ومن الأخري الرفق واللين ...اتعلم من هذه الهدوء ..ومن تلك التأني ومن الثانية العقل الراجح

تفيدني واحدة بمعلومة طبية واخري بمعلومة نسائية والثانية معلومة علمية وواحدة بمعلومة سياسية والثالثة بمعلومة فقهية ..

جزاهم الله عني خيرا كثيرا

الفترات الحرة في الاعتكاف

ان تختلي بنفسك ومعك مصحفك

تقرأ وردك و تصلي

ثم بعدها تجد الاصوات من حولك تختفي

وتفاصيل المكان تختفي

ما عدت تشعر بمن حولك

انت الان تحادث الله ويحادثك

تقرا كتاه وكلامه اليك ...وتصلي اليه وتدعوه وتحدثه

يحدثك وتحدثه

لن اتحدث عن هذه الفترات كثيرا لكن عندما اتذكر هذه اللحظات اجدني اتذكر اخواتي الذين ما ان يجدوا احدانا وقد بدات في الكلام مع زميلاتها نجدهم يذكروننا بمصفنا وسبحتنا

الحفلة الختامية

أنظر للوجوه من حولي

أملا عيني منهم

تغمرني مشاعر لا توصف

أحاول أن أحفر هذه الوجوه في ذاكرتي أملا بها ردهات عقلي واحفظها في حجرات به علي شكل قلوب

تري هل يقدر لي لقائهم ثانية في العام القادم او في الاعوام التالية

ابتسم حين تتلاقي عيني باعين بعضهم تتسع ابتسامتي وانا استعيد لحظاتي معهم

اضحك علي المواقف الضاحكة التي جمعتنا سويا

واحزن علي لحظات مرت ولا ادري هل ستعود مثلها ام لا

اتذكر هذه الايام

هذه الساعات

هذه اللحظات

ولا املك الا الدعاء

اللهم تقبلها منا ...واعدها علينا اعواما مديدة

تساؤلات ...او ربما هلوسات

2009-08-08T12:51:00.000-07:00

تري جموع الاباء تفترش فناء المدرسة لمدة ايام ...تسمع من الكبار مفردات تحاول فهمها او استيعابها فلا تستطيع... يقولون اعتصام .. ويقولون استيلاء مالي واداري علي المدرسة .. تسأل زميلاتها الاكبر عما يحدث فيجبنها : الحكومة عايزة تاخد المدرسة

ما زالت لا تفهم ... تتوجه صوب مدرستها الفضلي لتسالها : أبلة ..هوه يعني ايه الحكومة عايزة تاخد المدرسة؟

تصمت مدرستها بحثا عن جواب ثم تقول : يعني تمَشي المدرسات كلهم والمديرة وتجيب ناس تانيين من عندها

تحاول استيعاب تلك الاجابة ... يتبادر لذهنها تساؤل آخر : طب ليه الحكومة عايزة كده؟

تبتسم المدرسة وتجيب دون تفكير وكأنه امر بديهيي ومفهوم : عشان مدرستنا مدرسة اسلامية

لانها مدرسة اسلامية !!!!...يختلط عليها الامر ..هل تلك اجابة .. ام لغز ...تلتفت مرة اخري لمدرستها بسؤال ثالث : وهي مدرسة اسلامية دي حاجة وحشة يا أبلة ؟؟

لكن الأبلة هذ المرة تنظر اليها في اشفاق وتبتسم في صمت ولا تجيب

ــــــــــــــــــــــــــــــــــــــــــــــــــــــــــــــــــــــ
.

كل شئ جاهز ..كتاب القراءة للصف الخامس امامها علي التسريحة ... و فرشاة الشعر بيدها

تنظر لصورتها في المرآة امامها وتعدل من هندامها للمرة الالف ... ثم تصنع من فرشاة الشعر ميكروفونا ... و تبدأ بالتحدث

تيدأ بتحية المشاهدين ثم تشرع في قراءة المكتوب في صفحة الكتاب امامها ...بغض النظر عن الموضوع المقروء فلا يعنيها البتة ايٌّ الاشياء تقرأ ...فقط هي تحب القراءة ...تغير في نبرات صوتها ...وتنفعل مع الكلمات التي تقرأها .. تماما كما علمتها مدرستها المسئولة عن لجنة الصحافة والاذاعة

تراقبها أمها من بعيد بابتسامة ... يصيبها بعض الحرج حين تنتبه لمراقبة امها لها

تقطع ما تفعله ...وتتجه صوب امها وتبادرها بالسؤال : ماما ...الابلة في المدرسة بتقولي ان صوتي اذاعي حلو واسلوبي في القراية معبر...

تبتسم ابتسامة خجلي وتكمل : تخيلي انها بتقولي اني لما اكبر لو اشتغلت مذيعة ..هابقي مذيعة كبيرة خااالص

ماما ...هوه ينفع لما اكبر اشتغل مذيعة؟؟؟

تبتسم الام من جديد ... لكنها تظل تنظر اليها في صمت ولا تجيب

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

... وجه ضاحك ....وعقل متفتح....وروح صافية ... ويد تحمل الخير لكل من عرفها يوما ما

كانت تستمتع بمراقبتها في كل افعالها ...

حين تقضي الليل في بيتها و توقظها لصلاة الفجر كانت تستيقظ فورا وليس كما تفعل حين توقظها امها

تحب صلاة الفجر عندها...بعد الصلاة تجلس معها في الشرفة تراقبها وهي تردد الاذكار في انتظار شروق الشمس يغالبها النوم فتستأذنها لتعود لفراشها ...وقبل ان تغادرها تسألها: خالتو انتي مش هتنامي ؟

تجيب : لا.. انا عندي شغل دلوقتي ...يللا روحي نامي انتي

تعود لتنام وتترككها تكمل ورد اذكارها ... لاتنساه يوما وغيره باقي الاوراد فلسانها دائما يتحرك بدعاء او ذكر

وحين تعود من عملها ...وقبل ان ترتاح كانت تبدأ عملا من نوع آخر .. هو اعداد الطعام .. كانت تستمتع بمراقبتها وهي تعد الطعام - كيف تصنع من اقل الاشياء وجبة رائعة - الجميع يعرف عنها ذلك حتي انهم يطلبون منها اعطاء دورات للطبخ للفتيات

تسألها : خالتو هوه انتي بتعرفي تعملي الاكلات الحلوة دي كلها ازاي؟

تجيبها بابتسامة : اي اكله اعمليها بحُب هيطلع طعمها حلو
بعد الطعام يستريح الجميع قليلا ..لكن خالتو تستعد للمغادرة فلديها الان درس تلقيه في المسجد .....تغيب لساعتين ثم تعود لتقضي باقي اليوم مع اولادها تذاكر لذاك وتلاعب تلك وتستمع لذاك وتمزح مع تلك ...يعتبرها اولادها الذكور والاناث صديقتهم الاقرب

وكما اعتبرها صغارها صديقتهم الاقرب ...كذلك اعتبرها معظم من اقترب منها ...اعتادوا الرجوع اليها في مشاكلهم وامورهم ... كانت تملك عقلا متفتحا ورأيا راجحا ... واذن منصتة ...والاهم قلب يحب الجميع

حين اعتقل زوجها وابتعد عنها الاهل والجيران ...بعد ان كان بيتها قبلتهم - والغريب انه عاد ليصير كذلك حين عاد زوجها - كيف كانت نعم الزوجة الوفية الصابرة وكيف كانت تقوم بكل الامور بنفسها وتضيف جدولا مزدحما من الاعمال الي جدولها

... كانت تراقبها وهي تفعل كل ذلك ثم تسأل نفسها كيف تفعل كل ذلك وحدها

ينبهر الاطفال في مثل سنها بأبطال الكارتون بسوبرمان وباتمان ومازنجر وسلاحف النينجا ...لكن طفلتنا تنبهر ب ( خالتو ) وتراها بطلتها الاثيرة

يطاردها السؤال فلا تلبث ان تتوجه به اليها : خالتو انا بيقولوا عليا اني شبهك في حاجات كتير ...

خالتو هوه انا لما اكبر ينفع اكون زيك ؟

لكن خالتو ايضا مثل الباقيين ...تبتسم ولا تجيب

وتكبر الطفلة ...وتكبر معها الاسئلة

تكتشف لم كن يبتسمن ولا يجبن

فبعض الاسئلة لم يكن لها اجابة ...وفقط بمرور الايام نكتشف الاجابة

عرفت اجابة السؤال الاول حين فهمت كيف تتم الامور في اوطان كأوطاننا ... وحكومة كحكومتنا

وعرفت اجابة السؤال الثاني حين مارست الامر كهواية في احدي الاذاعات علي النت ... لكن علي ارض الواقع في العالم الحقيقي اكتشفت ان الامر يحتاج الي الموهبة ..وأشياءا اخري

اما السؤال الثالث فلم تجد له اجابة بعد

فمازلت تحاول ان تكون مثلها

مشكلة الطفلة انها كبرت ...لكنها لم تكف عن مثل تلك التساؤلات ..

.فمازالت تسأل اسئلة ليس لها اجابات

يعتبرها البعض تساؤلات ...وتعتبرها هي هلوسات

قصاصات

2009-03-15T16:20:00.000-07:00

قصاصات

- (ببساطة كده حد ينوي الصيام ..وياكل فواتح شهية عالسحور)
تقولها لنا وهي تشرح لنا كيف يكون الابتعاد عن دائرة الحرام بتجنب المثيرات والمكروهات

- - ورد في الحديث القدسي عن رب العزة قوله: "الشاب المؤمن بقدري، الراضي بكتابي، القانع برزقي، التارك لشهوته من أجلي، هو عندي كبعض ملائكتي"

- تذكر لنا حديث النبي صلى الله عليه وسلم: «مثل الذي يعلم الناس الخير وينسى نفسه مثل الفتيلة تضيء للناس وتحرق نفسها»
تضيف لنا وهي تشرح الحديث
افتكروا دايما ..متقوليش لنفسك انك هتكوني شمعة تحترق عشان تضئ للاخرين لانها في نفس الوقت تحرق نفسها
لكن كوني كالشمس تضئ للاخرين وهيه مضيئة بذاتها

- يقول تعالى‏:‏ ‏( ‏اتامرون الناس بالبر وتنسون انفسكم‏ )‏
وحين فسرها ابن القيم قال ( والله ما عاب عليهم الامر ولكنه عاب عليهم ان نسوا انفسهم)

- ( بس خللي بالكم .... ممكن بعد ما تبعدي تحاولي ترجعي تاني وتحاولي وتحاولي ...بس متعرفيش ...وساعتها تعرفي انه دي مش شطارة من الشيطان .. ولكن الحافظ اعرض)
استوقفها لاسالها عن الكلمة الاخيرة
تجاوبني بالمقولة كلها لابن القيم – رحمه الله: "تالله ما عدا عليك العدو إلا بعد أن تولى عنك الولي، فلا تظن أن الشيطان غلب، ولكن الحافظ أعرض
وتفسرها قائلة ان الله اعرض عنك لانك اعرضت عنه
ثم تعيد تحذيرها
خللي بالكم انكم توصلوا للمرحلة دي

- (إن الله يقبل نصف الجهد في سبيله، لكنه لا يقبل نصف النية.) محمد الغزالي

- قالت لي : تعرفي انتي عاملة زي ايه ...زي قطع بازل متبعترين ..وانتي بتجمعي الصور بداتي تجمعي الاركان وكل ركن كونلك شكل معين بس ما زلتي مش عارفة ترتبي كله علي بعضه عشان تلاقي الصورة كاملة وواضحة

...ما لا تعرفه اني احاول ليل نهار تكوين الصورة لكني اجد بعضا من اجزاء البازل ما زال مفقودا

عن عبد الله بن عمرو بن العاص رضي الله عنهما عن رسول الله صلى الله عليه وسلم أنه قال: "هل تدرون أول من يدخل الجنة من خلق الله عز وجل؟ قالوا: الله ورسوله أعلم، قال: الفقراء المهاجرون الذين تُسد بهم الثغور، وتتقى بهم المكاره، ويموت أحدهم وحاجته في صدره لا يستطيع لها قضاء، فيقول الله عز وجل لمن يشاء من ملائكته: ائتوهم فحيوهم؛ فتقول الملائكة : ربنا نحن سكان سمائك وخيرتك من خلقك، أفتأمرنا أن نأتي هؤلاء فنسلم عليهم؟ قال: إنهم كانوا عبادًا يعبدونني، ولا يشركون بي شيئًا، وتسد بهم الثغور، وتتقى بهم المكاره، ويموت أحدهم وحاجته في صدره، لا يستطيع لها قضاء، قال: فتأتيهم الملائكة عند ذلك، فيدخلون عليهم من كل باب (سلامُ عليكم بما صبرتم فنعم عقبى الدار )(الرعد:24).

كادت تسقط هي وطفلتها التي علي كتفها حين تحرك السائق بهم قبل ان تكمل ركوب العربةاهتزت قلوبنا ونحن نري جسدها يتارجح للحظة تكاد ان تسقط ثم تستعيد توازنها وتدخل العربة
سالتها عن احساسها في تلك اللحظة وما توارد الي ذهنها حين كادت ان تسقط فقالت
( اتفزعت للحظة وبعدها افتكرت اني قلت الاذكار الصبح ومنها دعاء دفع المصيبة ..وانا كنت بادعي الدعاء وانا موقنة ولقيت قلبي اطمن في لحظة وراح الفزع.. وبعدها بثواني لقيتني جوا العربية وكأن حد زقني معرفش ازي)

قال تعالى :(أليس الله بكاف عبده).

- قال : ميزتك انك بتعرفي توجدي لنفسك نقطة ضوء وسط الضلمة مهما كانت الضلمة شديدة
لكنها قالت : اكتر عيب فيكي انك متفائلة زيادة عن اللزوم لغاية ما تقابلك صدمة الواقع
وحتي الان لازلت لا اعرف
أهي ميزة ام عيـــب

علي ابن ابي طالب يقول(انا رجل أحيا بالأمل فان تحقق فبفضل الله.وان لم يتحقق فقد عشت به زمن )

عبارة أرددها لنفسي كثيرا هذه الايام في محاولة جاهدة لتذكير نفسي بألا أفقد تفائلي مهما حدث

- (علي الذين يجيدون الهرولة في هذه الحياة أن يبطئوا قليلا لعل بعض الاشياء الجميلة تستطيع اللحاق بهم)
كتاب ادارة الذات لدكتور أكرم رضا

مقتطفات من (قصاصات صالحة للحرق) ...للرائع احمد خالد توفيق

2009-02-23T09:27:00.000-08:00

1- الثقة بالنفس كلام فارغ ..سوف يدھشك كم الأشیاء التي لا تعرفھا أو لا تجیدھا .. المھم أن تثق بقدرتك على أن تكون أفضل ..

2- كان اللیل صامتًا ذلك الصمت الذي يئز في الأذن ويصیبك بالصمم ..

3-في كل مأزق في حیاتي كنت أنتظر ذلك الشيء ما الذي لم اكن أعرف أنه عندي لیخرجني من ھذا المأزق ... أنا الآن في انتظار ھذا الشيء !

4- أتركوا لي ما تبقى مني !!!

5- كلا .. لیست ھذه نھاية العالم، ولكم تمنیت العكس.
.6- الرضا كوب من الماء الصافي .. يمكن لأي شيء أن يفسده..

7- الحل الوحید للمشاكل النفسیة ھو: لا تكن عاطلاً... لا تكن وحیدًا
8- لأن ما حدث حدث في وقت لم يتوقع فیه أحد أن يحدث، فإن أحدًا لم يفعل شیئًا وبالتالي لا يوجد ما يستحق التعلیق علیه..
9- كل ما يقال الآن قیل من قبل .. لكنھم ينسون .. كلھم ينسون..
10- أنا أكثر ذكاء مما يوحي به منظري وأقل ذكاء مما توحي به كلماتي
11- حاولت ان اثبت أن تسعة أعشار الذكاء جھد، لكن قدراتي العقلیة كانت تنكمش تمامًا أمام ذكائه الخارق .. وكان يرى أمورًا واضحة بالشمس تبدو لي غامضة كالموت .. إن الذكاء ھو قبس من حكمة الخالق ولیس لأحد أن يطمح إلى نصیب أكبر مما ناله
12- سأكون شخصًا أفضل .. لكن لیس الیوم .. ربما غدًا

13 -ھذا الأحمق يتمادى في طموحاته..تصوروا أن ھذا الساذج يريد أن يعیش ؟
14- سئمت التظاھر بأنني آخر
15 - أمقت المريض والصديق الذي لا يخبرك إلا بأخبار سیئة .. فقط .. يقول لك إن الحمى عادت.. إذن ھي كانت قد زالت فلماذا لم تقل لي ؟
16- إنه من أبناء الزمن السھل، عندما كان كل ما علیك كي تحقق طموحاتك ھو أن تتعب وتكدح فقط

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اعلان هام وعاجل وحيوي وضروري اوي خالص جدااا
توقيع العدد الثالث من مدونات مصرية للجيب (أنا أنثى) هيكون يوم الثلاثاء من الساعه 4.30الي8.30المكان -المركز الثقافى الدولى 17 ش السد العالى ميدان فينى الدقى الشارع المقابل لشيراتون الجزيرة اقرب محطة مترو انفاق محطة الاوبرا
انا كنت من اللي شاركوا في العدد ده ...وحتي الآن انا معرفش اذا كنت هاقدر احضر او لا ...لكن اللي اعرفه انه اكيد ان شاء الله هيكون يوم جميل ميتفوتش :):):):)

خدعونا فقالوا

2009-01-22T06:13:00.000-08:00

حين كنا صغارا خدعونا فقالوا .. أن الزيت لا يختلط بالماء

وحين كبرنا اكتشفنا ...ان الزيت قد يختلط بالماء اذا تعرض لبعض العوامل الخارجية

لماذا لم يقولوا لنا ذلك اذن :(

سامحهم الله

في كتائب القسام

2009-01-07T16:05:00.000-08:00

لبيك اسلام البطولة كلنا نفدي الحماة

لبيك واجعل من جماجمنا لعزك سلما

لبيك.. لبيك .. لبيك
أخفض صوت التلفاز وأستمع للكلمات المنبعثة من جهاز الكمبيوتر في الحجرة المقابلة

ما زالت تلك الكلمات تبعث في نفسي نفس التاثير الذي كانت تبعثه قديما منذ عشرة اعوام او ما يزيد

يقطع شرودي مع كلمات الاغنية الصراخ المنبعث من الحجرة نفسها

ماما...مااامااااااااا...خلي مريم تطفي الكمبيوتر مش عارفة انام من صوت الاناشيد

من بعيد اسمع صوت مريم ذات الاثني عشر ربيعا ترد بصوت اعلي...خلاص وطيته يا ماما

كعادتها ديبلوماسية وتجيد الخروج من اي موقف...لم تغلق الكمبيوتر لكنها ازالت السبب الذي قد
يتسبب باغلاقه

انظر للساعة امامي ...العاشرة ...حان الوقت

اناديها : مريم الساعة 10 كفاية كمبيوتر ...ميعاد النوم جه ...يللا حصلي اختك

تبدأ في التذمر ..اسمعها من بعيد تقول يا ماما بكرة اجازة وانا خلصت الواجب

اصر بأن تغلق الجهاز ولتكمل ما تفعله غدا ...ارددها كقاعدة لاتناقش :ميعاد النوم جه ...الموضوع انتهي

تستجيب علي مضض ...تغلق الجهاز ...واسمعها من بعيد تكمل موجهة الكلام لاختها :ماشي لما تبقي انتي اللي قاعدة هانادي علي ماما واخليها تطفيهولك

ابتسم في قرارة نفسي حين اتذكر كيف تكرر هذه الكلمة دائما دون ان تفعلها ولو لمرة

يتكرر صوتها مرة ثالثة ...لكن بصوت اعلي هذه المرة :يا عمااااااااار ...خالد مستخبي هنا...وتكمل موجهة كلامها لاخيها الصغير :اهو عرف مكانك اطلع يللا من اوضتنا عشان ننام ...روح استخبي منه في اوضتكم ولا في اي مكان تاني

اري الصغير يخرج غاضبا من الغرفة ..يتمتم :وانا ذنبي ايه ان حبيبة نرفزتها ...بتقول علي مكاني ليه

هنا اقرر التدخل ..كي لا ينتهي الامر ب(زعل حد من التاني )اغلق التلفاز واترك الريموت

وارفع صوتي بالنداااء :جندي مجند خالد ...جندي مجند عمار ...يللا اجمع عندي بسرعه والا حدوتة النهاردة مفيش

يجريان نحوي سريعا يعلوا نداءهما :لااااااااا

احمل عمار علي كتفي ...وامسك بيد خالد ....

