Tuesday, March 27, 2007

انا وحشتني


انا

بنت صغيرة بضفيرتين

لعبتها

صاحباتها

كتبها

كراساتها

هيه دي كل حياتها

لو قابلتوني

قولولي
ان

انا وحشتني



التدوينة دي في توقيت لقيتني في لحظة تحت ضغوط كتير سواء بسبب اللي بيحصل علي المستوي العام من تعديلات وبلدنا اللي رايحة في سكة محدش عارف اخرها
او علي المستوي الشخصي ..مطلوب مني اخد قرارت تخص دراستي وقرارت تانية تخص مستقبلي المهني (الشغل يعني) وقرارت تخص حياتي المستقبلية
بجد مش عارفة اخد قرار وفي لحظة لقيتني باتمني ارجع طفلة تاني ..مفيش عليها ضغوط ولا مطلوب منها تاخد قرارت
حياتها خالية من الهموم والمشكلات
ادعولي يا جماعة كتير

44 comments:

ياء said...

ربنا يعينك

ابوزياد الفاتح said...

لو ان كل شخص تمنى الرجوع للطفوله
لن ينتشر الاسلام
لا وكلا والف كلا
لابد ان ننا ضل ونكافح من اجل حريتنا
نكافح ونقاتل كل طاغى وكل جبار
نقاتل من اجل استرداد كرامتنا
نقاتل من اجل استرداد اراضينا
نكافح ونعمل من اجل نشر الاسلام وتعاليمه
اما لو كل فرد منا تمنى الرجوع لحياة الطفوله
ولم يتحمل اعباء الدين ويتحمل الابتلاءات فى سبيل الله
فلا يستحق الحياه اصلا
نعم لا يستحق ان يعيش دقيقه واحده
وهذا ليس من شيم المسلمين ان نهرب من المسؤليه
ولكن نتوكل على الله ونعمل
ولا ننتظر النتائج بل نرجو رضا الله عنا

Anonymous said...

ربنا يكرمك ويوفقك للقرار السليم

مصراوي أوي said...

الطفولة من اجمل بل اجمل مراحل الحياة مفيش هم مفيش ضغوط مفيش معاصي مفيش ذنوب في براء نقاء صفاء ..........انتي لها ان شاء الله

بحب الاسلام said...

السلام عليكم ورحمة الله وبركاته
أرى انك أختنا فى الاسلام تواجهين بعض الضغوط او الظروف فادعو من الله عز وجل ان ييسر لك الاختيار والظروف وعليكى بصلاة الحاجه والاستخاره واريد ان اذكرك بفقه الاولويات غالبا ما نتمنى ان نكون او نعود لمرحله الطفوله ولكن هذا هروب فاتنمى ان لاتتعجلى فى قرارك واخذى راى اخواتك والمقربين اليك "لاخاب من استشار
اللهم ثبتنا على الحق وارزقنا الاختيار الصحيح فى امورنا الدنيويه والاخرويه

belal said...

ربنا يكرمك ويوفقك ..آمين يا رب

mohamed said...

ربنا يهديكى الى سبيل الرشاد واقول لكى ان فى هذه الحالات نلجا الى صلاة الاستخاره ومن بعدها تحكيم العقل
وادعوكم الى زيارة مدونتى
http://mohamedgado.blogspot.com/

بالاسلام نقدر نحلها said...

كتير جدا الانسان بتمر عليه اللحظات دى....لحظات ضغوط وهموم ومشاكل...ما أصعبها اذا تركنا انفسنا للشيطان يذهب بأفكارنا الى ما يكدر علينا حياتنا وما أسهلها حينما نتذكر قول الرسول لسيدنا بلال

أرحنا بها يا بلال
كان صلى الله عليه وسلم اذا اصابه هم فزع الى الصلاة..

أسال الله لك التوفيق والسداد..ومن يتق الله يجعل له مخرجا..

واحـــد مـــــن الـنـــاس said...

ساعات بحس بنفس الشعور ده

وبمشاعر تانية غريبة جدا

ربنا يكون في عونا يارب

Anonymous said...