ها عايزين ايه في حدوتة النهاردة ؟..مين عليه الدور يختار -

يسارع خالد بالرد : ماما هوه ينفع تعيدي حدوتة امبارح تاني

طب استأذن اخوك ...هوه دوره انه يختار قصة النهاردة -

يوجه الي اخيه السؤال : ينفع يا عمار انا اللي اختار

تنتفخ اوداج الصغير ذو الاربع اعوام وهو ينظر لاخيه الاكبر الذي يقف منتظرا منه الاذن ثم يجيب
بالايجاب :ماشي ...بس بكرة انا اللي عليا الدور

يكمل خالد : طب يا ماما احكيلنا تاني قصة سيدنا خالد

الصمت يغلف المكان سوي من صوتي وانا احكي ..اتنقل ما بين صور حياته المختلفة...امثل للصغار المشاهد ...انقلهم لعالم اخر مختلف عن عالمنا.. استرسل في الحكاية .. يقاطعني صغيري خالد :ماما هوه انا لما اكبر هابقي قائد جيش زي سيدنا خالد واروح احرر فلسطين

يكمل اخوه :ايوة وناخد الفلوس اللي في حصالة فلسطين اللي بابا جابهالنا ونسافر بيها ونشتري بيها البندقية اللي هنحارب بيها اليهود

يقاطعه خالد : انا بس اللي هاروح ...انت لسه صغير

اتدخل قائلة : مش هتاخد اخوك ليه مش عايزه ياخد ثواب زيك لما يروح يجاهد ويحارب اليهود

لا عايزه بس هوه صغير -

لا ساعتها هيكون كبر زي ما انت هتكون كبرت -

طيب ماشي هاخده بس يسمع كلامي هناك عشان انا هاكون الكبير برضة وهابقي القائد بتاعه -

ابتسم وانا اراه يرسم تفاصيل الحلم...احلم مثله بهذا اليوم
.........

.........

يوقظني من حلمي صوت الموبايل يرن

اعود للواقع فاجدني ما زلت امام التلفاز اتابع اخبار الحرب في غزة.. ومازال الريموت بيدي ...وبجانبي امي واختي

مازال الموبايل يرن بنغمته الجديدة التي اضفتها له بالامس فقط... ادندن مع النغمة

باحلم اكون عياش

باحلم اكون عزام

باحلم بابن شهيد

في كتائب القسام

ربما لم استطع ان اكون كيحيي عياش او اكون كالشهيد عبد الله عزام....لكن ربما استطعت يوما ما ان اجعل من
ابني مجاهدا في كتائب القسام

كم اتمني ذلك

نــــــــــــاقص حته

2008-11-13T17:09:00.000-08:00

نــــــــــــاقص حته

....كل ما أوزن
......ألاقي لسه
ناقص لي حته
أحط حته
تقل حته
وأجيب قميص
تضيع چاكته
وأعيش لي ساعة
يفوتني سته
وكل ما أوزن
ألاقي ناقص
أقول بناقص
لو هي حته
أتاري لسه
ولسه تاخد
سنين وحته
وحاجات تسيبني
وحاجات تاخدني
لحاجات تخبط
في كل حته
....وأقول ها نفرح
..فيوم
..ها نفرح
ويوم مانفرح
علي الله
...يفضل في القلب حته
ـــــــــــــــ

الكلمات للشاعر علي سلامة

دماغ للبيع

2008-11-02T11:58:00.000-08:00

دماغ بحالة جيدة

تم تجربتها مسبقا وثبتت كفاءتها

متعددة الاستخدامات ...في جميع المجالات

متعبة قليلا ...لكنها تعمل كثيرا

لن نختلف علي السعر فنحن لا نشترط اعلي سعر

فقط خلصونا منها

حدش يريحني وياخد مني دماغي ويديني بدالها مروحة:((

دقائق وايام واعوام...فقط

2008-10-10T20:10:00.000-07:00

خمس دقائق ...فقط

تكتشف انك محاصر...النار امامك تسد المخرج الوحيد...يتوقف العقل عن التفكير للحظة ...لا بل للحظات

الحصار ما بين المنزل في الطابق الثالث والنار المشتعلة في مدخل العمارة

الضباب الاسود يغطي كل شئ ولا يسمح حتي برؤية حدود الوضع ومدي صعوبة او سهولة السيطرة عليه

علامات الاستفهام تملؤك عن احتمالية تفاقم الوضع وصعوبة السيطرة عليه

شعور العجز يتمدد امام مجهول لا يمكنك حتي تحديده او معرفة مداه

الطوابق كلها خالية في هذا اليوم بالذات وكانه القدر

لا املك سوى الصراخ طلبا للعون من العمارات المجاورة

ياتي العون في لحظات وينتهي كل شئ في خمس دقائق ......لكنه يترك اثرا ربما يستمر كثيرا

ماذا لو كانت تلك الدقائق هي الدقائق الاخيرة لي في الحياة؟

تري هل كنت مستعدة للرحيل؟؟..وهل ننتظر مواقف كتلك المواقف لتذكرنا بالاستعداد للرحيل.. رغم اننا فعليا قد نرحل في اية لحظة

يوم واحد ...فقط

التاريخ 10 رمضان 1429 الموافق 10سبتمبر 2008

مجموعة صغيرة هي ...تضم الاخ الاكبر وانا واختي يرافقنا ابن خالي وصديقتي واحد اصدقاء اخي

نتحرك من الاسكندرية الي القاهرة حيث ننضم للقافلة الاولي لفك الحصار عن غزة والتي تخرج في السادسة صباحا ..نتوقف في الاسماعيلية ويحدث الصدام ...ثم نعود للقاهرة
...ونكرر المحاولة هناك ان نلحق بالقافلة الثانية قبل تحركها لكننا للاسف نصل بعد رحيلها بثلاث او اربع دقائق فحسب ...من جديد نحاول التحرك مع احدهم للعودة الي هناك ...لتتعطل السيارة التي ستنقلنا

هنا نقرر التوقف عن المحاولات... لكننا بحلول الظلام وقبل عودتنا للاسكندرية ندرك ان القافلة الثانية مازلت في الاسماعيلية وانهم قرروا المبيت ونقرر ان نعود اليهم مرة اخري لنصل اليهم في العاشرة مساءا ونظل معهم حتي يقرروا الرحيل ...مجانين نحن ...هكذا ارانا

يوم طويل كان .. ربما كان يوما واحدا فقط لكن احيانا يوم واحد يعلمك الكثير ...ربما اكثر مما تفعله سنوات طوال

في هذا اليوم عشت عبارة كانت تقولها لي احدي اخواتي كانت تقول ( انتم السترة ولكم الأجرة ) ربما لا ترون ايه علاقة مما تعلمته وما كان في في اليوم ...لكن هذا ما تعلمته

يوم واحد .. فقط ...آخر

التاريخ 6 من اكتوبر 2008 الموافق 6 من شوال 1429

تحرك القافلة الثانية لفك الحصار عن غزة .

لم تكن قافلة ...فلم يتركنا الامن حتي نكمل شد الرحال ...لم يتركنا لنجتمع سويا ونصير تجمعا واحدا يطلق عليه قافلة

لم يتركنا نتحرك ولو ببعد خطوتين من القاهرة .. ولا حتي داخل القاهرة نفسها ولو من قبيل ذر الرماد في العيون

كانت قافلتنا لفك الحصار عن غزة ...واتضح انه في الطريق لفك الحصار عن غزة ...لابد وان نفكه عن مصر اولا

اكثر كلمات سمعناها في هذا اليوم

متمشيش من هنا -

امشي من الشارع ده -

ابعد من هنا -

ورينا شنطتك -

واكثر الوان رايناها في هذا اليوم

هما الابيض والاسود او بمعني آخر ...ملابس الامن ...فلم يكن بالطريق غيرهم وكأن مصر قد خلت الا منهم

واكثر ما كرهت في هذا اليوم

هو احساس العجز ونحن نطوف الشوارع المحيطة بنقابة الصحفيين وبمجمع المحاكم نحاول ان نصل للمجموعة الوحيدة التي نراها والتي استطاعت ان تجمع نفسها رغم كتل الامن ...لكن كل الطرق اليها مغلقة ...وكل الشوارع محاصرة ...حتي محطة المترو اغلقوها هناك

ان تشعر انك مسجون في وطنك ...محبوس في بلدك ...فتدرك عندها كيف ان تلك المدينة...لم تسم عبثا قاهرة

اكثر ما احببت في هذا اليوم

هو لحظة اللقيا مع الاخرين لحظة ان تجمعنا للرحيل ... رغم اننا كنا راحلين ...لكن هون علينا مرارة الرحيل صحبة الطريق فقد كنا طوال اليوم وحدنا انا واخي الاكبر واختي الصغري ... وفقط عند الرحيل قابلنا الاخرين

اكثر ما اسعدني في هذا اليوم

حين افترقنا عن الباقين في اخر الرحلة ...علي وعد بلقياهم في القافلة القادمة وانا ارى نظرة التصميم في العيون .... وروح العزم والصمود تظهر في نبرات اصواتهم ... ونفوسهم لا تعرف الهزيمة او الخنوع وحين رايت الكل يتفق علي اللقاء في القافلة القادمة ...هنا ادركت بأن حصار اليوم لن يثنينا عن فك حصار غزة ...ولا حتي عن فك حصار مصر

لهم جميعا اقول :تصبحون علي .. وطن

عشرة ايام .. فقط
تتكرر كل عام ..انتظرها من عام لاخر ...وما بين كل ما استمده من معاني ومشاعر وطاقة روحانية وايجابية خلال الاعتكاف.. لدي قناعة بانه في كل عام هناك رسالة خاصة تنتظرني في تلك الايام
رسالة تحوي معني جديد ومختلف لم اجربه من قبل او ربما جربته وغاب عن ذهني ويحتاج مني البحث عنه في خبايا العقل
رسالة تأتي كل عام في وقتها ...احيانا اكون بانتظارها واحيانا اخري اجدها حاضرة وبقوة في الايام التالية...المهم انها دائما تكون في وقتها ودائما تؤدي هدفها
انتهت العشر ايام وانتهي الاعتكاف..حاولت ان انهل منه ما يكفيني للعام القادم
ومن بين الكثير والكثير مما نهلت ...كانت هناك تلك العبارة ..ظلت عالقة بالذهن ..تتردد في ردهات العقل بكثرة( مر وهذا الاثر ) نمر ويمر غيرنا كثيرون ...نحاول ان نترك في الناس اثرا ويحاولون ان يتركوا فينا اثرا
لكن ماذا عن عمق الاثر ؟؟
ماذا عن ثباته امام الرياح؟؟
ماذا عن مساحة هذا الاثر في النفوس؟؟
والاهم ... ماذا عن طبيعة هذا الاثر ؟؟ في خلال تلك الايام العشر ...مر علي الكثيرون ...لكن القليل منهم فقط تركوا مثل هذا الاثر
الي هـ .م ... سوف اتذكر دائما مقولة ابن الجوزي ( صبر ساعة خير من عذاب الأبد ، وإذا تعب العبد قليلاً استراح طويلا ) كما كنتي تذكريني
والي م . ع...سوف اتذكر دائما وابدا مقولة الامام حسن البنا ( وليعلم قومنا انهم احب الينا من نفسنا ) فقد كنت اراها فيكي
اليكما جميعا ...جزاكم الله عني خير الجزاء

عام واحد ...آخر

تختلس نظرة الي التقويم امامك ... تفاجئك الحقيقة ... تتساءل في دهشة هل مر عليك عام آخر في هذه الحياة
لم تكن ترغب بمواجهة تلك الحقيقة... هل حقا قد اسدل الستار علي عام اخر ... وبانك قد اتممت 23 عاما في هذه العالم
تجلس مع نفسك تحاول ان تكتشف ماذا قدمت لهذا العالم خلال تلك الفترة
تبحث عن شئ عظيم حققته فلا تجد
تبحث عن شئ يذكرك به الاخرون اذا مت الان فلا تجد
تبحث ربما عن احلام كبري تحققت او ربما انجازات عظيمة قد تمت لتتركها لمن بعدك فلا تجد
تكتشف انه قد مر عليك 23 عام في هذا العالم كنت تحاول الا تكون صفرا جديدا وسط الاصفار ..كنت تحاول ان تكون اكثر من مجرد رقم في سجلات الدولة .. لكنك مازلت تحمل نفس المسمي فقط ربما اصبحت رقما كبيرا ...هذا هو التغيير
وكما اتيت الي الحياة منذ 23عام بهدوء ودون ضجيج .. سترحل يوما ما في هدوء ...تري لو جاءت لك نفس الخاطرة
وقتها هل ستظل نتيجة البحث انك لا تجد

حين أدمنا الكلام

2008-08-30T15:54:00.000-07:00

مقالات ونقاشات وحوارات واقتراحات ......ندوات ولقاءات ومحاضرات ... مجموعة ضخمة ومهولة من الجمل والكلمات
كنت في البداية احب متابعة ذلك والمشاركة فيه

لكن حين يتحول هذا الامر الي شئ اشبه بالوباء ينتشر بين الجميع
وحين يظهر جيل جديد منذ صغره يدمن الكلام ...والكلام وفقط
وحين يناقش بعضنا اشياءا ربما لا تتاح له المعلومات الكافية الخاصة بها مما يجعل كلامه في غير موضعه فالصورة ليست كاملة امامه ...والرؤية ليست واضحة
وحين صرنا نتحدث ونتحدث ونتحدث حتي طغي وقت الحديث علي وقت العمل
وحين ادمننا التنظير حتي شغلنا عن ميدان العمل الحقيقي وهو احق واوالي بتواجدنا فيه

حين حدث كل ذلك كانت النتيجة الحتمية ..... أن كان المردود اقل بكثييييييييييييير مما كان يناقش
وبدلا من ان تكون المناقشات الفكرية او النقد الذاتي او الحوارات الفكرية بقدر معقول وعلي قدر الحاجة اليها
استبدلها بعضنا بالعمل علي ارض الواقع - اقول بعضنا لا كلنا -

اتساءل عن جيلنا الحالي واقارن بينه وبين من سبقونا
مقارنة بسيطة بين جيل كان يعمل افراده في صمت رغم ما كان يقابلهم من جهل الناس بهم وخوفهم منهم وضيق المساحات المتاح لهم التحرك فيها ...لكنهم عرفوا كيف يؤدون حقها
بينما نحن الجيل الذي اتيح له ان يتواجد في مرحلة الانفتاح علي المجتمع فاذ به ينشغل بالاندماج في المجتمع ويناسي لم كان هذا الانفتاح وما هدفه
وبدلا من ان يكون الاندماج وسيلة تستخدم لتوصيل رسالة وفكرة ومعني
شغلتنا الوسيلة وألياتها وطرقها عن العمل نفسه
شغلنا تجهيز ساحة المعركة عن المعركة نفسها
اتساءل عما اذا كنا حين تحدثنا قد ادينا جميع واجباتنا
هل ادي كل منا واجب الدعوة كل في مجاله؟
اتساءال عن حلقات المساجد ومدي انتظام انعقادها..هذا ان عقدت اصلا
اتساءال عن الكلمة القصيرة بعد كل صلاة في المسجد
اتساءال عن لجان الاشبال والزهرات وحفلاتهم ورحلاتهم وانشطتهم المختلفة ...هل مازالت بنفس قوتها كما كانت قديما
اتساءل عن قوافل الدعوة تنزل لتنشر عبيرها وسط الناس
اتساءل عن صلاة الفجر والمساجد التي ان كانت تنادي المصلين اليها ...فانها تستصرخ ذلك الذي ارتضي هذا الطريق ثم غاب عنها
اتساءال عن تساهل في الاوراد ما كان يتم في الجيل السابق

اتسائل عن علم وثقافة ننتظر ان تهبط علينا من السماء لا ان نبحث عن طرق لتنميتها وزيادتها
اتسال عن افراد ادمنت الاعتراض للاعتراض

اتساءل عن كل هذا
وعن اذا كنا حين نمارس كل هذا الكلام مارسناه بعد ان ادينا ميدان العمل حقه ....و حين نادنا ميدان الكلام والمناظرات والحوارات الفكرية لبينا لاننا كنا قد فرغنا من الميدان الاهم

لست ارفض تلك الحوارات او النقاشات بل اراها ضرورة ملحة لاي منظومة تريد ان ترتقي بافرادها وبكيانها

وتصنع مناخا صحيا يسمح بالتطوير المستمر لتلك المنظومة
لكنني كذلك اري اننا حين نقصر في الجوانب الاخري تتحول تلك الضرورة الي نوع من الترف الفكري لسنا اهلا له

فقط نصبح أهلَ له حين نوازن بين القول والعمل ... فهل نحن نفعل ذلك ؟

هو فقط مجرد سؤال

هل نحن ممن يحققون هذا التوازن ؟

طفولة... اصدي ..كانت طفولة

2008-05-17T18:40:00.000-07:00

كنت قريبة من المكان وقلت امر عليها
اخدني الحنين ليها .. ولقيت رجلي من غير ما احس واخداني ناحية شارعها..وفي لحظة كنت ادامها

ادام مدرستي القديمة (مدرسة المدينة المنورة ) ..كنت محتاجة اشوفها واشوف فيها ملامح طفولتي اللي عشتها جواها
بس يا ريتني ما شفتها ولا عديت عليها
لقيت مبني غير المبني وملامح غير الملامح اللي عرفتها زمان
ببساطة حصلت تجديدات في المدرسة وهدوا المبني القديم وبنوا واحد جديد
واكتشفت وانا بادور علي ملامح زمان في صورة مبني المدرسة انه لا المدرسة هيه المدرسة .. ولا الايام هيه الايام .. ولا انا هيه انا
غصب عني لقيت دموعي بتنزل ..مش عارفة كانت بتنزل علي ملامح المكان اللي اختفت واختفت معاها ذكرياتي فيه..وللا كنت بابكي طفولتي اللي راحت هيه كمان
بدات اجر رجلي وابعد عن المكان وبعد ما مشيت شوية خطوات.. التفت التفاتة اخيرة ناحية المبني ..ودعت المكان وودعت معاه بقايا ذكريات ايام جميلة مليانة براءة وحرية وانطلاق راحت ...بلا عودة

فاصل اعلاني
املك صورة انا فيها صغير
شكلي اتغير معرفتوش
كان في جيوبي مكعب سكر
داب السكر ملقتهوش
واما اتقطعت مني الساعه
وقع الوقت لقيتني كبير
- اغنية مكعب سكر -

يبدأ المطر ينزل في الاول قطرات صغيرة .. وبعدها القطرات تزيد وتزيد لغاية ما تتتحول القطرات لامطار غزيرة
الكل يبدا ياخد رد فعل سريع .. اللي يطلع شمسيته ويفتحها.. واللي يجري يستخبي تحت بلكونات البيوت ..واللي تلاقيه دخل يستخبي في مدخل بيت قريب
والاقيني عكس الناس خطواتي تصبح بطيئة ...وبدل ما استخبي من المطر ابدا ارفع وشي للسما اتلقي قطرات المطر باستمتاع
تنزل عليا النقط وتخبط وشي برقة
احسها مرة بتحضني وباحضنها .. ومرات تانية احسها بتغسلني من همومي
اقاوم رغبة ملحة في اني اجري تحت المطر او افتح دراعاتي وادوووور باستمتاع وكاني باحضن قطرات المطر اللي نازلة
وافتكر نفسي زمان وانا طفلة باجري تحت المطر واضحك والعب ..وفي النهاية ارجع لأمي وانا عارفة انها هتزعقلي عشان هدومي الغرقانة في مية المطر ...لكن نشوة اللعب ساعتها بتنسيني اي حاجة تانية
والنهاردة ..وانا عمري 22 سنة وشوية ..جايز مش عارفة اجري والعب زي زمان تحت المطرلكني غصب عني مش قادرة اقاوم المشي تحته باستمتاع
بصراحة مش عارفة هو ده عشق للمطر... وللا عشق للعب الطفولة اللي كان في يوم من الايام تحت المطر

اجري بسرعه عليها واركبها

افرد رجلي وابدا اتمرجح

هه ...يللا هوووب

الاول بشويش..بعدها ازق نفسي بالجامد

وابدا أعلي بالمرجيحة

أعلي

وأعلي

اغمض عيني واحلم اني باطير..

.باطير لفوووق...لفوووووووووق

باتخطي كل الحواجز .. وباعدي فوق كل الاسواار

واقول لنفسي في مرة اكيد وانا باتمرج هاكمل بالمرجيحة واوصل للسما فوق جمب العصافير

وحشتني المراجيح اوي..ووحشني اني اطير بيها زي زمان

ياتري المرجيحة اتكسرت وللا جرالها ايه؟؟

.. اصلي نفسي اتمرجح من تاني زي زمان

نداء وجهته قديما هنا واود ان اكرره الان

انا
بنت صغيرة بضفيرتين
لعبتها
صاحباتها
كتبها
كراساتها
هيه دي كل حياتها
لو قابلتوني
قولولي ان
انا وحشتني

فاصل اعلاني
عندما كنت صغيرا
كانت الاشياء في عيني فراشات كبيرة
كانت الايام عالالعاب عندي
كلها كانت مثيرة
- نشيد عندما كنت صغيرا -

النهاردة الجمعة يعني اجازة ..يعني مسموحلنا نتفرج عالتلفزيون ..هييييييه
نقعد انا واخواتي نتفرج
نبدا بسينما الاطفال وتتنقل عيوننا الصغيرة ما بين فيلم ساحر مدينة اوز ..لحلقات الكلبة لاسي
وتتنقل عيوننا من تاني ما بين برنامج ماما سامية لبرنامج ماما نجوي
وما بين اغنية انا انا انا ابريق الشاي لاغنية ياصحابي وصاحباتي هنا ومحلك سر
او اغنية مع انه خشب في خشب في خشب انما يستاهل تقله دهب
في البحر سمكة
كان فيه فراشة صغننه
لاغنية بولا بولا اللي مكنتش حافظة غير اولها
ومقدرش انسي اغنية الضفادع التي كتير حاولت افسر كلماتها واحفظها بدون فايدة
وكارتون الفيل بابار و كارتون مازنجر - افتح يا مازنجر انا معك - وكابتن ماجد والجون اللي بيتسدد في عشر حلقات وسلاحف النينجا
ماوكلي واليس في بلاد العجائب
دبدوبة التخينة
يااااااااااه حاجات كتييييييير متتنسيش
النهاردة بالاقيني باتنقل بين برامج الجزيرة وقناة الحوار وقناة الاقصي ..وبرامج التوك شو المختلفة وما بين متابعة تطورات الواقع السياسي المصري الي متابعة الوضع في فلسطين والعراق والسودان ولبنان
وافضل ادوّر وادوّر بين القنوات علي رائحة الطفولة القديمة دون جدوي
يا تري قنوات التلفزيون لسه بتعرض مواد زي المواد اللي كنت باشوفها وانا طفلة صغيرة وافتقدتها دلوقتي وانا كبيرة وللا هو زمن راح وراحت معاه حاجات تانية كتير

فاصل اعلاني
خطيئتي
أ نني أعيش دائماً بحالة انبهار
أني أرى العالَم بدهشة الصغار
- نزار قباني -

لبس المدرسة جلاد الكراسات
حصص الرسم والالعاب
بالذات حصة الرسم اللي كنت مبفوتهاش
شخبطة الالوان...ورسوماتي اللي مكملتهاش
رسمة الجنينة والمراجيح .. رسمة السوق وزحمة الناس .. رسمة البحر والصيادين..رسمة رمضان والمصريين
واهم رسمة ... رسمتي اللي بارسمها دلوقتي
بس لسه ملونتهاش
باحلم اني الونها بالالوان وخايفة غيري يلونهالي وميكونش معاه الوان غيير الابيض والاسود
ياتري رسمتي هتطلع ابيض واسود وللا هتطلع بالالوان

اقر انا الانسان ادناه
انني اعلم يقينا انها ايام ولت دون عودة ... لكن ليس بيدي شئ حين اجدني رغما عني اشتاق الي تلك الذكريات
واجد قلمي رغما عني يدونها
لاعود اليها كل حين واقول لنفسي
كانت هناك ايام جميلة مررت بها

واعلم في قرارة نفسي بانني يوما ما ساقول علي ايامي الحالية ...كانت اياما جميلة مررت بها

الطريق

2008-03-16T20:09:00.000-07:00

(الطريق..(مقتطفات من ابيات الشاعر فاروق جويدة

و مضيت وحدي.. في الطريق
شاب تعانق راحتاه يد القدر
يمضي كحد السيف منطلق الأمل
و تعثر المسكين في وسط الطريق
هزمته أحقاد البشر
فقد ضاق بالأحزان من طول السفر
أين البريق و أين أحلام العمر؟!
ضاعت على الطرقات في هذا الوطن
شيء من الأيام ينقصني بقايا.. من زمن

أبتاه قد علمتني حب التراب
كيف الحياة أعيشها رغم الصعاب
كيف الشباب يشدني نحو السحاب
حاسبت نفسي عمرها
حتى يئست من الحساب
وضميري المسكين مات من العذاب
أبتاه..
ما زال في قلبي عتاب
لم لم تعلمني الحياة مع الذئاب؟

أماه..
ما عدت أدري كيف ضاع الدرب مني
ما أثقل الأحزان في عمري و ما أشقى التمني..

يا ليل إن عاد الصحاب ليسألوا عني.. هنا
قل للصحاب بأنني
أصبحت أدرك.. من أنا
أنا لحظة سأعيشها
و أحس فيها من أنا؟!

يمضي علينا العمر.. والحلم الجميل
ما زال في صمت يقاوم كل أحزان الرحيل

و نظل نسلك في الحياة طريقنا..
نمضي على الدرب الطويل
لكي نصارع.. يأسنا
قد تمسح الأيام فيه دموعنا
أو تستبيح جراحنا
و نظل نمضي.. في الطريق

عنهم اتحدث (1)...اقصد عنه اتحدث...شخابيط حرة (3)

2008-02-17T04:25:00.000-08:00

تعاودها الآلام مرة أخري
تشعر بأنه قد حان الوقت
تخبر طبيبتها التي تقرر ادخالها حجرة العمليات
ييبدأ طبيب التخدير عمله لتجد نفسها تغيب عن الوعي شيئا فشيئا
تختفي من حولها الصور والوجوه .. وتختفي معالم الاشياء
فجأة يظهر أمامها

هي تعرف أنه هو .. ربما لم تستطع تمييز تفاصيل ملامحه رغم قربه منها لكنها توقن في داخلها انه هو
كان يرتدي ملابسا بيضاء وتحيطه هالة نور يطغي نورها علي كل شئ حتي غابت ملامح وجهه وسط هالة النور
كان يمسك بيده مسبحته ومصحفه الذان طالما كانا لا يفارقانه ...وضع يده علي وجهها وبدأ يقرأ القران
طوال عملية الولادة وهو واقف بجوارها ... تستطيع رغم ما هي فيه أن تميزه وسط الواقفين حولها ...تسطيع أن تميز صوته وهو يقرأ
بل تستطيع تمييز ما كان يقرأه ...كان يقرأ سورة الرحمن .. ظل يقرأ عليها حتي انتهت عملية الولادة
وعندما خرجت وبدأت تستعيد وعيها وتميز الأشياء من حولها كان أول ما نطقته
(ربنا يرحمك يا جدو )

.....

كانت هذه هي ابنة عمتي ...وما حكيته هو ما حدث لها منذ أيام قليلة اثناء ولادتها لطفلها الثاني عمار
أما من راته ورافقها في غرفة العمليات كان هو جدي الذي رحل عنا منذ عامين

رحل عن عالمنا منذ عامين ...لكنه لم يرحل من بيننا ... مازلنا نذكره باستمرار مع كل اجتماع للعائلة ..كان رحمه الله يحب (لمة العيلة) كما كان يسميها كثيرا ...تكون سعادته في اقصاها حين يجلس حوله اولاده الثمانية واحفاده الثلاثين منهم ...
كنا نحرص علي تكرار هذه اللمة في حياته وظللنا نحرص عليها اكثر بعد مماته
وكلما تجمعت العائلة اجدني اراه بعين الخيال .. هنا كان يجلس .. وهنا كان يداعب الاطفال .. وهناك كان يسأل هل وضعتم الطعام للنساء
يتردد صوته بأذني وكلماته المميزة وهو ينادي يا حاجة فين الفاكهة ...فين الشاي...
(او حين يلتفت الي أحد ابنائه سائلا اياه ( فلان مجاش ليه ) ...ويسال الاخر (فلان اتاخر ليه حد يكلمه

أتذكره وانا صغيرة حين كنت انزل مبكرا مع لحظات الصبح الاولي لأنتظر سيارة المدرسة فكنت اقابله وهو عائد من صلاة الفجر متدثرا بذلك البالطو الاسود وتلك الكوفية التي تغطي نصف وجهه .. في وسط البرد وذلك الشارع الخالي ...صورة له كنت اراها منذ زمن بعيد واستحضرها من حين الي اخر فهي مطبوعة في ذهني لا تنمحي

أتذكره وهو ( يدلع ) اطفال العائلة ويداعبهم ويقبلهم .. وأتذكرني وانا أراقب هذا وأسأل نفسي هو احنا كبرنا بسرعه وللا ايه؟؟؟؟؟

أتذكره وهو يطمئن علي دراستي .. واتساءل تري كيف كان يجد الامر حين يطمئن علينا حفيدا حفيدا كلما راي احدنا... وكيف كانت لا تغيب هذه اللفتة عنه أبدا حين يرانا ولا ينساها

اتذكره في محنة مرضه الاخيره وأنا أراه حين يجئ موعد جرعة حقن الكيماوي فكان حين لا يستطيع تحمل ألمها لا تنطلق منه صرخات الالم العادية ...اذ كان يستبدلها بلا اله الا اللـــــــــــــــــــــــــه او يا اللــــــــــــــــــــــــــــــــــــــــــــــــــــــــــه

يطيل في قولها فتنطلق منه كصرخة ألم لكنها تحمل في طياتها صبرا ورضا لا ينتهي .. حتي اذا انتهي الأمر يقول بكل هدوء الحمد لله ويعود ليتحدث في أي موضوع آخر كأن شيئا لم يكن ..وكأن من كانت تعاوده هذه الآلام شخصا آخر غيره

كنت حين اراه لا املك الا دموعي ودعائي له بأن يرزقه الله الثبات والصبر والرضا وان يكون ممن قال فيهم النبي ( لا يزال البلاء بالمؤمن والمؤمنة، في جسده وأهله وماله، حتى يلقى الله عز وجل وما عليه خطيئة)

أتذكر يوم وفاته ..كأنما مر بالأمس ...بكاء عماتي وجدتي الصامت..الحزن الذي يملأ عيون الرجال .. بكاء بعض الجيران عليه ربما أكثر منا ...أتذكرنا نحن الأحفاد الجالسون معا في غرفة تجمعنا كما اعتدنا لكننا لم نجلس لنتسامر او نلعب او نتحدث كما تعودنا ...بل جلسنا سويا يومها نبكي ...نمسك مصاحفنا لنقرأ القرآن ثم نعود لنبكي ثم نعود لمصاحفنا مرة اخري وهكذا

أتذكر جنازته ...حين عاد أخوتي الذكور ليحكون لنا عنها .. كيف مشي فيها الكثير من اقربائه واحبائه ومعارفه وهم كثر..وكذلك أحباء اولاده واخوانهم وهم أيضا كثر ...يومها تذكرت حديث رسول الله -ص- (من صلى عليه مائة من المسلمين غفر له ) وتمنيت أن يرزقني الله جنازة مثله يمشي فيها الكثير ... ودعوت أكثر بأن يتقبله الله في رحمته وان يرزقنا جميعا حسن الخاتمة

أتذكر أخي الذي عاد يحكي كيف أن من غسله كان يقول ( مشفتش وش منور زيه قبل كده )

أتذكر العزاء والسرادق المزدحم الذي كانوا يحكون عنه كيف انه ما يكاد يفرغ فيه كرسي حتي يمتلئ من جديد

سامحني يا جدى ...قصرت في حقك كثيرا
خاصة في فترة مرضك الاخيرة وقد كانت فترة امتحانات التيرم عندي
احاسب نفسي كثيرا حين اتذكر هذا...وأندم أشد الندم ... واجدني اليوم حين اتذكر هذا لا املك الا ان اكون هذا الولد الذي يدعو لك دائما بالمغفرة والرحمة وان يجازيك الله عنا خير الجزااااااااء

لم تكن شخصا مرموقا بل كنت شخصا بسيطا جدااا...لكنك كنت بعيني أعظم الرجال..

ربي ابناؤه كافضل ما يكون ...فكان منهم خريجي الصيدلة والحقوق والعلوم والاعلام والتربية ..يشهد لهم جميع من عرفهم .. وجاءت سلسلة الاحفاد لتكمل الطريق ...