السلام عليكم ورحمة الله وبركاته
العزيزة أوفيليا...كلنا عزيزتي هذه الفتاة ...
أحلام الطفولة البريئة وخلو حياتنا من المسئولية ... فقط كماذكرت ...
لعبتي وضفيرتي ... وكشكول دراستي ..بوريقاته الصفراء ..
وزبد البحر علي رمال الشاطئ ... هي اقصي همي اذ أخشي أن تحطم قصري علي الرمال... :-)

لكننا الآن ... الموضوع بقي اكبر بكتير من حبة رمال ...
الموضوع فيه سياسة وفلسفة وبلد .. وتعليم ... وناس تحت حد الفقر أحوالهم تبكي الواحد دم...

لكن أجمل ما في الأمر أننا مجرد أسباب ..
أنا هؤلاء الله أعلم بحالهم منا .. واكثر خشية علي عبيده وشوقا اليهم من الام لوليدها ...
أنه يري حال بلادنا .. وهو المدبر له
وشئنا أم أبينا سيصلحة الله عاجلا أم آجلا ...
فقط الحكمة والقيمة أن نعد أنفسنا لنكون سببا في هذا الأمر ...
أو أن نربي ولادنا ليكونوا سببا فيه وأن نوظف أنفسنا عزيزتي ...لنكون أهلا لما قدره الله لكل منا من مهمة له في الحياة...

والأجمل من كل هذا ...
الرائع حقيقة هو بساطة الحل وجماله ...
شئ من اليقين مع التفكر في الله عزوجل ..
مع ركعتي قيام كزاد للدعاة ..في جوف الليل ..
وصدقة في السر ..وصوم يوم شديد الحر ..
واستشعار كل كلمة في أذكار الله عزوجل...
تعرفين عزيزتي عندما أصلي الفجر في جماعة.. وانا اعلم انني في ذمة الله حتي أمسي .. لا تهمني الدنيا ...
ألقيها كفردتي حذاء حقا (أو لنقل أجتهد أن أفعل هذا )
فكلنا نفسه تحاربه ..لاشك
لكنه الصبر علي الطاعة ...
تحملين هم الحياة وقراراتك التي تتحملينها وحدك ..ماعاد هناك بابا وماما..ربنا يحفظهم..اللذين كنا نرتاح اذ يتحملون عنا عبئ اتخاذ القرار ...
مضي هذا الأمر.. الأدهي أننا بعد فترة سنغدو صاحبي القرار لنا ولأطفال مسئولين منا ..
أو مرؤوسين نرأسهم...
فماذا سيفيدنا حمل الهم ...
لاشئ .. فقط حبيبيتي نحن أسباب...
أسباب ييسرها الله ونسأل الله أن يستعملنا ولا يستبدلنا ...

تبغين لبلدنا الصلاح وحالها مزري ...
ستفعلين ما بوسعك وتؤدسن دورك الذي تقدرين عليه وتستميتين لأدائه..
والباقي ييسره الله
تخشين أن يكون القرار خاطئ...
اعقليه من كل اسبابة التي تتاح امامكم ... وخذيه ..ثم توكلي...
فلولا التوكل ماتمت الأعملا ...
فليس بفضلنا يتم الله العمل...
وانما نحن اسباب وهو مقدر العمل ..جل وعلا ...

حبيبتي .. يقول د.فتحي يكن في كتابه
"زاد الدعاة"
"الزاد أربع: صم يوما شديد الحر ليوم النشور .. وصل ركعتين في جوف الليل لوحشة القبور .. وتصدق بصدقة وأخفها .. وقل كلمة حق عند سلطان جائر واسكت عن كلمة باطل"
....
إنما الله غايتنا ورضاه ...
وانما صار جيل الصحابة والخلفاء ما صاروا لأنهم كانوا رهبانا بالليل فرسانا بالنهار...
لم يصبهم الهم بالوهن والكسل ..
وانما كان يبث فيهم العزيمة لاحياء الأمة .. أمتنا المسكينة الحبيبة...
....
يا بنتي فكيها ...
إن شاء الله تبقي زي الفل وعسل ..
ده احنا دفعة واحدة .. وتحت نفس سمكاكي يا اسكندرية.. يابحر وميه ...
بس كلية تانية :-)

أختك
GNM

واحدة من الاخوان بتحب البلد دي said...