وليكون من بعده سلسلة تشهد انه حين رحل عن عالمنا ترك صدقة جارية في المجتمع تتكون من تربية صالحة رباها لابناؤه يورثونها لابنائهم ... وكذلك ترك اولادا صالحين واحفاد كثر يدعون له

ـــــــــــــــــــــــــــــــــــــــــــــــــ

* دي صورة عمار بعد ولادته بأيام ....متنسوش تقولوا معايا لباباه ومامته بورك في الموهوب وشكرت الواهب ورزقتم بره...ربنا يجعله قرة عين ليكم

غزة

2008-01-20T20:37:00.000-08:00

تتلاحق امامي الصور
وتمر امام عيني المشاهد

جثث .. اشلاء ..ودماء
فزع ...وصراخ...وبكاء

اطالع وجوه اطفال غزة
...تلاحقني دموعهم

...تحاصرني آهاتهم

...تعاتبني نظراتهم
وتسألني وجوههم البريئة التي غطتها الدماء
كيف تركناهم يفعلون بهم ما يفعلون؟
افتح فمي لاجيبهم ..ثم اغلقه واصمت.. فلا جواب لدي

تصرخ الام محتضنة ولدها المريض ..الذي تعلم انه لن يصله الدواء

ماذا اذنبنا .. ولماذا يفعل بنا هكذا؟؟
احاول ان اجيبها ..ثم لا البث ان اقرر الصمت.. فلا جواب لدي

تحدثني الجثث والاشلاء...تحدثني اجساد المرضي الراقدة في طرقات المستشفيات من كثرتها

وتسألني حتي متي تتركونا لهم ؟ماذا تنتظرون؟؟
اكاد اجيبهم...لكنني اوثر الصمت فلا جواب لدي

اشاهد المذيع الفلسطيني يستصرخ هممنا , ويبرأ ذمته امام الله بانه قد بلغنا وحملنا امانة النصرة
يناشد امة المليار ان تحركوا.. يستحث هممنا ان افيقوا..هم امة ضعيفة لو بصقتم عليهم لغرقوا
يصرخ فينا حتي متي الصمت والتخاذل؟
يستصرخنا حتي متي تنتظرون؟
متي تنفضون غبار الذل عنكم؟

كدت اصمت كما فعلت من قبل ..لكنني هذه المرة لم استطع

فما عاد يجدي الصمت

ماذا سنقول امام الله وقد شاهدنا ما شاهدنا من اشلاء ودماء وجراح
وقد سمعنا ما سمعنا من صراخ وبكاء واستغاثات
ماذا سنقول امام الله عن تلك الامانة التي ضيعناها بصمتنا وتخاذلنا

لو مات بالامس فرد مع استمرار الوضع الحالي وصمتنا عليه ...غدا سيموت مائة
لو اصيب بالامس طفل .. غدا سيموت مع الصمت مائة

ما عاد يصل اليهم في غزة لا غذاء ولا دواء ولا وقود
فقط امامهم أيام بل ساعات وينفذ مخزونهم
مولدات الطاقة الاحتياطية المعدة للعمل ساعة او ساعتين تعمل ليل نهار في المستشفيات ولو لم تنطفئ بسبب كثرة الضغط عليها وتلفها ..سيطفئونها باختيارهم حين يقطعون الكهرباء عن قسم قسم بالمستشفي ليوفروا الكهرباء قدر امكانهم للقسم الاكثر احتياجا

اري بعين الخيال احدهم يتجه نحو المولدات الاحتياطية وباصابع مرتعشة وبقلب يعتصره الالم يقف امام المولد ليقطع الكهرباء عن احد الاقسام وهو يعلم انه حين يقطع تلك الطاقة عن ذلك القسم ربما سيقطع امل الحياة عن مريض منهم
سيقف مرة ليقطع الكهرباء عن قسم الغسيل الكلوي ... ومرة يقطعه عن قسم العمليات ... وثالثة عن قسم العناية المركزة ...ورابعة عن قسم مرضي القلب
اراه بعين الخيال يبكي لكنه لا يملك خيارا اخر

اري بعين الخيال موالدات المياة والصرف الصحي ..الكل متوقف
وكارثة صحية تظهر في الافق مع وضع صحي وطبي لا يتحمل المزيد من المرضي

لا ادوية تصل اليهم ولا اطعمة

لا اتخيل كيف نطيق التمتع باصناف الطعام وهم لا يجدون منه ما يكفيهم؟؟

كيف نستسيغ اللقمة في افواهنا وهم محرومون منها؟؟

لا طعام

ولا ادوية

ولا وقود او كهرباء

ومع كل هذا ..لا يتوقف القصف ولا تتوقف الضربات
وكأن الحصار والمنع والظلام لا يكفيان

فجعبة اليهود محملة بالكثير لاهل غزة

عظيم انت يا شعب فلسطين
عظيم في صبرك
عظيم في نضالك
عظيم في ثباتك
اراكم كامثال الصحابة في غزوة الخندق
يجتمع عليكم الاحزاب في انا بوليس ...وبينما تحمس كل القادة لانا بوليس خفتت اصواتهم ازاء ما يحدث في غزة
الاحزاب في جانب ..و اليهود المتربصين بكم من جانب اخر .. و المافقين من جانب ثالث
لكنكم لم تستسلموا ...لم تسلموا الراية ..بل قلتم كما قال الصحابة يوم الخندق (ولما رأى المؤمنون الأحزاب قالوا هذا ما وعدنا الله ورسوله وصدق الله ورسوله وما زادهم إلا إيماناً وتسليماً )

ووجدناكم حين تخلي عنكم الجميع وتركوكم وسط ظلام دامس لم تستسلموا.. لم تلعنوا الظلام وتسلموا..بل وجدناكم تضيئون شموعا في درب العزة والكرامة
وجدناكم كما اعتدناكم
عظماء بحق

نعتذر اليكم ونعلم انه ليس لمثلنا عذر
فقبل ان تقعدنا قيود حكامنا ومنعهم وحصارهم لنا اقعدتنا ذنوبنا عن نصرتكم
يارب لا تؤاخذهم بذنوبنا
لا تؤاخذهم بتقصيرنا
يارب صاموا وصمنا ..وصلوا وصلينا ...لكنهم جاهدوا في سبيلك وتخاذلنا
اغفر لنا تقصيرنا يارب ولا تؤاخذهم بذنوبنا
اكشف عنهم البلاء يا الله
ازل عنهم الغمة يا الله

فرج كربهم يا الله

(عني اتحدث ....شخابيط حرة (2

2008-01-06T18:59:00.000-08:00

عني اتحدث

اغيب عن نفسي

وأظل أبحث عني
اقابلني في الزحام

ثم اتوه مني
...أقابلني
فأسالني
متي سأعود؟؟؟؟

قابلت صورتي علي مرايتي

بصيت عليا وللأسف معرفتنيش

دورت جوايا عليا لكن ملقتنيش

في المراية لقيت الملامح تشبهني

لكن ملامحي من جوه مش هيه هيه

لقيتني باسأل نفسي

ليه لما بادور جوايا عليا مش بالاقيني؟

بجد هو انا رحت فين ؟؟؟

راحت فين الانسانة اللي كنتها في بداية التزامي؟؟
راحت فين الهمة العالية اني أسمع فاطبق بعدها علطول ؟؟

راح فين احساس الندم الشديد بعد الذنب مهما كان صغير.. او التقصير في الشغل مهما كان بسيط؟؟

راح فين الشغل اللي كنت باستشعره بقلبي الاول واحقق معناه جوايا قبل ما ابدأ انفذه؟؟

راح فين الاقبال علي شغل الدعوة بهمة ورغبة وحب ؟؟......ليه كله بئا روتيني ومش زي الاول!!؟

راح فين الاصرار اللي كان بيخليني اتخطي اي تحديات كانت بتقابلني؟؟... هو نَفسي مبقاش طويل زي زمان وللا ايه...وعزيمتي راحت فين!!؟

راح فين التفاؤل حتي في احلك المواقف ... اللي صحباتي من كتر ما كانوا مستغربينه فيا كانوا بيعتبروه عيب من عيوبي لانه مش مناسب لعصرنا بكل احباطاته؟؟

راحت فين الضحكة اللي كانت من القلب بجد ؟؟....ليه حتي الضحك مبقاش له طعم زي الاول!!؟

هوه أنا رحت مني فين؟

حاسة ان أنا مش أنا
باحاول ألاقيني وأرجعني ومش عارفة
باحاول كتير .. ومش عارفة اذا كنت هاوافق أرجع معايا للطريق من تاني وللا هاعاندني
عموما... الفترة اللي فاتت كانت فيه وقفات كتير بيني وبين نفسي
قعدت أنا ونفسي مع بعض ...واتناقشنا واتكلمنا كتير ...حاولت أقنعني بان غيابي طول واني لازم أرجع معايا للطريق اللي رسمناه زمان لينا

وافقت مبدئيا اننا نبدأ سوا سكة الرجوع

أينعم السكة شكلها طويلة وصعبة

لكن أنا و نفسي قررنا مع بعض اننا نمشيها سوا وهنشجع بعض

وأكيد ان شاء الله هننفذ قرارنا وهنمشي في الطريق لغاية ما نوصل بسلام

في بداية الطريق... لقينا ضيفين بيحاولوا ينضموا لينا في رحلتنا

الضيفين هما الخوف والأمل
الخوف من اني أتعب مني وأسيبني في نص السكة ومكملش
والأمل في اننا نقدر نوصل لنهاية الطريق بسلام

اعتذرت بأدب للخوف .....وقررنا أنا ونفسي اننا يكون معانا في الرحلة رفيق طريق واحد وبس

رفيق اسمه الأمل

الأمل في اني أتصالح معايا للأبد

الأمل في اني مبعدش عني تاني واني حتي لو بعدت أرجعلي تاني بسرعة

الأمل في اني أنا ونفسي نرجع نشتغل بهمة زي زمان ...ونحلم زي زمان ..ونفرح بجد زي زمان

الأمل في اننا نقطع الطريق اللي اختارناه من غير تكاسل أو فتور

الأمل في اننا نعيش ونموت واحنا علي نفس الطريق

الأمل اني دايما أكون أنا

ــــــــــــــــــــــــــــــــــــــــ

الجزء الاول : اتحدث (1)....شخابيط حرة

tired

2008-01-01T13:26:00.000-08:00

Tired

need a break from every thing

اتوبيس يحمل الوطن الي رفح

2007-12-03T07:27:00.000-08:00

وتحرك منطلقا بنا نحو رفح

كان هذا هو الاتوبيس الذي حمل قافلتنا ( قافلة معا لفك الحصار عن غزة ) من القاهرة متجها نحو رفح
هو اتوبيس مزدحم ..تماما كشوارع القاهرة ظهرا

صاخب في بداية اليوم... تماما كشوارعها وقت الذروة
ومنهك في نهاية اليوم... تماما كشوارعها ليلا

هو اتوبيس في مجمله ..تماما كالوطن

تجد فيه اليساري والاخواني والناصري ...وتجد فيه اعضاء من حزب الغد والعمل ..وتجد فيه اعضاء آخرون في الجبهة او في كفاية
يجلس هذا بجانب ذاك

وتقف هذه لتحدث تلك
تختفي بيننا الفروق والاتجاهات ويعلو صوت الهدف الواحد الذي اتفقنا عليه...والحلم الذي حملناه سويا في رحلتنا
حلم كسر الحصار عن غزة
رايت في اتوبيسنا صورة مصغرة لمصر ..
خليط متباين من الافكار والاتجاهات والرؤي.. لكنها كانت تحمل هدفا واحد ..وطريقا واحد
جمعنا سمو الهدف ,وصدق الامنية ,وجمال الحلم
حلم الحرية للوطن العربي الاكبر وبخاصة فلسطين.. ومن قبله حلم الحرية لوطننا الاصغر مصر

في ذلك الاتوبيس تشاركنا الفرحة والاستمتاع بالصحبة طوال الطريق

كما تشاركنا سويا هم المنع ومرارة الظلم وقسوة البطش والقهر

ــــــــــــــــــــــــــــــــــــــــــــــــــــــــــــــــــــــــــــ

في بداية الرحلة اشترك الجميع في الغناء
وما بين اغنية الجدع جدع والجبان جبان ... بينا يا جدع نفتح الميدان
الي انشودة فكوا القيود ...ازيلوا السدود ..ازيلوا العوائق حتي الحدود
ثم نغني يا مصر لو صاحية وسامعة اقري الاخبار ..الورد فتح في الجامعة علي ايد ابطال
ثم يسمعنا البعض شعرا لاحمد مطر تليها اشعار احمد فؤاد نجم وامل دنقل ومحمود درويش
نستمع قليلا لصوت عبد الحليم حافظ يغني للوطن
ثم نسمع شريط كاسيت يحمل انشودة نحن الذين بايعوا محمدا ..علي الهدي ..ما بقينا ابدا

خليط رغم اختلافه لكنني لم اشعر للحظة بتنافره
كنت اشعر اننا جميعا رغم اختلافنا متفقون ..والاهم منسجمون

هناك في اتوبيس الوطن كنا ناكل سويا... تشاركنا اكياس السندويتشات واكياس البقسماط والاهم كيس من بلح سيناء والذي مر علي الاتوبيس كله ليكون لكل منا فيه نصيب
تشاركنا زجاجات المياة وروينا عطشنا في الطريق

ــــــــــــــــــــــــــــــــــــــــــــــــــــــــــــــــــــــــــــ

وكما غنينا واكلنا وشربنا سويا
كذلك تظاهرنا سويا
وعند المنع والحصار منعنا سويا
كلنا وقفنا بالساعات معا في الانتظار امام كل نقطة تفتيش

كلنا وقفنا امام عساكر الامن

وكلنا تلقينا ضرباته
كلنا صرخنا امامه يا حرية فينك فينك... امن الدولة ما بيننا وبينك
وفي النهاية ايضا كلنا منعنا من المرور
وكلنا طالنا بطش النظام المستبد

نعم اختلفنا قليلا في بعض القرارات خاصة في النهاية حين بدا واضحا اننا لن نمر لكننا في النهاية اتفقنا علي الاصلح للمهمة التي اتنيا من اجلها ..وقررنا العودة علي امل تكرار المحاولة
رجعنا ونحن نحمل قرارا جماعيا بأن ما حدث لن يجعلنا نتوقف عن الرسالة والهدف الذي جمعنا ...بل ازددنا عزما واصرارا علي الاستمرار لان ما حدث أوضح لنا انه مازال امامنا طريق طويل لنقطعه نحو الحرية ...وقطعا لن نقطع هذا الطريق فرادي
بل سنقطعه مجتمعين ..كما قطعنا طريق اليوم الي رفح مجتمعين

ــــــــــــــــــــــــــــــــــــــــــــــــــــــــــــــــــــــــــ

: خواطر علي هامش اليوم

كانت قافلتنا للدعوة لفك الحصار عن غزة ...لكننا اكتشفنا فيها اننا محاصرون مثلهم بل وربما اكثر منهم -

استاذنا العظيم محمد عبد القدوس لم تتح لي رؤيتك سوي بضع مرات -

لكني مع كل مرة كنت اراك فيها كنت اتعلم منك
لك مني جزيل الشكر

الي رفاق الطريق ...سواءا قافلتنا الصغيرة القادمة من الاسكندرية -

او قافلتنا الكبيرة من جميع الاتجاهات والتيارات التي التقيناها هناك

لكم جميعا

شكرااااااااااا

- منذ ان ركبت الاتوبيس متجهة نحو القاهرة ثم من القاهرة نحو رفح وانا يغمرني احساس واحد
هل ساصل الي ارض رفح ليكون الفاصل بيني وبين فلسطين بضعة امتار
هل سيكون الفاصل بيني وبين تراب فلسطين ..وعطر فلسطين بضعة خطوات
ربما لم نصل فعلا الي رفح
لكن ظلت هذه الفكرة حاضرة في ذهني وبقوة ونحن في العريش
انني يفصلني عن اغلي ارض بضعة كيلو مترات
يفصلني عن فلسطين الوطن مسافة ساعات قليلة

وعندما نتهي الامر وصدر القرار بالعودة
وجدت نفسي اترك المكان وارحل ...لكني حملت معي من هناك عزما واصرارا شديدا بأنني يوما ما سأعود

حتما سأعود

أتحدث (1) ........شخابيط حرة

2007-11-07T16:39:00.000-08:00

عني اتحدث

في الزحام

أظل أبحث عني

لكني اتوه مني

...أجدني
واعود لافلت مني

...أقابلني

فأسالني

متي سأعود؟؟؟؟

ـــــــــــــــــــــــــــــــــــ

عن احلامي اتحدث

وفي كل يوم

ياتي الليل حاملا لي معه هدية

صندوقا من احلام وردية

افتحه ..

اخرج احلام هي ليّ

وللحظات

اعيش فيها وتعيش فيّ

ثم ياتي الصباح

وياتي معه موعد اغلاق الصندوق

لكني أدرك مع تباشير الصبح الاولي

كيف أن أحلام الليل

لاتنتهي بشروق الشمس

ـــــــــــــــــــــــــــــــــــ

عنهم أتحدث

رفاق أخذتهم دروب الحياة بعيدا عني

اظن بأنهم من حياتي...قد زالوا

لكني حين اذكرهم

فيدق قلبي شوقا اليهم

أدرك عندها انهم في حياتي...لا زالوا

لهم أقول

أشتاق اليكم وأفتقدكم كثيرا

ـــــــــــــــــــــــــــــــــــ

اليهم أتحدث

فقط

سامحكم الله

ـــــــــــــــــــــــــــــــــــ

الي نفسي أتحدث

اين؟؟
متي؟؟
كيف؟؟

عبثا تبحثين عن اجابة
لكن عجبا لها الايام
تراقبك من بعيد بابتسامة
لكنها ترفض البوح بالاجابة
وتعلن اعتزال الكلام

ــــــــــــــــــــــــــــــ

عن الجميع والي الجميع

الامر ليس دائما كما يبدو

ــــــــــــــــــــــــــــــ

- يتبع -

- متي حان الوقت لذلك -

بكم نبني الغد الاحلي

2007-10-25T14:30:00.000-07:00

بكم ....سنغير الدنيا
ويسمع صوتنا القدر*
بكم... نبني الغد الاحلي
بكم ...نمضي وننتصر

هكذا بدا الحدث
بينما تترد هذه الكلمات ...تمر علي الشاشة صورا لبانرات المدونات
كان هذا هو الفيديو الذي بدأ به الملتقى الأول للمدونيين ضد التعذيب
اجد هذه الكلمات تعلق في ذهني ...ربما كانت هذه الكلمات أكثر ما علق بذهني من كل ما سمعته في هذا اليوم

نعم
بنا نحن
نحن الشباب
نحن الامل
الامل لوطن تشكو كل ذرة فيه من فساد او ظلم او فقر او جهل
نحن من سيبني الغد الاحلي لمصر
نحن الشباب
ولأخصص اكثر
المدونون منا والحقوقيون والعاملون في العمل العام
سنسمع الدنيا كلها صوتنا ...ولتصم اذن الدنيا ان لم تسمع لنا

نعم
بنا نحن الشباب

اوقن بهذا واصدقه وانا اتذكر كل وجه من الوجوه التي رايتها علي مدار اسبوع التحضير للمؤتمر وكذلك الوجوه التي رايتها في المؤتمر نفسه

اوقن بهذا واصدقه عندما كنت اري فريق العمل يجتمع في الايام السابقة كل يوم بلا تعب او ملل ليضع اللمسات الاخيرة لكل شئ

اوقن بهذا واصدقه عندما كنت اري فريق العمل ينهي جزئية ليبدأ في الاخري وكانه يحمل همة لا تنتهي الا بانتهاء العمل

اوقن بهذا واصدقه عندما رايت الحلم يتحول لحقيقة في اليوم نفسه وانا اري المدونون والحقوقيين يتوافدون علي المكان

اوقن بهذا واصدقه عندما رايت البعض يسافر من مدينته ليأتي الي المؤتمر لبضع ساعات وما كان ليقطع المسافات الا لانه يحمل مثلي هذا اليقين

اوقن بهذا واصدقه عندما كنت اري المدونون الذين بدأوا يتوافدون يشاركون معنا في اللمسات النهائية ...فهذا اليوم كان يوم الجميع والسيمفونية يعزفها الجميع لان اللحن ملك للجميع

اوقن بهذا واصدقه عندما كنت اري روحا جميلة من العمل الجماعي تسري بين الجميع رغم انها قد تكون المرة الاولي للقاء بعضهم البعض

اوقن بهذا واصدقه عندما استمعت لكلمة عبد الرحمن فارس وهو يحكي ظروف اعتقاله في العيد ولكنه بوجوده وسطنا كان اكبر دليل علي اصراره علي الاستمرار في هذا الطريق فالاعتقال لم يوقفه

اوقن بهذا واصدقه عندما استمعت لكلمة أحمد أبوالمجد وكيف تم تعذيبه بالكهرباء لكنه لم يخرج من المعتقل ليتوقف وانما نراه اليوم ياتي الينا ليخبرنا ماذا سنفعل وكيف سنكون نحن من سيضعون الجرس علي عنق القط ...بمعني اخر لو اننا لم نستطع ايقاف التعذيب فنحن من سيفضحه

اوقن بهذا واصدقه حينما راينا المدونة إيناس حسني وقد جاءت بتصور لهيكل يللانفضحهم ..نموذج متحرك للذاتية والنشاط

اوقن بهذا واصدقه حين رايت معتز عادل يتحدث باسم تجمع مدوني الدلتا وعمرو سلامة من مدونين الشرقية وشيماء بشري عن المدونات
او المدون الناشط يحيي زكريا ...نماذج ربما اكبر دليل علي صدق يقيني

اوقن بهذا واصدقه عندما اري نماذجا عظيمة ممن سبقونا في هذا المجال تتبنانا كأبنائها وتحرص علي أن تنقل لنا خبرتها في هذا الميدان
عندما كنت اري أستاذنا الكبير دكتور ابراهيم الزعفراني كيف كان يجهز معنا للمؤتمر بهمة عالية قد لا نجدها في الشباب
او كنت اري الباشمهندس هيثم يتحرك جيئة وذهابا يطمئن علي كل نقطة في العمل
وايضا من شجعونا من المتحدثين الافاضل

اوقن بهذا واصدقه عندما جلسنا لورشة العمل بعد المؤتمر كيف كان يتكلم الجميع بحماس .....كيف كانت الهمة العالية تظهر في كلمات الجميع

اوقن بهذا واصدقه حين أرانا نضع البصمة الاولي لكيان يبحث عن حقوق اناس ما عاد احد يبحث عن حقوقهم

اوقن بهذا واصدقه حين ارانا نلبي نداء الحرية المفقودة في وطن مكبل ...لنعلن اننا الجيل الباحث عن الحرية والعائد بها باذن الله

ــــــــــــــــــــــــــــــــــ

مش عارفة مدي صحة الجملة دي *

هنتجمع هنا..مستنيينكم

2007-10-13T22:59:00.000-07:00

لاول مرة بالاسكندرية :
دعوة لحضور ملتقي الدفاع عن سجناء الراي وحقوق الانسان
.... بالإشتراك مع ....تجمع المدونين الطامحين في وطن عربي بدون سجين رأي واحد
و بحضور نخبة من الصحفين والسياسين والمدونين
فرصه حقيقيه ليجتمع المدونين مع بعضهم البعض ويعلنوا تضامنهم مع حرية الصحافه والكلمه في مصر

موعدنا : الخميس 18/ 10
الساعه 5
بنادي المحامين بجليم
كورنيش البحر الاسكندرية
في انتظار تجمع المدونين .. في العاصمة الثانية ..الاسكندرية

ممكن نتعرف ؟؟.....هكذا بدا حواري معها

2007-09-15T20:15:00.000-07:00

في مثل هذه الايام توطدت علاقتي بها كثيرا

في مثل هذه الايام اقتربت منها اكثر

في مثل هذه الايام كانت البداية

وفي مثل هذه الايام

اعيد نشر هذا الموضوع مرة اخري

طالبة منكم ان تتذكروها بالدعاء لها كثيرا ولاهلها في صلاتكم ..في سجودكم
ادعوا لاهلها بان يرزقهم الله الصبر والثبات وان يصلح حالهم

ـــــــــــــــــــــــــــــــــــــــــــــ

ممكن نتعرف ؟؟.....هكذا بدا حواري معها

تعرفت عليها كغيرها ولكني لم اكن ادري انها لن تكون كغيرها

تصادف اننا نجلس يوميا علي النت في نفس الموعد ..مما اتاح لنا الحديث سويا كثيرا - وان لم يتح لنا اللقاء وكم كنت اتمني هذا اللقاء يوما ما
احدثها عن الاخوان فتقول ...خلي بالك من نفسك يا بنتي

احدثها عن المظاهرات فتقول ...ابقي طمنيني عليكي انا خايفة يجرالك حاجة فيها

احدثها عن مصر التي احبها واعشقها فتقول..مصر باظت ومعدش في امل

اقول لها ان بكرة اجمل.. فتقول ازاي بكرة يكون اجمل...... اقولها بايدينا.. فتقول ايدينا مربوطة متحاوليش مفيش امل ومهما عملتوا الوضع حيفضل كده
ويظل النقاش دائرا بين تفاؤلي رغم سوء الاوضاع ...ونظرتها القاتمة لمستقبل مصر وبكرة الاجمل الذي لن ياتي وكانها كانت تعلم

كلمتني في رمضان ..ولاول مرة بعد الاحاديث الطويلة التي كانت بيننا كانت علي غير عادتها مقتضبة في كلامها

مالك -

انا تعبانة شوية ادعيلي -

ان شاء الله خير متقلقيش ...بس ابقي طمنيني عليكي -

ماشي بس انا مسافرة عمرة لما ارجع ان شاء الله ابقي اطمنك-

حتدعيلي هناك صح -

طبعا بس المهم ان انتي اللي متنسيش تدعيلي كتييييييييييير -

وانتهي الحوار المقتضب الغريب بطلبها للدعاء للمرة التانية....بالطبع لم افهم شيئا وقتها وانتظرت ان اكلمها مرة اخري ولكن تمر الايام والشهور ولا تظهر

ارسل لها اوف لاين مسج اكثر من مرة علي امل ان ترد علي تطمئني دون مجيب
ظننتها نسيتني او حل شئ بجهازها لم استطع معرفة ما يحدث فهي لا تدخل علي النت وما كانت عندي وسيلة اخري للوصول اليها

وبعد فترة... *** اون لاين ..فرحت جدا وبدات الحوار

اخيرا ظهرتي...فينك يا بنتي -

معلش انا مش***انا اختها -

تعرفت عليها وتحادثنا لبعض الوقت وهزرت كثيرا كعادتي ثم فجاة تذكرت السؤال المهم -

امال فين *** ليه مش بتظهر -

احنا بنجهز شنطتها ورايحين لها دلوقتي -

رايحين لمين؟؟ -

رايحين ل*** دلوقتي -

رايحين لها فين؟؟؟ -

مستشفي ***** -

ليه خير ؟؟ -

ايه ده هيه مقالتلكيش اصلها تعبت من فترة... هيه مقالتلكيش علي تعبها؟؟ -

ايوة قالتلي بس ما اتكلمتش عن تفاصيل ..خير ؟؟؟ -

طلع عندها سرطان في الرئة وهيه دلوقتي في المستشفي*** -

وكأن احدهم القي علي كوبا من الماء البارد...لم ادر بماذا ارد..حالة من الذهول والحزن والصدمة
استمر الحوار ...طمانتني علي اختها ..وتواعدنا ان تدخل لتطمئنني عليها باستمرار..اتفقنا ان تكلمني يوميا تخبرني بالجديد لاطمئن...استمر هذا للبضعة ايام ...ثم انقطع الاتصال معها
اكاد اجن وانا لا استطيع ان اطمئن عليها ..واتخيل هل اختها لا تستطيع دخول ايميلها ...هل زاد المرض عليها ..هل وهل وهل

وفي احد الايام وبعد مرور شهراسمها اون لاين

مين ؟؟؟ -

*** انا اخت -

ها طمنيني ...انا كنت حاتجن الفترة اللي فاتت وانا مش عارفة اوصلكم ...اختك اخبارها ايه -

فترة صمت لمدة ثواني لكنها تمر علي كالساعة ...انتظر ودقات قلبي تتزايد

ماتت*** -

...................انظر الي الشاشة ......اقراها مرات ومرات ..لا اصدق اعيد قراتها ...

اظل هكذا لمدة دقائق ويخيم علي شعور بالحزن والرغبة في البكاء....تمتلئ عيني بالدموع ....

لكن ابدا مشوار المواساة واسالها عن حالها هي وباقي اسرتها وتخبرني كيف تدمرت حياتهم بوفاة اختها ...وتبدا في سرد ما حل بهم منذ وفاة اختهااحاول ان اصبرها واصبر نفسي معها... ولكنها كانت مصدومة في فقد اختها وصديقتها انهيت حواري معها وانا لا اكاد اصدق...

حملت ما حدث في قلبي وعقلي ثم قررت ان اشرككم فيه واطلب منكم ان تدعو لصديقتي بالرحمة والمغفرة وان يرزقها الله الجنه
وان تدعو لاهلها بالصبر والثبات

واطلب منكم ايضا ان تخبروا اختها كم ان الله يحبها و يحبهم ..ذكروها بحديث الرسول -ص-اشد الناس ابتلاءا الانبياء ثم الامثل فالامثل ...وانه كل ما كان الابتلاء اكبر كل ما كانوا من الامثل اكثر ..و لعلهم كانوا من هؤلاء الامثل

اخبروها باننا هل نعترض اذا اعطانا احدهم وديعة ثم استردها ..ولله المثل الاعلي ... رزقهم الله ***ثم استرد وديعته
اخبروها ان اختها ماتت بعد ان رزقها الله صيام وقيام رمضان ..وعمرة في رمضان ..ثم توفت بعدها بشهر واحد

اخبروها ان امر المؤمن كله له خير ..ان اصابته سراء شكر وان اصابته ضراء صبر...وما اصابهم هو خيركما قال

الرسول فقط يصبروا عليه وعندها

(انما يوفي الصابرون اجرهم بغير حساب )

اخبروها ان تجعل هذه الاية شعارا لها

(انما يوفي الصابرون اجرهم بغير حساب )

_____

ملحوظة اخيرة عشان السؤال ده اتسالي كذا مرة ...ايوة يا جماعة ..القصة حقيقية

ثقافة الخوف

2007-08-31T21:04:00.000-07:00

يتردد بداخلي السؤال

تري هل نجحوا في ان يزرعوا في قلوب هذا الشعب ثقافة الخوف؟؟؟؟؟

جالسة ومعي الكثيرين مع والدة واخت احد المعتقلين الشباب.. جئنا لنساندهم ونقف بجانبهم ..ولــبث بعضا من ثبات ربما تفقدانه في هذه الظروف

كان معظم الجالسين من جيرانها ..لم يحدث ان تصادف ان اجتمعت في يوم مع مثل هذا الجمع من الناس التي لا تحمل اي انتماءات او قناعات او افكار مسبقة واثير معهم مثل هذا الموضوع (الاحوال السياسية والاعتقالات التي تحدث للاخوان)

صدمني كلامهم ..تتحدث الاولي وتقول : وليه البهدلة دي ..انا خايفة علي عيالي ...يصلي ويصوم ويتدين بس في البيت.. ليه بس يروح لسكة المساجد والاخوان والمشاكل..خلينا ماشيين جمب الحيط احسن

اتعجب من كلامها ففعليا قارب معظم شعبنا علي الخروج من الجانب الاخر للحيط بعد ان كان يمشي جنب الحيط ثم تطور الحال ليدخل بعدها جوه الحيط حتي انه قارب علي الخروج من الجانب الاخر

....

تتحدث الجارة الثانية وتحكي عن لحظات القبض علي الاخ الشاب جارهم ,كيف مرت عليها في شقتها,وكيف ظلت في حجرتها وبجانبها ابنتها تترتجفان وتبكيان من الخوف ...خوفا من ان تمر قوات الامن عليهم فتاخد ابنهم ايضا

تشارك الاخري في الكلام ووسط كلامها تعتذر عن غياب زوجها عن مثل هذه اللحظات دون ان يحاول الوقوف بجانبهم ولو بالمواساة والتثبيت ويحمر وجهها وهي تقول عن زوجها : معلش اصله بيخاف شوية

تتردد في خلفية ردهات عقلي اغنية ايمان البحر درويش عن زوار الفجر
يا بلدنا يا بلد

هو من امتي الولد

بيخاف من امه

لما في الضلمة تضمه

...صدقيني

خفت منك

...صدقيني

...
لكن ما قالوه لم يكن خوفا فحسب من هؤلاء الزوار..لهجتهم وطريقة حوارهم تصنع صورة من الخوف الذي تحول الي رهاب يصل الي حد الرعب

اذهلني حديثهم فلم اكن اتصور ان الامربهذه الصورة..هل اصبحت ثقافة الخوف جزءا من هذا الشعب ..هل نجحت الحكومة في تكريس ثقافة الخوف في نفوس الناس الي هذه الدرجة

...

ثم تذكرت امرا.. ثقافة الخوف لا تنشا كنتاج لسلطة غاشمة مستبدة فحسب ..بل هي ايضا نتاج موروث ثقافي وتربوي نصنعه بانفسنا وبابنائنا....هذه الثقافة لم تزرع جذورها الحكومة وحدها

بل ساهم في زراعه الجذور وانباتها كل واحد من افراد الشعب في نفسه

زرع الخوف حين ربي ابنه منذ الطفولة علي الخوف من العفريت
ثم يكبر الطفل ليخاف من الظلام

يدخل المدرسة...انا خايف معملش الواجب الاستاذ يضربني

في الثانوية العامة ..خايف مجبش مجموع

في الجامعة ...خايف الدكتور يستقصدني ...خايف امشي في المظاهرة بعدين اتمسك...خايف اتخرج وملقيش شغل

في العمل .خايف لو عملت مشكلة مع المدير يطردني

الموظف ..خايف لو اعترضت علي حاجة الهيئة تنقلني

ثم ننتهي بموروث من الامثال يبدا بقواعد وضعها خائف كبييييييرتبدا ب..من خاف سلم

ثم مرورا بالخوف من اي تغيير ....اللي تعرفه احسن من اللي متعرفهوش ..ولا ادري من اين استمد مؤلف المثل هذه الفرضية ..... مش جايز اللي منعرفهوش يكون احسن

هي منظومة من الخوف تبدا منذ الصغر وتستمر في تزايد مستمر مع الكبر

وربما نجحت الحكومة في ان تحسن استغلال هذه الثقافة ..لكنني اثق يقينا انها لم تكن هي من زرع جذورها فينا

لذا كان لابد لنا من ان ننزع هذه الجذور من داخلنا

ان نعلن مقاومة اي مظهر من مظاهر الخضوع اوالخوف ان نربي الاطفال ليكونوا جيلا حرا خلاقا مقداما

لا يخاف في الله لومة لائم

ان نعلمه ان افضل الشهادة ربما لا تكون علي باب القدس بل ربما في مظاهرة تنادي بالحريات فالرسول - ص - يقول قال عليه الصلاة والسلام: أفضل الشهداء حمزة، ورجل قام إلى سلطان جائر فأمره ونهاه فقتله

ان نربي ابنائنا علي شجاعة وقوة كلمة الحق

وان نوقن بعدها

اننا اذا حطمنا قيود الخوف في الصغر... سوف تختفي من مجتمعاتنا في الكبر

ليه لأ؟

2007-08-12T20:10:00.000-07:00

ممكن؟؟؟؟؟؟؟

اه ممـــكن

لـيــــــــــه؟؟؟؟؟

ليـــه لأ

التاج علينا حق....كلاكيت تالت مرة

2007-07-24T18:01:00.000-07:00

اخييييييييييييييييييييييييييييييرا وبعد غياب عن عالم التدوين لظروف خارجة عن ارادتي رجعت النهاردة

اكتشفت انه تقريبا والله اعلم فاتني كتيييييييير ...هاحاول بقدر الامكان الحق اتابع واقرا اللي فاتني عند باقي المدونين
بالنسبة للبوست ده اخيييييييييييييييرا قررنا نحن المقررون ...اني ارد علي التاج اللي قرب يخلل عندي

تاج بعتهولي ...امام الجيل - مدونة امام الجيل

علاء - مدونة مش انا

اروي الطويل - مدونة انا كده

ابو زياد الفاتح - الفجر الباسم قادم

جزاهم الله خيرا

نبدا بالرد علي اسئلة التاج

أنت مين؟

ممممممممممم

هو انا مقتنعة انه من السهل اني اتكلم عن الاخرين ومن الصعب اوي خالص جدااااااااااا اني اتكلم عن نفسي

وباعتبر السؤال ده هو اصعب سؤال في اي انترفيو باعملها عشان الشغل

انا ميييييييييييين؟؟؟

انا مروة .....كنت لغاية شهر ستة اللي فات طالبة في سنة رابعة في صيدلة اسكندرية وحاليا في انتظار النتيجة ان شاء الله خلال اليومين الجايين - عايزة دعوة جامده اوي خالص جدا ...ويا سلا م لو تكون دعوة في سجود في ركعتين قيام ...حقيقي تبقي حاجة محصلتش ..يبقي جزاكم الله خيرا ونجيلكم في الافراح ان شاء الله...بس هيه النتيجة تطلع والواحد يتخرج ويبقي صيدلي زي ما كنت باحلم ( متصدقوش ما انتوا عارفين اللي فيها ) وبعدها نبقي نجيلكم في الافراح...طبعا عشان ناكل جاتوه ونشرب شويبس ...