ياء او نقول يحيى
جزاكم الله خيرا
دعواتكم لينا
ده اول تعليق لحضرتك علي مدونتي ..المفروض نعمله احتفال
نتمني تكرار الزيارة باستمرار وتكرار المشاركة بالتعليقات

ابو زياد الفاتح
اخي الفاضل
ليس هروبا من المسئولية ولا تخلي عن اعباء الدين او عدم تحمل للابتلاءات
كل الموضوع خاطرة او امنية بعودة ايام احببناها ونحبهاوسنظل نتذكرها
ايام كلها براءة وانطلاق ومثالية
ايام الطفولة
اعتقد كلنا بنحن للايام دي

وطالما لم تؤثر امنيات العودة للطفولة علي تحملي للمسئولية او الاعباء والابتلاءات
يظل الامر في نطاق الامنيات والاحلام المستحيلة والحنين لايام اينعم مش حترجع لكن تذكرها في حد ذاته ممتع
و متهيالي الحنين ده مش ممنوع

واحدة من الاخوان بتحب البلد دي said...

Anonymous
اللهم امين ..ايوة ادعولي ان ربنا يوفقني للقرار السليم
مش بس يبقي قرار لا قرار سليم
جزاكم الله خيرا

مصراوي أوي
فعلا احلي ايام
اينعم الواحد ساعات بيعيل ويعيش ايام الطفولة من تاني حتي بعد ما كبرنا بس برضة مهما عملت مش حاقدراخلي ايامي مفيهاش كل اللي قلت عليه ده

واحدة من الاخوان بتحب البلد دي said...

بحب الاسلام
جزاك الله خيرا علي نصيحتك


belal
جزاكم الله خيرا علي الدعاء


mohamed
فعلا الاستخارة ثم تحكيم العقل
جاري زيارة المدونة ...سنوافيكم بالتعليقات تباعا

واحدة من الاخوان بتحب البلد دي said...

بالاسلام نقدر نحلها
فعلالالالالالالالالالالالالالالالالالا
ومن يتق الله يجعل له مخرجا
جزاكم الله خيرا علي التذكرة


واحـــد مـــــن الـنـــاس
مشاعر تانية غريبة جدا ازاي يافندم؟؟؟؟؟؟؟؟؟؟؟؟

واحدة من الاخوان بتحب البلد دي said...

أختي
GNM
مش عارفة اقولك ايه
احلي رد
واحلي كلمات
بجد كلامك ريحني جدا وفادني جدا جدا
جزاكي الله خيرا

بما اننا نفس الدفعة وكمان تحت نفس السما ...احتمال كبير اكون عارفاكي
مستنية تعليقاتك عندي باستمرار ( ولو ينفع بايملك عشان اتعرف عليكي يا ريت )

Anonymous said...

السلام عليكم
احيانا الواحد بيحس انه مضااااااايق اوى وعايز يقعد لوحده او يقعد فى مكان بيحبه اوى انه يرجع صغير او..او وهكذا فهى حاله يمر بها الفرد نتيجة ضغوط الحياه ولكن يبقى الحل فى ان الاسلام هوه الحل كتييير بننسى ربنا وفضله علينا وكتيييير مش بنشكره الا فى الزنقه وهكذا ولكن فعلا ان عرفت الله حق المعرفه لما خفت من شىء ولا حزنت من شىء فان الله معك وكفايه كده يحسن انا شكلى هفتح فى حاجات كتيييير يلا سلام عليكم ورحمة الله وبركاته
واحد من الناس طالب عفو ربه

Islamist Bloke said...

نفس الاحساس

يا ترى دي حالة عامة عند شباب البلد؟

طيب هى حالة احباط؟

انا مش حاسس بحاجة...انا حاسس انى فقدت الاحساس بمتغيرات البلد من حولى....اول مصيبة وعيت عليها-ومش فاكرها- كانت صعبة اوى.....اللى بعدها اخف واللى بعدها اخف واخف....بعد الاعتقال والتعديلات الدستورية وحبس نور وضياع البلد حاسس انها مبقتش فارقة...زي ما تقولى جتت الواحد نحست شوية-دي نحست جدا على ما يبدو- فأصبحنا مش بنحس بشىء-او يمكن ده انا لوحدي

بس برضة هو شىء كويس اننا مانهارناش بعد التعديلات اللى شربناها كلنا دي

الحمد لله

احنا فعلا شعب قوى جدا...أقوى شعب على الارض حاليا هو الشعب المصرى لانه متحمل كل البلاوى دي ومانتحرش انتحار جماعى...دول فى هولندا لو حس انه متضايق عشان الايس كريم بيسيح فى الحر بسرعة بيروح ينتحر...امال اللى احنا فيه ده اية؟

الحمد لله على كل حال وربنا يوفقك ويهدينا ويهديكي ويرشدنا للخير والهدى والتقوى والصلاح

و ربنا يعلمنا

امين

BinO said...

دعيعا للخالق
وحلم البقاء طفلاً هو جرحي
ولكنها ستة الله في هذذا الكون

ربنا يعينك

علي فكرة قاعدة البيت مافيش احسن منها للمرأة
رينا يهديناو اياكم الي الهدي

ابوزياد الفاح said...

مـلكـنا هـــذه الـدنيــــا القـــرونــــا وأخضعهــا جــدود خــالـدونــا

وســـطرنا صحــائـف من ضيــــاء فما نسي الزمان ولا نسيـــــنا

وكنــا حـيــــــــن يأخــــذنـا ولــيّ بطـغيــان ندوس له الجـبينــــا

تفيض قلـوبـنـــــا بالهدى بأســــــاً فما نغضى عن الظلم الجفونــا

بنينــــا حقبـــة فـي الأرض ملكــــاً يدعــمـه شبــاب طــامـحـونـــا

شبــاب ذللـــوا ســـــبـل المعــــالي وما عرفوا سوى الإسلام دينـا

تعــهدهم فـأنبتـــهم نبـــــــاتـــــــــاً كريماً طاب في الدنيا غصونــا

إذا شـــهدوا الــوغى كانــوا كمــاة يدكــون المعاقل والحــصـونــا

شبـــــاب لـــم تحطمــــــه الليــالي ولم يُسلم إلى الخصم العرينـــا

وإن جــــــنَّ المســــــاء فلا تراهم من الإشـــفـاق إلا ســـاجديـنـا

كذلك أخــــــــرج الإســـــلام قومي شباباً مخلصــاً حـــراً أميـنــــاً

وعلّمه الكـــرامة كيــــــف تبـنـــى فيأبى أن يقيـــــد أو يــــهونــا

وما فتــــئ الـزمــــــان يـدور حتى مضى بالمجــد قوم آخرونـــــا

وأصبـــح لا يرى في الركب قومي وقد عاشـــوا أئـمتـــــه سنينـا

وآلــــمني وآلـــــــــــــــم كـل حـــرٍ سؤال الدهر أين المسلمونــــا

تــرى هل يــــرجع المـــاضي فإني أذوب لذلك الماضــي حنيــنـــا

ابوزياد الفاتح said...

وكنــا حـيــــــــن يأخــــذنـا ولــيّ بطـغيــان ندوس له الجـبينــــا

تفيض قلـوبـنـــــا بالهدى بأســــــاً فما نغضى عن الظلم الجفونــا

بنينــــا حقبـــة فـي الأرض ملكــــاً يدعــمـه شبــاب طــامـحـونـــا

شبــاب ذللـــوا ســـــبـل المعــــالي وما عرفوا سوى الإسلام دينـا

ركزى على الابيات دى بالذات
مفيش وقت دلوقتى للحنين الى الماضى وايام الطفوله
الان اصبح الحنين الى شىء واحد فقط
الحنين الى السيف
الحنين الى الجهاد
الحنين الى القتال من اجل استرداد الحريه والكرامه والزه
التى اضعناها بانفسنا حين سكتنا على الطاغى ليفعل بنا كل هذه الافاعيل
جزاك الله خيرا اختاه
ووفقك لما يحبه ويرضاه
وربنا يكرمك يارب ويحفظك
وجمعنا الله واياكى فى الجنه مع الحبيب الهادى محمد صلى الله عليه وسلم
واود ان اهنئك واهنى كل اخوانى واخواتى
بتاسيس حركة المقاومه الاسلاميه حماس بالعراق
وكمان تغيير قناة الخليجيه من قناه للاغانى الى قناده دينيه
والله اكبر ولله الحمد
ومتحلميش تانى بالطفوله
احلمى بالمستقبل وماذا يمكن ان تقدمى فيه

محمد العنانى said...