اكمل بقي...انا ميييييييين؟؟؟

انا بنت مصرية عادية جدا ...زي الاف البنات في مصر...زيك لو كنتي بنت ...وزي اختك او قريبتك او جارتك او زميلتك لو كنت ولد

بنت عادية جدا ...باحمل ملامح تشبههم ...عشت طفولة وشباب بتملاها ذكريات زي ذكرياتهم...جوايا نفس احلامهم.........مش باقولكم بنت عادية جدا

يمكن بس اختلف في اني باحمل رساله ومؤمنة بفكرة ...بمعني تاني اني ببساطة من الاخوان ...من ايام ما كنت في الزهرات لغاية ما بقيت من الاخوات ...ربنا يرزقنا الثبات

باحب الرسم والخط العربي والقراية والسياسة والنت

لو السؤال بيتضمن الصفات كمان .. بيقولوا عليا طيبة...وصديقة ييجي منها....بيقولوا عليا اني عاقلة ( هما اللي بيقولوا انا مليش دعوة متصدقوهمش ...قال عاقلة قال...دي بقت تهمة في الزمن ده)...الصفة الاخيرة اللي بيقولوها عليا اني متفائلة اوووي - والغريب انهم حاطين الصفة الاخيرة دي ضمن عيوبي

ــــــــــــــــــــــــــــــــــــــــــ

مين اكتر ست شخصيات بتحبهم؟

لالالالالالالالا

ستة بس

مينفعش طبعا

طب واودي بقية اسماء اللي باحبهم فين؟؟؟؟

وبعدين انتوا عايزيني اتضرب لما ناس تدخل تقرا ومتلاقيش اسمها...لا يا جماعة العمر مش بعزقة ...الطيب احسن ...انا مش هاقول اسماء شخصيات عايشتها

لكن هاقول اسماء شخصيات عامة باحبها وباعتبرها قدوة ليا

الدكتورعبد العزيز الرنتيسي

الحاج عباس السيسي

الاستاذ ضياء رشوان

دكتورعصام العريان

دكتور مجدي الهلالي

ــــــــــــــــــــــــــــــــــــــــــ

أنت سعيد؟

لا انا مروة

هههههههه

ممممممم

سعيدة بمعني الفرحة معتقدش

لكن نقدر نقول جوايا رضا بيخليني دايما ومهما كانت الظروف الحمد لله سعيدة

دايما من ادعيتي الثابتة ان ربنا يرزقني رضا لا ينتهي

ــــــــــــــــــــــــــــــــــــــــــ

لو أجتمعت أنت وحسنى مبارك فى غرفة واحدة هتقوله ايه؟

هاقوله الاية (انك ميت وانهم ميتون)....ومش بعيد اوريهاله عملي عشان يصدق

ــــــــــــــــــــــــــــــــــــــــــ

لو معاك مليون ونص هتعمل بيهم ايه؟

اشمعني يعني مليون ونص

طب ليه مش اتنين مليون

وللا حتي مليون واحد ..معلش اصلي مش باحب الكسور

عموما لو معايا مليون ونص متهيالي اول حاجة هاعملها اني هأدي جزء لعيلتي ( الاقربون اولي بالمعروف )

الجزء التاني هاعمل بيه مشروع خاص بيا ...مؤسسة تهتم بالجانب التربوي والابداعي عند الاطفال...يتم فيها تطبيق برامج لاكتشاف مواهب وميول الاطفال وتنميتها وتطويرها ..ثم توجهيها لتتناسب مع متطلبات سوق االعمل في الستقبل

من الاخر ...مؤسسة تعني ببناء الانسان

الجزء التالت هانشئ مؤسسة خيرية رسالتها المساهمة في حل مشكلة البطالة ...مؤسسة توفر للشباب قروض لبدء مشروعات صغيرة ...وتوفر لهم دعم فني وتقني وعلمي يمكن الرجوع له لمساعدتهم في مشروعاتهم

الجزء الرابع هاتبرع بيه للعمل الدعوي عموما وللاخوان خاصة

الجزء الخامس هاتبرع بيه لفلسطين

مممممممممم هو كده زمان المليون ونص خلصوا من زمان بس اكيد قبل ما يخلصوا هابقي اشيل منهم كام مية اروش نفسي بيهم ...ان الله يحب ان يري اثر نعمته علي عبده

ــــــــــــــــــــــــــــــــــــــــــ

بتحب مصر؟

مش بس باحبها ..ده انا دايبة في حبها ...ولما كنت باسال نفسي ليه باحبها ...كنت بالاقي مليون اجابة واجابة

باعشق اهلها ..باحب شوارعها...باحب فيها تمشية علي الكورنيش بالليل....وللا رملة الشط ومية البحر...قعدة العصاري مع ماما وبابا واخواتي ...لمة رمضان وفطار رمضان والعيلة كلها متجمعة ....ليلة العيد وزحمة ليلة العيد ...نزولة محطة الرمل...فول وفلافل محمد احمد ....اوساندويتشات مؤمن ...صاحباتي في الجامعة احلي صداقة واجمل صحوبية...مدرستي القديمة ومدرساتي فيها....شغلي مع الاخوات

باحب فيها حاجات كتير ومهماحصل ليا فيها ومنها مش هاكرهها ابدا

ايوة فيها سلبيات كتييييييير ...

وفي اوضاع تضايق كتييييييييير

واحيان كتير بابقي خايفة انها متكونش بتحبني زي ما باحبها

لكن بتفضل الحاجات الكتير اللي باحبها....بتخليني اصبر واصبر واصبر لغايى ما ييجي اليوم اللي نشوف مصر فيها افضل ما يكوووووون
ــــــــــــــــــــــــــــــــــــــــــ

بتحب البنات؟

اينعم ...اكيييييييد

يستاهلوا يتحبوا طبعا

ده حتي دمهم خفيف وخفاف علي المعدة ...اصدي عالقلب

بالذات الصغيرين منهم حاجة كده زي العثثثثثثثثثثثثل

ــــــــــــــــــــــــــــــــــــــــــ

أنت مسلم؟

ياربي لك الحمد كما ينبغي لجلال وجهك وعظيم سلطانك

مش عارفة ليه اول ما قريت السؤال ده افتكرت حديث حارثة

لما الرسول -ص- ساله كيف أصبحت يا حارثة؟

ورد حارثة اصبحت مؤمنا حقا فساله النبي -ص- انظرما تقول فإن لكل قول حقيقة فما حقيقة إيمانك؟

تخيلتني باجاوب بالايجاب علي السؤال بتاع التاج نعم انا مسلمة ...فيكون السؤال التالي لي فما حقيقة اسلامك

بادعي دايما ربنا اني اكون مسلمة حقا ومستسلمة فعلا لاوامره ونواهييه

نسال الله الثبات

ــــــــــــــــــــــــــــــــــــــــــ

ليه؟

للمرة التانية بالاقيني باكرر الدعاء

ياربي لك الحمد كما ينبغي لجلال وجهك وعظيم سلطانك

من رحمته بيا وحبه ليا اني ولدت مسلمة ...ونشئت مسلمة ...بينما في نفس الوقت بيعيش غيري يبحث عن الدين ويصعب عليه ان يجده

ــــــــــــــــــــــــــــــــــــــــــ

أيه اكتر موقف محرج أتعرضت ليه؟

احم احم احم

صباح الاحرااااااااااااااااااااااااج ...ليه بس السيرة دي

اكتر موقف محرج بالنسبة لي كان موقف حصلي في سكشن الهيستولوجي وانا في سنة اولي كنا مجموعة كبيرة من السكشن واقفين عاملين زحمة عالميكروسكوب وكل واحد بالدور بيبص علي العينة ويكتب ملاحظات وبعدها ينطلق للعينة اللي وراها

المهم ان واحنا واقفين واحدة زميلتي في السكشن طولت اوي عالميكروسكوب ...واحنا واقفين مستنيين وراها عمالين نقول دلوقتي هتخلص ...لما لقيناها طولت كنت انا واقفة وراها قعدت اهزر معاها واستعجلها وبهزار كنت باقولها انها طولت والسكشن كده هيخلص ...عادي يعني ...البنت تقريبا كانت واخدة الموضوع جد اوي ..لقيتها بتلف لي وبتزعقلي جامد خالص جدااااااااا ادام كل اللي واقفين من السكشن وللعلم سكشني اصلا معظمه ولاد يعني الاحراج مضاعف ...طبعا انا مكنتش متوقعة و اتخضيت بجد من رد فعلها...لاني حتي هزاري مكنش اوفر مثلا عشان نقول ممكن تكون اتضايقت من كلامي....علي العكس كلامي كان في حدود المعقول والمتقبل

ــــــــــــــــــــــــــــــــــــــــــ

اتصرفت ازاى؟

اخدت جرعة الاحراج دي ومردتش ورحت للناحية التانية من السكشن اتفرج علي باقي الميكروسكوبات - قال يعني العلم واخد حده -...مش عايزة اقولكم اني طبعا مكنتش مركزة في اي حاجة والسكشن ده مر عليا كانه لم يكن ولا كاني شفت اي ميكروسكوبات فيه وبمجرد ما السكشن خلص اخدتها بالخطوة السريعه علي باب الكلية عشان اروح ...رغم اني عمري ما كنت من الناس اللي بتخلص المحاضرات او السكاشن وتجري تروّح...ورغم اني عادة السكة عندي من المبني لباب الكلية بتاخد ساعات عقبال ما اسلم علي البنات اللي اعرفهم وباقابلهم في السكة ...متهيالي ده اليوم الوحيد ليا في الكلية اللي السكة دي اخدت مني ثانيتين ...وبمجرد ما خرجت من باب الكلية معرفتش امسك نفسي ورحت معيطة ...اصلها زعقتلي جامد اوي وانا مكنتش عملت حاجة اصلا عشان تزعقلي ... غير ان معملتش اي رد فعل وكتكمت ده خلاني من غير ما احس بمجرد ما خرجت من باب الكلية فقدت السيطرة علي نفسي وقعدت اعيط - كل ما اتخيل منظري ساعتها وانا ماشية في الشارع باعيط ..ياااااااااه ...بلاش اعلق علي منظري احسن -

نسيت اقول ان البنت دي بقت صاحبتي اوووي بعد كده...وباحبها وبتحبني جداااا

ــــــــــــــــــــــــــــــــــــــــــ

أيه الامنية اللى بتدعى ربنا انه يحققها ليك؟

ان ربنا يرزقني حسن الخاتمة

وانه يستعملني ولا يستبدلني
وانه يرضي عني ويرضيني ويراضيني
وان ربنا يرزقني حبه وحب من يحبه وحب عمل يقربني الي حبه

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

خلص التااااااااااااج ..اخيييييييييييييييييرا

طبعا مش لاقية حد موصلهوش التاج ده ..عشان كده مش عارفة امرره لحد

وبناءا عليه التاج ده هدية للي يحب يجاوب عليه

اتفضلوا بالهنا والشفى

ايام متتنسيش

2007-07-05T22:14:00.000-07:00

راجعة من حفل استقبال نقابة االصيادلة لدفعة 2007 عمالة بافكر في ايام مرت وايام جاية

مرت ايام الجامعة خلاص ..وتحولت الي صفحات تضاف لدفتر الذكريات

ايام فيها خليط غريب مختلف من الذكريات ....لكن الشئ المشترك بينها انها كلها

ايام متتنسيش

اينعم كل عمر وله جماله ..

لكن بتفضل سنين الجامعة ليها طعم تاني مختلف

ليها طعم الانطلاق........ طعم البراءة..... طعم احلامنا اللي لسه بتحبي ومستنية لما تكبر وتقدر تمشي..

طعم الامل في بكرة يكون اجمل واروع واحلى من النهاردة

طعم مش ممكن يتنسي

حقيقي ايام متتنسيش

بحلوها ومرها...

بحزنها وفرحها ...

بضحكها وبكاها...

بكل ما فيها ..

مش بس ايامها ولا ساعتها ..لأ كمان بلحظاتها

لما باحاول افتكرها بالاقي نفسي بافتكر لحظات كان الضحك فيها هو اللي غالب ...

صحيح مش كل اللحظات دي فاكرينها وساعات بتفلت من ايدينا لكن بنحاول نحتفظ بيها جوانا لأكبر وقت ممكن

او بافتكر لحظات اكتئاب وللاخنقة من المذاكرة لكن بتفضل ذكريات الكتب والملازم والمحاضرات أول حاجة تشتاقلها بعد التخرج

او لحظات مذاكرة بالليل لوحدي مفيش معايا غير أكوام ورق وكبايات الشاي والقهوة من غير ما احس ان اخر الليل وصل غير في اليوم التاني لما ألاقي نفسي نعسانة في المحاضرة

ومش هانسى لحظات الجوع القاتل اللي استنينا عشانها المحاضرة الخامسة علي التوالي امتي تخلص

(قبل ما احنا نفسنا ما نخلص (بفتح الام

ده غير لحظات القلق والتوتر وأنا مستنية ورقة الامتحان توصل ولساني بيدعي ان كل اللي حاسه أنه اتمسح من ذهني يبقي لسه موجود

وللا رحلة مع صحابي نمت أحلم بيها او بمعني اصح معرفتش أنام من كتر ما بفكر فيها

ولحظات كنت بادعي انا وصحابي ان ميكونش في مكان في الكليه الا ويشهدلنا......

ايام كنت خايفه أحسن تعدي من بين ايديه من غير فايده لانها فعلا تستحق اني استفيد منها واحتفظ منها باجمل الذكريات واروع القيم

من الاخر كده أيام كنت باحس فيها اني ماسكة الدنيا كلها في ايدية

مفيش مكان للهم والخوف ..ومنعرفش كلمة مستحيل

بافتكر اخر يوم في الكلية وانا باودعها....

وانا بامشي في ساحاتها..

وباطلع سلالمها..

وادخل المدرجات والمعامل..

ابص لوشوش الناس ..وللاماكن اللي جمعت الوشوش دي مع بعضها لمده كام سنه متتاليه

واقعد افكر اني بعد ما اتعودت اشوف نفس المناظر وامشي في نفس الاماكن واقابل نفس الاشخاص.........مع التخرج كل ده بيتغير

...نستقبل دنيا جديدة

....غريبة

...مجهولة تفاصيلها بالنسبة لنا

جايز جوانا خوف وقلق ...لكن برضه بيملأنا الامل والتفاؤل ان بكرة ان شاء الله جايلنا بايام حتكون في جمال وروعة الايام اللي سبقته

ونيجي بعد 20 سنة نقول علي الايام دي برضة

كانت ايام متتنسيش

لتحميل الاغنية افعص هنا بس بشويش

ـــــــــــــــــــــــــــــــــــــــــــــــــ

اعلان هاااااااااااااااااااااااااااام

اخييييييييييرا دخلت عالم التدوين

صديقة الطفولة والشباب ( والشيخوخة ان شاء الله كمان...قولوا يارب ) ...شيماء

شيماء ..حقيقي مدونتك عاجباني...موضوعاتها الاولي بتقول انها ان شاء الله هتكون مدونة متميزة

زوروا مدونتها (شقاوة شعب ) وقولوا رايكم

ـــــــــــــــــــــــــــــــــــــــــــ

ملحوظة صغيرة ...في تاج اتبعتلي من فترة تقريبا من اربع مدونات..اعتذرلهم عن التاخير في الرد ان شاء الله البوست الجاي ارد عليه

في موال مين؟

2007-06-26T15:01:00.000-07:00

بخاف من ضلمتي وحدي

و انوّرضلمة الخايفين

وأكتب شعر عن نفسي

فيطلع كله للتانيين

ياناس ساكنة في موّالي

أنا ساكن فـ موّال مين

ان تعتاد ويعتادوا منك ان تكون مستمعا لهم

وتنسي وينسوا ان يسمعوك

الي

(م.م) و (أ.ف)

منذ زمن لم القاكم

اشتاق اليكم كثيرا

واحتاجكم اكثر من اي وقت مضي

الابيات للشاعر محمود عزت

من وحي مؤتمر المدونين

2007-06-23T14:29:00.000-07:00

تابعت تغطيات المدونين لمؤتمر المدونين تمنيت لو كتب احدهم عن اهم شئ في المؤتمر من وجهة نظري

عن المعني الذي استفدته ربما اكثر من اي شئ اخر في المؤتمر بخلاف التعرف علي اصحاب المدونات

(علي اعتبار ان (معظم المدونات من البنات اللاتي تعرفت عليهن كن حديثات التدوين ولم اكن اعرف مدوناتهم

عن هذين النموذجين اتحدث

عن تلك الجلسة التي جمعت المدونين حديثي التدوين باثنين من قدامي المدونين
(عبد المنعم محمود ( الاخواني )...علاء سيف ( الليبرالي
عن التقاءهم مع شباب المدونين وتواصلهم معهم...مع تنحية اي اختلافات في الايدولوجيات والقناعات
ان نلتقي علي الشئ المشترك بيننا.....اننا كلنا مصريين ...مدونيين ...يجمعنا حلم الحرية لهذا الوطن
ان نقتنع ان اختلافنا اختلاف تنوع لا اختلاف تضاد
كلنا لنا نفس الهدف..... ان نري مصر افضل واعلي واجمل ....ربما تختلف الطرق التي اخترناها للوصول لهذا الهدف ....لكن يظل لنا نفس الهدف ...ان تتخلص البلد من الفساد والديكتاتورية ينعم بديموقراطية حقيقية

منذ فترة حضرت ندوة لدكتور عصام العريان ركز علي هذه النقطة بالتحديد
الانفتاح علي الاخر...اننا لسنا الوحيدون علي الساحة ...هناك اخرين يحبون بلدنا كما نحب بل واكثر ....هم يعشقون ترابها....يعملون من اجلها ليل نهار
ربما اخترنا طرقا مختلفة لكن يظل الهدف واحد يستحق ان نتعاون من اجل الوصول اليه

اتمني لو نري جميعا الامر من هذا المنظور....
وعندما اذهب لصديقتي الاخوانية لادعوها لحضور نشاط لاحدي الاسر في اتحاد الكلية اتمني ألا اراها تنظر لي بدهشة
واستنكار وتسالني :انتي بتعمليلهم دعاية !!!؟؟
ايوة باعملهم دعاية ....ما الذي يمنع اني اعمل لهم دعاية واشارك في انشطتهم

اتمني الا اري تعليقات مدونين الاخوان تقتصر علي مدونات الاخوان ...ويتحول الامر الي اننا ببساطة - بنتكلم ونرد علي بعض- اتمني ان اري تعليقاتهم عند المدونين من غير الاخوان
ان ينتشروا
يتبادلوا الافكار
يندمجوا بالاخرين
ان يفيدوا ويستفيدوا من الجميع ايا كانت تيارتهم او اتجاهاتهم
ببساطة ....ان يوصلوا الرساله التي من اجلها اخترت التدوين واختاره غيري من الاخوان
ان نقول لغير الاخوان اننا
ربما نختلف في الاتجاهات ..في القناعات ....لكن يظل المشترك بينا اكثر بكثييييييييييييير
انسانيتنا...وانتمائنا الأكبر لوطننا وامتنا
ـــــــــــــــــــــــ