بعد التحيه
استخير الله
وهو خير من استشار
تحياتى
ودعائك

يلا مش مهم said...

ياه ه ه ه
جامدة جدا التدوينة دية
لاني لسة متعرض لموقف مشابه تماما
من يومين كنت في كورس الانجليزي وسالتني ميس مني "من تقوم باعطائي الكلاس "عن اكثر البرامج او المواد الاعلامية التي اشاهدها ووجدتني اقول لها حلقات الكلبة لاسي اللي كانت بتيجي قبل صلاة الجمعة زمان فانفجر الجالسين ضحكا ولكني كنت اتكلم بجد فعلا كان نفسي ارجع لايام الكلبة لاسي يوم ما كان الواحد مفيش اي اعباء عليه او مسؤليات او احزان
ياريتك تلاقي نفسك
ويا ريت الاقي الكلبة لاسي

محمود سعيد said...

أولاً باعتذر عن التعليق خارج الموضوع
أنا بعثت لحضرتك تاج

وباعتذر لو كان ده يضايق حضرتك أصلاً

sharkawoo said...

لا أعلم ولكنه ذلك طبيعي للغاية ...

لان الحياة كذلك ... فالحياة دائماً ما تكون في طريقها لصعوبة أكثر ليس أقل ...

ولكن قد يجد الإنسان في النهاية أنه لم يعد يستطيع الإكمال ..

ولكن السؤال إذا كان هذا حالنا يا من يقول أنه متصل بالله فما حال الآخريين ...

فمن للأمة الغرقا إن كنا نحن الغريقينا

خالد وليس بخالد said...

اعانك الله

Anonymous said...

تدعو لجنة الشباب
بنقابة صيادلة مصر
جميع المدونين و أصحاب المواقع من الصيادلة
و طلبة و طالبات كليات الصيدلة
الى لقاء تعارفي بمقر النقابة العامة
26 شارع الحديقة - جاردن سيتى
خلف دار الحكمة
يوم الخميس 19 / 4 / 2007
في تمام الساعة 4 مساءا
***
للاستعلام
0106611464
أو على الايميل التالى
moosman91@hotmail.com
برجاء تلبية الدعوة
و نشرها إن أمكن
***

elkamhawi said...

ربنا يوفقك بس فكى شوية
محدش واخد منها حاجة

wayfarer said...

و من لا يرجوا أن يكون طفلا
حينما كنت صغيرا دائما ما كنت أردد أغنية هشام عباس زمان و أنا صغير كنت بحلم أبقي كبير تعب الحلم و أتغير من الدنيا و من المشاوير.....
إلي قولت يا رتني فضلت صغير زي زمان
عليك بأمرين الأستخارة و الأستشارة ثم توكلي علي الله و أعلمي أن كل شئ مكتوب عند الله عز وجل من قبل فلا تجعلي التفكير يأخذ أكثر من وقته و لا تتردي فخطاء الأختيار أفضل من تردد مزمن يصاحبك طوال حياتك و تأكدي أن كل شئ قابل للتتصحيح و لكن بالطبع سيكون له ثمن

لن أستكين said...

القول الحصر في تلخيص تكية مصر
http://wakeupandgo.blogspot.com/

إبـراهيم ... معـايــا said...

ربنا يوفقـك يا مروة يا من الإخـوان


أنا قلت أعدي أرمي السلااااااااام



وتحياااااااتي

اصرار أمل said...

حبيبتى :
لا يمكننا أن نعود أطفالا ..... للأسف ...
لذلك دعينا نحيا الآن ؛ بدلا من أن نقضى أيامنا فى محاولة عبثية لاستعادة الماضى الذى لايعود !!!
لكن هذا لايمنع أننا دااائما نحن اليه ...
أسأل الله أن ييسر لك ؛ وأن يفرج عنك كربك ؛ وأن يقدر لك الخير حيث كان
أختك : أمل

سندباد said...

كل التوفيق لك
يا رب

تحياتي

fnan_geology said...

كلنا هذااااااااا


مين فينا مش ايز يبقى كده


متقلبيش المواجع
وسلااااااااااام

دينا فهمي said...

ربنا يعمل لك كل اللي فيه الخير
ادعي ادعي كتير

Anonymous said...

السلام عليكم يا مارو
انا اول مرة اعلق في مدونتك ومش عارفة بجد هقول ايه لاني بمجرد ماقريت الكلام وشفت صورة البنت بجد بكيت مش عارفة دة على حالك ولا على حالي ولاعلى حال الدنيا كلها بس انا حاسة بيك اوي وبدعيلك كتير ربنا يقرعينك بما فيه الخير لك...
على فكرة انا كمان ريحني كلام صاحبتنا اللي في دفعتك بس في كلية تانية واتمنى اني اعرفها
shosho

محمد العنانى said...

ممكن تبعتيلى اميل فيه الرابط بتاغ الاغنيه يا عاشق الاوطان
او تبعتيلى الكود كامل افضل
جزاك الله خير

Eng.Mostafa Masoud said...

الأخت مروة
تحياتي لك ولقد أفاض الجميع بخصوص الدعاء والصلاة والأستعانه بالله وهو مطلوب أولا مع الأخذ بالأسباب من استشارة أهل التخصص في موضوعك, بالأضافة الي ذلك عليك أنتي أن تمسكي بالورقة والقلم وحاولي أن تحددي أصل المشكلة وتحاولي أيضا أن تضعي أولويات ليكون الحل علي مراحل
وعلي وجه العموم لا تنسى أن المطلب للعمل أن يكون الفرد لديه مهارات من لغه وكمبيوتر ولباقه وحب للعمل وجديه والله الموفق ياحلم الحرية
أنا حر
http://ana-hor.blogspot.com/

واحدة من الاخوان بتحب البلد دي said...

واحد من الناس طالب عفو ربه.....

فعلا احيانا بنمر بالحالة دي بس بنرجع نفتكر فضل ربنا علينا وان الحل موجود وفي ايدينا بس احنا اللي مش شايفينه ساعتها بنعدل البوصلة بسرعة ونرجع نبص عالموضوع من اول وجديد ونلاقي كل حاجة اتحلت ان شاء الله

عموما المدونة بتاتنا بترحب بحضرتك ..والمرة الجاية مستنيين حضرتك تفتح في حاجات كتيييييييييييييير ..مفيش مشكلة



Islamist Bloke ........

حالة عامة عند شباب البلد؟؟؟؟؟
لو حضرتك تقصد الحنين للطفولة متهيالي عادي وطبيعي انها تبقي موجودة عند الناس كلها

لكن لو تقصد حالة احباط
يبقي
لالالالالالالالالا
ان شاء الله مش موجودة عند كل شباب البلد

والا مين حياخد بايد الناس لو الشباب محبط
لا يا اخي ان شاء الله مش محبطين

هوه بس احيانا المنحني بتاعنا بينزل وتجيلنا حالة تعب او نقول فتور
بس بعدها بنحتاج وقفة نعدل البوصلة
ونرجع نبص بمنظار متفائل للدنيا من جديد

بكرة ان شاء الله احسن
بكرة ان شاء الله حيكون اجمل واروع
بكرة ان شاء الله حيعيش ولادي وولاد حضرتك وولاد جيل الشباب ده في مجتمع صحي سياسيا واقتصاديا واجتماعيا

وبكرة ده ان شاء الله حييجي بايدينا
بايدينا احنا
جيل الشباب

واحدة من الاخوان بتحب البلد دي said...

BinO...
احم احم
يعني حنختلف في النقطة دي
اينعم قعدة البيت مفيش احلي منها
بس وقت ما يحتاجني مكان برة البيت ساعتها قعدة البيت مش حتبقي احسن ولا حاجة

جزاكم الله خيرا علي الدعاء


ابوزياد الفاتح ...