علي هامش السفرية

منك لله يا عيلة فضحتيني انتي وصفاء ...انتي علي مدونتك وهيه عالمنتدي
مكنتش واحدة كانز معزومة عليها
بجد كان يوم زي العثل
ـــــــــــــ
الي ثنائي عشرينات الرائع
مني سليم ومروة صلاح
بجد بجد
شكرااااااااااااااااااااا
علي العزومة والاكلة والقعدة والتمشية والرغي والهزار
علي كل حاجة
شكرررررررررررا
حقيقي اليوم كان رائع

كنت محتاجاله فعلا

تري هل يؤلم الرصاص؟

2007-06-14T18:30:00.000-07:00

هل يؤلم الرصاص؟

لا اذكر متي واين قرات هذا السؤال او سمعته

لكنني حقيقة ظللت اسيرة له لفترة طويلة

لا اعلم له اجابة فبالطبع لم اجربه يوما ولا اعرف احدا قد جربه

قد اشاهدهم علي التلفاز يطلقونه

او اشاهد بعضهم يصاب به

اشاهدهم يقعون ...يتالمون ..يصرخون ...يبكون

احزن لهم ....اتالم لما اصابهم...قد ابكي لحاله

لكن يظل المي ليس كألمهم.. ويظل حزني ليس كحزنهم

هم يقفون في مواجهة المدفع وامام البنادق و الرشاشات

يواجهون الموت في كل لحظة

يقدمون الشهداء ليل نهار

وبينما نحن نراقب من بعيد ...نجلس في مقاعد المتفرجين امام الشاشات

ربما نقدم ما يخدم القضية

لكننا نظل - مهما فعلنا - دائما نجهل اجابة السؤال

تري هل يؤلم الرصاص

؟؟؟؟؟؟؟

اما هم

هم من يدركون حقا ماهية السؤال ؟

ويعرفون فعلا ما الاجابة

هم رمز الصمود والصبر رغم كل المحن والنكبات المتتالية والحصار والموت

صامد انت ايها الشعب المناضل رغم الحصار والقتل

صابر انت علي كل الابتلاءات و المحن

كنت دائما اقوي من كل المحن واشد من كل الصعاب

واليوم تقابلك محنة جديدة لم تكن تتوقعها او تنتظرها

اعلم انها اصعب المحن فاليوم هي بين ابناءك بسبب خيانة بعضهم

لكن اثق انك ستتخطي هذه المحنة وتخرج اقوي بكثير كما كنت تفعل دئما

محنة ووضع متوتر ندعو الله الا يستمر طويلا

وما بين وضع قائم وخطوات نرتقبها من كل الاطراف غير اننا لا يمكننا باي حال من الاحوال التنبؤ بأي منها

يظل الصراع القائم بين الاطراف المختلفة لا ندري ايهم سيفوز وايهم سيخسر

لكن ما اعلمه ويعلمه الجميع انه في حال عدم استجابة البعض لنداء العقل ...ولضرورة الحوار

وبالتالي عدم سرعة حل المشكلة القائمة

فان الخاسر الاكبر سيكون فلسطين وشعبها وقضيتها

ــــــــــــــــــــــــــــــــ

اضافة علي الموضوع

اعجبني كثيرا تعليق الاخ إخوانى مخربش

صوت الخيانة

مؤلم

اكثر من الرصاص

2-
مقال فهمي هويدي- محاولة لفهم ما جرى في غزة

مقال مهم ...في محاولة لفهم الموقف ..اقروه

ـــــــــــــــــــــــــــــــــــــــــــ

في النهاية

كلمات ابكتني حين سمعتها

في وجه من ترفع سلاحك

يمكنك سماعها هنا اذا لم يعمل لينك الصوت علي المدونة

انا واخويا الكبير ...لقطات في شريط الذكريات

2007-06-08T20:07:00.000-07:00

اتفقت معاك بعد ما قريت موضوعك الاخير وعجبني جدا ... اني حانزل لينك لموضوعك عالمدونة عندي في نهاية موضوعي الجاي
وكنت ناوية اعمل كده وكان في مواضيع جاهزة عندي عالدرافت كنت حانزل واحد وفي اخره اسيب اللينك
معرفش ايه اللي خلاني اغير رايي
لكن في نهاية الامر لقيتني بافتح صفحة جديدة وباكتب بوست جديد

انا واخويا ..خواطر وذكريات

ابدا بايه ؟؟ابدا بايه
ابدا بطفولة مشتركة كنا فيها في نفس المدرسة... وللا ابدا افكار واراء متقاربة ...وللا ابدا بانتماء واحد للاخوان ...وللا ابدا بحاجات اتعلمتها منك ..

اللقطات كتير في شريط الذكريات
اقولك الاسهل ابدا باللي افتكره

اللقطة الاولي في شريط الذكريات

طفولة قضيناها مع بعض في نفس المدرسة<<مدرسة المدينة المنورة >> تقريبا كنا واخدين فيها مؤبد

ابتدائي واعدادي وانت كملت ثانوي ...لكن انا للاسف طلعت في نص المدة لان مفيش ثانوي بنات
افتكرت الاذاعة اللي كنا مسيطرين عليها كل واحد فينا في فصله ولما كنا بنيجي نجرب مقدمة الاذاعة ادام بعض في البيت ...وحفلة اخر السنة اللي غالبا كنت اطلع انا فيها وانت لا ...معلش بقي مش اي حد ...الرك عالشخصية( بهزر (بهزر ..اوعي تضرب

افتكرت سيارة المدرسة واحنا مستنينها مع بعض ادام البيت...افتكرت لما في فترة لغينا الاشتراك وكنت باروح معاك لما كنت بتلطعني لحد ما تخلص الماتش مع صحابك ...يعني اتلطع انا في الشمس وانت تلعب

اقول ايه بس .....انه حقا مجتمع ذكوري متسلط)

استني لما اروح انادي بتوع حقوق المراة ...قلنا بهزر

(من غير ضرب

اللقطة الثانية

لما كنا في اعدادي وفي ثانوي وكنا نقعد نفكر يا تري عازين نطلع ايه لما نكبر دكاترة ومهندسين وكلام من ده

كانت دايما اجابتك هي الاغرب

كنت عايز تطلع زعيم

نقولك رئيس او وزير

ترد تقول لا زعيم

الزعماء بيعيشوا في وجدان الشعوب وياثروا فيهم لكن الرؤساء لا

اقول ايه بس...كنت فاهم سياسة من يومك

اللقطة التالتة

حلمك انك تدخل اعلام او اقتصاد وعلوم سياسية لانك بتحب القراية وبتعشق السياسة من وانت صغير

وانتهي الحلم بدراسة حاسبات ومعلومات

بس حلم الصحافة فضل جواك ...كتاباتك بتقول كده

لما باقرالك اي حاجة باقتنع بانك كان لازم تدرس صحافة

انا عارفة انك بتفكر تدرس اعلام بعد حاسبات

عايز نصيحتي

نفذ اللي بتفكر فيه وادرس اعلام ...انت بتحب المجال ده فعلا وانا واثقة انك حتنجح فيه

اللقطة الرابعة

لما اكون سهرانة باذاكر وتكون انت اخر واحد ينام في البيت واشوفك قبل ما تدخل تروح عند عمر واسامة وتغطيهم كويس وتطمن عليهم...المشهد ده لما اشوفه من ماما عادي لكن منك انت كنت باقف ادامه كتير

اللقطة الخامسة

لما كان حد فينا يكون تعبان تعب بسيط وتلاقيه عامل دوشة وهاتولي ادوية وودوني للدكتور كنت دايما تقول ليه بتعملوا دوشة ..ليه الشعب كله لازم يعرف ان عندك مغص بسيط وللا سنانك واجعك... وابسط حل عندك بتقدمه خد مسكن واسكت
في الاول كان بيضايقني اوي الموقف ده لغاية ما فهمت ازاي وليه
فهمت لما كنت باشوفك باين علي وشك وفي عينيك انك في مشكلة لكن محدش فينا يعرف بيها غير بعد ما تعدي
فهمت ازاي اقابل الناس بابتسامة مهما كان اللي جوايا من الم او مشكلة
فهمت ان الناس ملهاش ذنب في مشاكلنا والامنا
فهمت واتعلمت ده

اللقطة السادسة

بعد يوم سفر متعب للقاهرة
وانت راجع من عشرينات تقعد تحكيلنا يومك قضيته ازاي

اد ايه بتحب الموقع ده والمكان ده والفريق ده

مصعب وهواري ومني ومروة ودعاء

كل مرة بتحكيلنا عنهم كنت بتشوقنا اننا نقابلهم حقيقي نفسي اقابلهم خاصة مني ...
المرة الجاية لما تسافر ابقي خدني معاك
مستنياني هناك عزومة من مني وعزومة من مروة ..بلاش تضيع العزومتين عليا
انا عارفاك ممكن تطمع في السندويتشات واروح انا في الرجلين

اي حركة ندالة ممكن اتصل بمني تقابلني علي محطة القطر واسافر لوحدي ...العزومة تستاهل يابني

اللقطة السابعة

لما كنت بتكلمني علي ( ملكة اليمن السعيد ) وعينيك بتلمع وانت بتتكلم... تعرف يا محمد باقعد كتير افكر في المعضلة اللي انا وانت عارفينها

وكلام استاذ ( م. أ) لما انت حكتله الموضوع ..ان كتير من خيوط الحل في ايديا انا وسمية كلامك عن المستقبل وحلمك واللي نفسك فيه
وولادك اللي حتطلعهم عباقرة ولما كنت اقولك طب لو مطلعوش عباقرة ....
ازاي كنت بتضحك ساعتها وتقولي يبقي العيب منها ولادي انا لازم يكونوا عباقرة

علي فكرة يا محمد ومن غير ما تحس بنفسك ولا تتنفخ يعني ....كلامك عن طريقة التربية اللي حتمشيها مع ولادك لو نفذته اكيد حيكونوا عباقرة

اللقطة التامنة

خلافنا الدائم علي نزولي الكتير ...واعتراضك علي خروجي الكتير من لقاء.. لدورة.. لمؤتمر.. لندوة...وكلمتك المفضلة محدش في المستقبل حيرضي يا بنتي انك تسيبي بيتك وتنزلي بالطريقة دي

(شكرا علي جرعة الاحباط يا عم)

المشكلة اني عارفة انك عندك حق... تعرف يا محمد كتير بافكر في كلامك ده وياما وانا باكتب جدول لتنظيم الوقت كان كلامك بيرن في وداني وكنت باحاول اقلل عدد الساعات اللي انزل فيها علي اد ما اقدر...

لكن جايز علشان عارفة اني مش حاعرف اعمل كده في المستقبل باحاول استغل الفترة دي علي اد ما اقدر

اللقطة التاسعة

حوارنا ونقاشنا المستمر علي شغلنا مع الاخوان ...

(ولما نقعد نتفزلك ونقارن بين شغل الجامعة (اللي انا فيه ) وشغل المنطفة ( بتاعك
واختلافنا المستمر ما بين قناعتي ان المستوي التربوي للافراد قل بدرجة ملحوظة وده موضوع خطير لازم يستوقفنا قبل اي شئ تاني
ورايك ان ده ضريبة في ظل الانفتاح وتزايد الاعداد واننا لازم نتقبل ده ونتعامل معاه

اللقطة العاشرة

لقطة مش ممكن تتنسي

لحظات اعتقالك ..ايام اعتصامات القضاة
تعرف يا محمد ايامها واحدة صاحبتي اتصلت بيا ولما عرفت قعدت تعيط وتقولي هما ليه بيعملوا فينا كده

قعدت اهديها واقولها اني مش زعلانة

سالتني انا اقصد ايه وازاي مش زعلانة

قلتلها محمد راح ياخد شهادة الجودة وجاي ....

يومها ماما قالتلي ازاي بتقولي كده وكانك مش هامك
بس انا فعلا مكنتش زعلانة
لاني كنت مقتنعة يا محمد انك كنت محتاج الفترة دي
واكتشفت بعدها لما قريت ورقة كنت كاتبها هناك وكنت ناوي تبعتهالنا انك ازاي كنت محتاج الفترة دي وانك قبلها كنت بتدعي ان ربنا يرزقك عمرة او اعتقال

واد ايه انت استفدت في الفترة دي

اللقطة الحداشر

دي ما افتكرتهاش لانها لسه محصلتش

لقطة باتمني اشوفها بعد عشرين سنة

انت وملكة اليمن السعيد وولادكم

وماما وبابا

وانا وسمية واسامة وعمر وولادنا

كلنا متجمعين مع بعض عندك في بيتك بمناسبة الترقية الجديدة

قاعدين مع بعض نفتكر ايام قضيناها وذكريات جمعتنا واحلام عشناها مع بعض واحنا صغيرين

اللقطة الاتناشر

ودي برضة ما افتكرتهاش لانها برضة لسه ما حصلتش

اللقطة دي بقي احلي لقطة

اكون قاعدة بافتكر الايام دي وييجي في بالي اني عايزة اشوفك وف لحظة تكون ادامي

عارف الكلام ده فين وامتي

ان شاء الله في الجنة

ربنا يجمعنا احنا وباقي اهلنا واحبائنا في جنته

قبل ما انهي موضوعي حبيت اقولك

شكرا علي حاجات كتير مقلتهاش ومكتبتهاش

عندما يعدم الرمز...لتكون شرارة البداية

2007-06-04T07:45:00.000-07:00

او القلب الشجاع(brave heart)منذ عدة ايام شاهدت فيلم
استمتعت بالفيلم كالعادة رغم انها ليست اول مرة اشاهده فيها
وعند لحظة اعدام البطل
...لا ادري لماذا ...لكني وجدت نفسي استعيد مشاهد الاعدام المختلفة التي ربما شاهدتها او سمعت عنها او قرات عنها

نفس المشهد يتكرر بحذافيره
القوة الغاشمة المسيطرة..تتمثل في حاكم ظالم وسلطة مستبدة
رمز للثورة ورفض الظلم

يقف امام الظالم ليقول لا
يصدر القرار باعدام هذا الرمز
ربما تختلف هذه النماذج في الظروف والملابسات المرتبطة بحدث الاعدام...لكن الشئ المشترك هو لحظة تنفيذ الحكم
لحظة الاعدام
عندما يتجمد المشهد
ويصمت الجميع
ولا يتبقي في الصورة سوي مشهد واحد تملا فيه صورة الرمز كادر الشاشة
ثم تنطلق الكلمات
ربما تكون هذه الكلمات هي اخر كلمات هذا البطل قبل ان يفارق الحياة ويرحل
غير ان كلماته هذه لا ترحل برحيله
وانما تبقي لتصنع حياة شعب باكمله او ربما تضئ الحياة لمن يحملون اللواء من بعده

المشهد الاول
اعدام وليام ولاس

(brave heart)من فيلم

وهي قصة حقيقية وقعت في القرن الثالث عشر باسكتلندا
كان فيها ويليام والاس هو رمز الثورة ضد المستعمر الانجليزي
في لحظة اعدامه
كانت كلمته الاخيرة او فلنقل الشرارة الاخيرة التي ابي ان يترك الحياة الا بعد ان يشعلها
يحاول جلادوه جعله يقر بالولاء للملك او ان يطلب الرحمة
ثم تسكت الجموع في انتظار ان ينطق بطلب الرحمة
لكنه بدلا من هذا يصرخ بكل قوته
الحرية
او
(freedooooooooooooooooooooom)

المشهد الثاني
اعدام المناضل الليبي عمر المختار

ان لم يكن الكثيرون منا قد قراوا عنه ...-وما كتب عنه يستحق بالفعل القراءة - الا ان معظمنا ان لم يكن كلنا قد شاهد الفيلم
قبل المحاكمة

يساله غراتسياني: لماذا حاربت بشدة متواصلة الحكومة لفاشستية ؟

أجاب الشيخ: من أجل ديني ووطني
غراتسياني:ما الذي كان في اعتقادك الوصول إليه ؟

فأجاب الشيخ: لا شئ إلا طردكم … لأنكم مغتصبون، أما الحرب فهي فرض علينا وما النصر إلا من عند الله.
غراتسياني: لما لك من نفوذ وجاه، في كم يوم يمكنك إن تأمر الثوار بأن يخضعوا لحكمنا ويسلموا أسلحتهم ؟.فأجاب الشيخ: لا يمكنني أن أعمل أي شئ … وبدون جدوى نحن الثوار سبق أن أقسمنا أن نموت كلنا الواحد بعد الأخر، ولا نسلم أو نلقي السلاح…
ثم تاتي المحاكمة
وعندما يترجم له الحكم يقول:إن الحكم إلا لله … لا حكمكم المزيف ... إنا لله وإنا اليه لراجعون
يقول عنه بعض من كانوا بالقرب منه وهو يصعد الي منصة الاعدام انه كان يؤذن في صوت خافت آذان الصلاة، ويقول البعض انه تمتم بالآية الكريمة "يا أيتها النفس المطمئنة إرجعي إلى ربك راضية مرضية" ليجعلها مسك ختام حياته البطولية
ونذكر كلنا المشهد الاخير
اعدامه ..سقوط نظارته...الهرج والمرج

ثم

انطلاق الزغاريد

المشهد الثالث
اعدام سيد قطب

يحاول احد الظباط الضغط عليه للتنازل
اكتب يا أخي هذه العبارة فقط : " لقد كنت مخطئا وإني أعتذر ... " .
ويرفع سيد قطب وجهه اليه ويرد في هدوء عجيب : أبدا.. لن أشتري الحياة الزائلة بكذبة لن تزول !
يقول له الظابط بلهجة الحزن : ولكنه الموت يا سيد...
وأجاب سيد : " يا مرحب بالموت في سبيل الله .. "

يرحل سيد قطب عن الحياة ولكن بقيت كلماته تتحدث عنه
بقي تفسير القران (الظلال) الذي كلما قراته اخذت افكر كيف فهم أسرار القرآن ليخطها علي الورق كلمات سهلة بسيطة لكنها ممتلئة بكم من المشاعر تتميز بالوضوح والصدق

رحل عن الحياة نعم لكن كلماته بقيت كما كان يتمني ويقول
أن كلماتنا تظل عرائس من الشمع ، حتى إذا متنا في سبيلها دبت فيها الروح و كتبت لها

المشهد الرابع

اعدام غلام اصحاب الاخدود

يحاول الملك التخلص منه بكل طريقة فيدفع به مع رجاله مرة الي الجبل ومرة الي البحر ليتخلصوا منه

وفي كل مرة يقول الغلام اللهم اكفنيهم بما شئت فينجيه الله ويموت باقي الرجال

ويعود الغلام الي الملك قائلا كفانيهم الله

ثم يقول للملك اخر كلماته اليه أنك لست بقاتلي حتى تفعل ما آمرك به قال ما هو ؟ ..