شبــاب ذللـــوا ســـــبـل المعــــالي وما عرفوا سوى الإسلام دينـا

هكذا نحن ان شاء الله
جزاكم الله خيرا اخي علي المرور والتعليق


محمد العنانى...

استخارة واستشارة
شاكرة علي النصيحة

واحدة من الاخوان بتحب البلد دي said...

يلا مش مهم ...
او الاخ مجدي سعد

يااااااااااااااه فكرتنا بذكريات الايام دي
ايام الكلبة لاسي وسينما الاطفال
بنستناها كل يوم قبل الصلاة

الكلبة لاسي ومازنجر واغنية بالومبيلا بولا بولا(واللي نفسي الي الان افهم كلماتها) وحاجات كتيييييييييير ارتبطت طفولتنا بيها

ياريتك تلاقي الكلبة لاسي
وياريتني الاقيني


محمود سعيد ...

الاعتذار بالاعتذار يذكر
بعد الاعتذارات الكتير في تعليق حضرتك
وجب عليا الاعتذار انا ايضا علي التاخير في الرد عالتاج

عندي كام امتحان ورا بعض اليومين دول ومكنتش فاضية اكتب اوانزل موضوعات جديدة
جاري الرد عالتاج يافندم

واحدة من الاخوان بتحب البلد دي said...

sharkawoo ...

فمن للأمة الغرقا إن كنا نحن الغريقينا
اكتر حاجة بتضايقني في نفسي لما بتجيلي حالة احباط او خلينا نسميها فتور وقتي وبارجع افوق منها
لكن وقتها اكتر حاجة بتبقي مضايقاني وشاغلاني هي البيت ده
فمن للأمة الغرقا إن كنا نحن الغريقينا


خالد وليس بخالد ...
جزاكم الله خيرا علي المرور وعلي الدعاء



لجنة الشباب بنقابة صيادلة مصر....
للاسف عندي امتحان يوم الجمعة يعني مش حينفع
اتمني موافاتي باي جديد

واحدة من الاخوان بتحب البلد دي said...

elkamhawi ...
جاري الفك يافندم
علي رايك محدش واخد منها حاجة

wayfarer...
الاغنية دي كنت باحبها جدا وكنت باحب ارددها
وتنتهي الاغنية بكلمة دلوقتي عرفت معناها
قلت ياريتني فضلت صغير زي زمااااااااان

فعلا زي ما حضرتك قلت خطا الاختيار افضل من التردد


إبـراهيم ... معـايــا ...

وانا بقول نرد السلام
وعليكم السلام يافندم

شاكرين دعاؤكم ومروركم وتحياتكم

واحدة من الاخوان بتحب البلد دي said...

اصرار أمل ...
نعم...لنحيا الان ونترك محاولة استعادة الماضي
لكن لا تنتقدوا حنيني اليه فهو خارج عن ارادتي
جزاكي الله خيرا علي دعاءك يا امل


سندباد ...
جزاكم الله خيرا علي مرورك وتعليقك يا سندباد
دعواتك لينا


fnan_geology ...
نعتذر لو قلبنا المواجع بس هيه المشكلة في الوقت الحالي ان المواجع متقلبة عند الناس كلها من غير حاجة ومش مستنية حد يقلبهالهم

واحدة من الاخوان بتحب البلد دي said...

دينا فهمي ...
مرورك اسعدني يا دينا
وفعلا من احسن الحلول في المواقف اللي زي دي
الدعاااااااء ثم الدعاااء ثم الدعاء

shosho
ليه بس كده يا شوشو
وبعدين تبكي علي حالي وحالك ده ايه
طب حالي وانا عارفاه ..ماله حالك بقي؟؟؟
شكل الموضوع محتاج قعدة كبيرة وكلام اكبر
اخلص بس امتحاني وابقي اشوفك


محمد العنانى ...
جاري ارساله يافندم

Eng.Mostafa Masoud ...
حبة تنمية بشرية في الصميم
جزاكم الله خيرا يافندم
جاري العمل بالنصيحة