قال: تجمع الناس في صعيد واحد و تصلبني على جذع ثم خذ سهماً من كنانتي ثم ضع السهم في كبد القوس ثم قل : بسم الله رب الغلام ثم ارمني فإنك إذا فعلت ذلك قتلتني ...

وينفذ الملك ما قاله الغلام ويقول بسم الله رب الغلام ويلقي بسهمه فيصيبه في مقتل

عندها بهذه الكلمة الاخيرة تظهر الحقيقة واضحة امام الناس

فيقول الناس آمنا برب الغلام

لقراءة قصة اصحاب الاخدود

موضوعي هذا اهديه الي كل الطغاة ..اقرأوا التاريخ جيدا

في كل مرة

كان الطغاة يذهبون ..وتذهب ذكراهم ادراج الرياح ....لا بل مزابل التاريخ

وايضا في كل مرة

كانت الرموز تبقي حاضرة بافعالها وبكلماتها في وجدان الشعوب وفي تاريخ الامم وذاكرة الايام

ياما دقت عالراس طبول

2007-05-16T17:31:00.000-07:00

ليه بيحصلنا كل ده؟؟؟

اعتقالات...محاكمات عسكرية...مصادرة اموال..اغلاق شركات

ليـــــــــــــــــــــــــــــــــــه

؟؟؟؟؟؟

الاخوان مش هما اللي هربوا فلوس البلد برة وسرقوا البلد
ولا الاخوان هما اللي قتلوا الناس في العبارة

ولا الاخوان هما اللي حرقوا القطارات

ومش الاخوان هما اللي وقعوا الطيارة

ومش هما اللي دخلوا المبيدات المسرطنة

ولا الاخوان هما اللي بيعذبوا الناس في اقسام الشرطة

ومش الاخوان هما اللي بيكمموا الافواه وبيكبتوا الحريات ويقفلوا الصحف

ولا هما اللي بيزوروا الانتخابات

مش هما

امال لـــــــــيـــــــــــــــــــــــــــــــه

ليه بيحصلنا كده

؟؟؟؟؟؟؟؟؟؟؟؟؟؟؟؟؟؟

ايوة عارفة الاجابة لكن السؤال باطرحه مش من باب الاستفهام باطرحه من باب التعجب او الاستنكار

مخنوقة ومتضايقة

احاسيس كتير مالياني

احاسيس بالظلم وبالعجز ...بالقهر وبالمرارة

ومع كل خبر جديد بخصوص المعتقلين الاحاسيس دي بتزيد وتزيد

بيملاني احساس بالظلم وانا بتابع اللي بيحصل لعبد المنعم

وباغرق في احساس بالعجزوانا باشوف عائشة بتبكي وهيه بتنادي عد يا ابي
وبيملاني احساس بالمرارة وانا باسمع معاذ بينادي ابي انت حر وراء السدود
ومقدرتش امنع دموعي وانا باشوف دموع سارة وهيه بتسال لماذا تاخذون مني عائلتي؟؟

من كام يوم ولاول مرة من بداية الاعتقالات يتغير احساسي لاحساس بالفرحة بعد ما قريت خبر ان مجلس الدولة يبطل قرار رئيس الجمهورية بإحالة الإخوان للمحاكمات العسكرية
بعدها بسرعة وكانهم خايفين احسن بعدين نصدق ان في حاجة اسمها سيادة قانون واستقلال قضاء في ظرف ساعات يتقدم طلب الطعن وخلال ايام تعقد محكمة منتدبة من مستشارى رئيس الجمهورية والوزراء ( يعني خصم وحكم في نفس الوقت ) يعني محكمة خاصة واجراءات خاصة في يوم خاص بتنظر في قضية خاصةبعدها ييجي الحكم الصدمة

وارجع الاقي نفسي مالياني مشاعرالاحباط والعجز والظلم من تاني

لكن

لا

مش حاسيب المشاعر دي تتمكن مني

مش حاسيبها تسيطر عليا

لااااااااااااا

لاااا عالية اوىىىىىىىىى

باقولها لهم وباقولها لنفسي قبلهم

يجرالنا مهما يجرالنا

يعملوا مهما يعملوا

مش حيهمنا

مش حنضعف

مش حنبطل

مش حنسكت

مش حنمل

مش حنسافر

اعملوا مهما تعملوا

ياما دقت عالراس طبول

اعتقالات

...ياما اعتقل الاخوان...دخلوا المعتقلات وهما اخوان وخرجوا وهما برضة اخوان
لكن الفرق انهم خرجوا اقوي واشد واكثر عزيمة لمواصلة الطريق

لو علي مصادرة الاموال

..مش اول مرة تتصادر ده مجموع اللي اتصادر لغاية دلوقتي حسب كلام النائب محسن راضى 100 مليون جنيه
يصادروها لو عايزين ..

بس هما نسيوا ان الاخوان مش باموالهم

الاخوان برسالتهم

بدعوتهم ..

بجهادهم

لو علي اغلاق الشركات

ياما اغلقت شركات للجماعة سواء عام 48 أو عام 54
وايه اللي حصل بعدها..بنرجع نبني من تاني..

ازمة صعبة صحيح بنمر بيها دلوقتي
لكن وزي ما بيحصل كل مرة
حنحتوي الازمة وحنكمل من جديد
حنواصل من تاني دعوتنا وطريقنا

حنواصل بعزيمة اقوي وهمة اشد

ايوة حنكمل اقوي واشد

التجربة بتقول كده

التاريخ بيقول كده

التاريخ بيقول ان7 انظمة حكم مرت علي الاخوان

كلهم حاولوا القضاء عليها

لكن منجحوش

اصل الاخوان رساله وفكرة
والافكار مش ممكن تموت

..جايز الافراد يموتوا لكن الفكرة لا

جايز الافراد يتحبسوا لكن الافكار لا

مبتحبسهاش اسوار ولا بتقيدها معتقلات

جايز الاموال تتصادر لكن الافكار لا

مهما حاولوا يصادرواافكارنا

برضة الافكاربتنتشر

من الاخر يعملوا فينا مهما يعملوا

طالما في سكة ربنا

مش حيهمنا

طالما عشان خاطر مصرنا

مش حيهمنا

احنا اختارنا الطريق ده واحنا عارفين انه طريق جهاد

اختارناه واحنا عارفين ان طريق الدعوات دايما مليان محن وابتلاءات

اختارناه واحنا عارفين انه محتاج صبر وتضحيات

اختارناه واحنا عارفين انه مش حيكون مفروس بالورود

كنا عارفين اننا حتقابلنا فيه صعوبات واشواك

حتقابلنا لكن حنصبر عليها

سنصبر لاننا نعلم كلما زاد الابتلاء زاد الثواب ان شاء الله

سنصبر ونصبر ونصبر
سنصبر حتي يعجز الصبر عنا

من هنا ورايح

مشاعري اللي فاتت حاستبدلها بمشاعر تانية

مشاعر

امل

و صبر

وثبات

وعزة

واصرار علي الاستمرار

واخيرا رجاء ودعاء ان نكون ممن قال الله عز وجل فيهم
(إنه من يتق ويصبر فإن الله لا يضيع أجر المحسنين)

سمعت نونية القرضاوي ولقيتها بتعبر بالظبط عن اللي جوايا ..اسمعهوها معايا واقروها ...واخيرا قبل ده وده عيشوا معانيها

صبرا أخي في محنتي وعقيدتي*** لابد بعد الصبر من تمكين

سنعود للدنيا نطبب جرحها***سنعود للتكبير والتأذين

تالله ما الدعوات تهزم بالأذى *** أبداً وفي التاريخ بر يميني

ضع في يدي القيد ألهب أضلعي *** بالسوط ضع عنقي على السكين

لن تستطيع حصار فكري ساعة *** أو كبح إيماني ورد يقيني
فالنور في قلبي وقلبي في *** يدي ربي وربي حافظي ومعيني

سأعيش معتصما بفضل عقيدتى *** وأموت مبتسما ليحيى دينى

ملحوظة صغيرة

الموضوع ده انا نزلته قبل كده وبعدها بساعتين رفعته عالدرافت عشان كان محتاج تعديلات ...خلال الساعتين دول اخونا محمود سعيد كان دخل وكتب تعليق ..ومشكورا صحح لي معلومة بخصوص الابيات لاني مكنتش اعرف انها نونية القرضاوي...وبما ان تعليقه اتحذف لما رفعت الموضوع انا قلت احقاقا للحق انوه عن الامر

التاج علينا حق...كلاكيت تاني مرة

2007-05-09T18:25:00.000-07:00

التاج ده وصلني من محمد العناني

تاج كله اسئلة عن المذاكرة..مش عارفة ليه بيقلبوا علينا المواجع ...بقي انا باهرب من المذاكرة بالقعدة عالنت تقوموا تفكروني بيها

هل كنت طالب شاطر فى المدرسه ؟

الحمد لله كنت طالبة شاطرة اوي في المدرسة

ومحتفظة بشهاداتي في كل المراحل ..من ايام ابتدائي ومرورا بثانوي في درجي لغاية دلوقتي (فرحانة بنفسي بقي حد عنده مانع ) اصلي كنت دايما من الخمسة الاوائل ..فباعتبر الشهادة في حد ذاتها والترتيب منورها حاجة تستحق الاحتفاظ بيه

(وش فرحان بنفسه ومزاطط)

اهو الواحد كل فترة يطلعها ويستعيد الذكريات

يللا بقي نقول ايه ..كانت ايام جميلة والله

(وش بيعيط ومتشحتف اخر شحتفة)

ايه اكتر ماده حبيتها واكتر ماده كرهتها فى المدرسه والجامعه ؟

في المدرسة

كنت باحب الرياضة اوي

والمادة اللي بعدها العربي خاصة النحو والنصوص والبلاغة

ثم الفيزياء

خليط من المواد مبيجمعش بينهم غير انهم مش فيهم حفظ ..وبيعتمدوا علي الفهم اولا واخيرا
اه كنت حانسي ...كنت باحب الانجليزي كمان اوي

والرسم

والخط العربي

ومش عايزة حد يألس علي اخر مادة دي

(وش مطلع مسدسات وحيضرب في المليان)

انا كنت باهتم اوي بحصة الخط وباعتبرها احلي حصة.. وباستناها كمان من الاسبوع للاسبوع ..كان بيدينا الحصة دي في اعدادي مدرس متخصص خط عربي فقط ..وبالتالي كانت حصة جد زيها زي اي حصة والمدرس بيصحح ويتابع وكلام من ده

اكتر مادة كنت باكرها في المدرسة او نقول مش بافضلها الجغرافيا ....والتاريخ ..مش باقولكم مش باحب الحفظ خاااااااااااالص

(وش بيشد في شعره)

في الكلية بقي

مممممممممم

لازم يعني حكاية مواد باحبها دي

نقول باحب الفيزيا برضة....و دي بندرسها في اول سنة بس
ايه تاني

الرياضة ودي بندرسها في تاني سنة بس

ههههههههههههه

شكلي حاكرر المواد نفسهم تاني

بس هو مفيش عربي عندنا

لا بجد بجد يعني وبصراحة
كليتنا المواد كلها حفظ بطريقة غير عادية ...نسبة الفهم قليلة اوي خالص جداااا
لو اعرف كده قبل ما ادخلها مكنتش دخلتها

يمكن اكتر مادة بالنسبة لي معقولة هيه السيوتكس او الصيدلانيات تقريبا هيه المادة الوحيدة اللي باحبها في الكلية

وعامة اي مادة او كورس فيه فهم عندنا بالاقي نفسي باحبه

اما بقي اللي باكرهه في مواد الكلية

مممممممممممم
مش حاقول باكرهه ..خلينا نقول مش بافضله
تقريبا كل المواد اللي فيها صم وحفظ ودش وخلاص مش بافضلهم ....ودول يا مكترهم في كليتنا
(وش بيصوت من اللي بيشوفه )

صحيح مش عايزة حد يفهمني غلط ..من كلامي اللي فات عن مواد الكلية واني مش بافضل معظمها

انا يا جماعة تقديراتي السنين اللي فاتت تتراوح من جيد لجيد جدا

يعني باناضل برضة وعايشة

(وش رافع ايده بعلامة النصر)

كنت عايز تطلع ايه وانت صغير ؟

مممممممممم

ليه بس تقلبوا عليا المواجع

وانا صغيرة كان نفسي اطلع مهندسة

(ومش عايزة اسئلة عبقرية من نوعية ايه اللي دخلك علمي علوم)

واحيانا كان نفسي اطلع دكتورة..

طبيبة نفسية بالذات ( سامعاك ياللي بتضحك)

وجاتلي فترة كان نفسي ادخل فنون جميلة او معهد خطوط واشتغل في مجال الرسم والخط

وطبعا بعد نتيجة الثانوية العامة وانا باختار وباكتب الرغبات

ايه افضل كلية للبنات

صيدلة

يبقي نكتب اول رغبة صيدلة

هو محدش اجبرني ساعتها اني اكتب صيدلة بس هما اقنعوني وقتها ان هيه افضل كلية للبنات ...

كلية عملية زي ما كان نفسي ومش نظرية (لو افتكر بس مين اللي ضحك عليا وقالي انها عملية....ربنا يسامحه -(وش متنرفز ولو شاف حد ادامه حيقتله ))المهم اني ساعتها اقتنعت وكتبت صيدلة اول رغبة

(وش بيعيط جامد اوي خالص جدا)

طبعا انا رغاية كالعادة(وش بيبص ببراءة) والسؤال يكون صغير واجابته المفروض صغيرة بس انا لازم ارغي كتير(نفس الوش اللي بيبتسم ببراءة ) واطلع اللي جوايا ..امال اكتم في نفساونيتي واتعب (وش ماسك مسدسات وحيضرب في المليان اي حد يقول اكتمي واحنا مالنا )...

لا طبعا حاتكلم وارغي براحتي ..مش مدونتي ...(وش رخم بينظر نظرة استهبال وبيبتسم ابتسامة لزجة)...

حد عنده اعترااااااض

(وش بينظر باذبهلال)

اوعوا يكون حد عنده اعترااااااااااااااض؟؟؟

ايوة كده

فكرت

كان لازم ازعق يعني

امرر التاج لمين امرر التاج لمين
مفيش حد حاضر في ذهني حاليا
لما افتكر حابقي اكتب وابعتلهم

ـــــــــــــــــــــــــــــــــــــــــــــــــــــــــــــــــــــــــــ

فاصل قصير ثم نواصل

ـــــــــــــــــــــــــــــــــــــــــــــــــــــــــــــــــــــــــــــ

عدنا

الصورتين دول عجبوني اوي قلت انزلهم للكم

صورة الدفعة...عندما تمنيت ان يتوقف بي الزمان

2007-04-22T19:08:00.000-07:00

زحمة ودوشة ..

وناس عمالة تغني

صورة صورة صورة ..كلنا كده عايزين صورة

طبعا بتسالوا ايه الزحمة دي وايه هيه الصورة ومين هما الناس

الزحمة دي هيه دفعة صيدلة اسكندرية 2007

والصورة دي كانت صورة الدفعة بتاعتنا في استاد الجامعة

والناس هما كل طلبة الدفعة بتاعتي قاعدة عالمدرجات

وكلنا في انتظار الصورة اللي حتتاخد لكل الدفعة

المصور يشاور بايده من بعيد

1

2

الكل ثابت في مكانه

..وللحظة تتوقف الحركة في المكان

تمنيت وقتها لو كان ينفع الزمن هو كمان يتوقف بيا

هل خلاص خمس سنين جامعه عدوا وانتهوا

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟؟؟؟؟؟؟؟؟؟؟؟

خمس سنين

من احلي ايام حياتي مروا خلاص

خمس سنين

سكاشن ...و محاضرات

معامل... ومركبات

خمس سنين

شنطة ادوات..وسلم طالعين ونازلين فيه ..بنجر فيه نفسنا بالعافية ومعانا الادوات

درج الكلية المزحوم والقفل اللي لازم يتغيركل سنة ..والمفتاح اللي نسيته وادواتي جوه الدرج

خمس سنين

محاضرات فاضية مافيهاش غير بنشين.... ومحاضرات تانية الطلبة واقفين وقاعدين عالسلالم من كتر الزحمة

السكاشن والزحمة علي مركبات المعمل..وعلي الاجهزة والميكروسكوبات

خمس سنين

كتب عملي لازم نشتريها... وورق محاضرات نجيبه من المكتبة اللي جمب الكلية

ومراجع نصورها من مكتبة الكلية

خمس سنين

ابحاث نعملها ونسهر عالنت بالساعات نظبطلها الورد والباور بوينت

خمس سنين

سهر مذاكرة ونوم عالورق ايام الامتحانات من كتر الزنقة
زحمة امتحانات الشفوي..واللخبطة ادام الدكتور اللي بيعصر الطلبة اسئلة في الشفوي

خمس سنين

نشاط اجتماعي وزيارات وملتقي علمي ومحاضرات تنمية بشرية

ومسابقات رسم وخط

خمس سنين

دروس ايمانية وانشطة دعوية

خمس سنين

وجوه اتعودت اشوفها كل يوم

بعد السنة دي مش حاشوفها تاني

خمس سنين

من احلي ايام حياتي

بادعي ربنا ميكونوش ضاعوا عالفاضي واني اكون استغليتهم احسن استغلال

خمس سنين

ايام متتنسيش

ايام كانت كل لحظة سايبة جوايا ذكري متتنسيش

ايام كانت....

معلش مضطرة انهي البوست ده علي كده

عشان خلاص بجد حاعيط

حابقي اكملكم في بوست تاني

سلام مؤقت

ملحوظة صغنتوتة علي جنب
الصورة دي واحدة من الصور اللي انا صورتها للدفعة في اليوم ده
انا حاولت اختار اقل صورة واضح فيها اشخاص فمعلش حتلاقوها مش واضحة
طبعا مفهوم ان دول مش نص الدفعة حتي..لان احنا عددنا 1400 تقريبا ...بس الصورة دي انا اخدتها في الاول قبل ما كل الناس تقعد

انا اخوااااااااااااااان

2007-04-17T12:04:00.000-07:00

بعد اعتقال عبد المنعم

معنديش كلام اقوله غير

انا اخوااااااااااااااااااااااااااااااااااااااااان