Monday, September 7, 2009

هناك لعشر ايام عشت

بوست قديم تذكرته هذه الايام ووجدتني ارغب في ان اعيد نشره مرة اخري ..اترككم مع القراءة











حان الوقت ...اجهز حقيبتي استعدادا لترك المكان
وقبل ان اترك المكان ...اتجول فيه
امرر عيني علي تفاصيله
احاول ان املا عيني من كل ما يحتويه المكان
هنا أكلت معهم
هناك تحدثنا و ضحكنا سويا
هنا نمت بجانب صديقتي
هنا شاركت اخواتي في تجهيز الطعام
هنا شاركتهم ترتيب امتعة الجميع
وهناك صلينا سويا
هنا امسكت مصحفي واختليت بنفسي لاقرا القران
هنا جلست
وهنا وقفت
هنا دعوت
هنا بكيت
وهنا نمت
هنا في هذا المكان لمدة عشر ايام عشت
اتذكر اللحظات واجد دموعي تنساب رغما عني
هل يا تري حان الوداع
هل حان الوقت لترك المكان وتوديع من فيه وما فيه
هل انتهت العشر ايام
هل مرت سريعا هكذا دون ان اشعر

تمر امام عيني الاحداث والصور

1-

اراني نائمة واحداهن تاتي لتوقظني
- مروة اصحي
- سيبيني شوية
- يا بنتي اصحي ميعاد الكلمة خلاص جه
- طب خمس دقايق كمان
- يعني هو الخمس دقايق هتفرق اوي
- ايوة طبعا تفرق .. انا نمت ساعه واحدة بس يبقي اي دقيقة كمان تفرق
وتتركني لتاتي بعد خمس دقائق لعلي استيقظ
ولكنني كأي محامي شاطر في المحكمة اطلب التاجيل ثم التاجيل ثم التاجيل ...خاصة لعلمي بالزحام المتوقع في الطابور امام الحمام عند موعد الاستيقاظ
عن النوم في الاعتكاف حدث ولا حرج
ننام احيانا ونحن وقوف من كثرة التعب
او تسجد احدانا فنوقظها بعد التسليم لنخبرها انها نامت وهي ساجدة
نجاهد انفسنا كثيرا لنظل منتبهين
أحد اهم المؤن في دنيا الاعتكاف هي المنبهات وبالطبع البويلر..فعلا ضرورة ملحة
الغريب اننا في اول ايام الاعتكاف نتعب كثيرا ونظن اننا لن نقدر علي الاستمرار بمثل هذا العدد القليل جدا من ساعات النوم والذي يتراوح من ساعه واحدة احيانا الي اربع ساعات
واذا زادوا في احدي الايام لخمسة او ستة متقطعين علي ثلاث مرات ...يمكنني ببساطة ان اقول (انا نمت كتير جدا النهاردة)
اشعر ان ايام الاعتكاف تكشفنا امام انفسنا اننا قادرون علي الكثير والكثير من الاشياء واولها تقليل ساعات النوم



2-

أراني وأخواتي انتهينا من صلاة المغرب وجهزنا المفرش علي الارض استعدادا لوضع الطعام وجلسنا بانتظار الطعام
- ها الاكل وصل
- لسه شوية متقلقوش يا جماعة اكيد مش هيتاخر
نبدا في سرد النوادر عن تاخر الافطارات في الاعتكافات ثم نجد احدي الاخوات تمر بعلبة التمر واكواب من الماء وتقول لنا
هنقضيها تمر ومية النهاردة اهو منها توفير ومنها تدريب عملي علي الزهد والتقشف
- والغريب ان طعم التمر والمية ساعتها واحنا مع بعض كان بيبقي جميل اوي ويشبع اوي اوي اوي -
عن الطعام ايضا في الاعتكافات حدث ولا حرج
فبينما تمر علينا ايام يكثر فيها الطعام جدا تمر ايضا بعض الايام وقد قل الطعام وقمنا دون شبع
وما بين هذه وتلك
تمر احلي اوقات الاعتكاف ونحن ناكل الطعام سويا
اذكر في احدي المرات تاخر الطعام وجلسنا نتحدث سويا لعل الوقت يمر
كان الحوار بيننا رائعا بحق واذكر انه حين اتي الطعام قالت احداهن كلمة
مش مشكلة نشبع من الاكل ...انا بس نفسي اشبع من القعدة مع اخواتي
(حقيقي يومها كنت حاسة بكده اوي... اني شبعانة بقعدتي معاهم وناسية الاكل تماما )

3-

بعد صلاة الفجر
يبدا الجميع في تجهيز انفسهم للنوم وبينما نجهز المكان استعدادا للنوم نردد سويا اذاكار الصباح
يتساقط البعض في دوامة النوم من كثرة التعب قبل اكمال الاذكار
وبينما يكون عددنا كبيرا عند بداية الاذكار نجد العدد يقل عند الانتهاء منها فقد اخذهم النوم دون ان يشعروا حتي ان البعض ينام وهو جالس اثناء ترديدها

4-

توزيع المهام
ما بين تنظيف المكان او ترتيب الامتعة او تجهيز الطعام للباقين
يتبادل الجميع هذه المهام
اجدني اقترب من اخواتي اكثر ونحن نتعاون سويا في تنفيذ المهام
اتعلم منهم الكثير والكثير
اتعلم من هذه الصبر ومن تلك الايثار ومن الأخري الرفق واللين ...اتعلم من هذه الهدوء ..ومن تلك التأني ومن الثانية العقل الراجح
تفيدني واحدة بمعلومة طبية واخري بمعلومة نسائية والثانية معلومة علمية وواحدة بمعلومة سياسية والثالثة بمعلومة فقهية ..
جزاهم الله عني خيرا كثيرا

5-

الفترات الحرة في الاعتكاف
ان تختلي بنفسك ومعك مصحفك
تقرأ وردك و تصلي
ثم بعدها تجد الاصوات من حولك تختفي
وتفاصيل المكان تختفي
ما عدت تشعر بمن حولك
انت الان تحادث الله ويحادثك
تقرا كتاه وكلامه اليك ...وتصلي اليه وتدعوه وتحدثه
يحدثك وتحدثه
لن اتحدث عن هذه الفترات كثيرا لكن عندما اتذكر هذه اللحظات اجدني اتذكر اخواتي الذين ما ان يجدوا احدانا وقد بدات في الكلام مع زميلاتها نجدهم يذكروننا بمصفنا وسبحتنا

6-

الحفلة الختامية
أنظر للوجوه من حولي
أملا عيني منهم
تغمرني مشاعر لا توصف
أحاول أن أحفر هذه الوجوه في ذاكرتي أملا بها ردهات عقلي واحفظها في حجرات به علي شكل قلوب
تري هل يقدر لي لقائهم ثانية في العام القادم او في الاعوام التالية
ابتسم حين تتلاقي عيني باعين بعضهم تتسع ابتسامتي وانا استعيد لحظاتي معهم
اضحك علي المواقف الضاحكة التي جمعتنا سويا
واحزن علي لحظات مرت ولا ادري هل ستعود مثلها ام لا

اتذكر هذه الايام
هذه الساعات
هذه اللحظات
ولا املك الا الدعاء
اللهم تقبلها منا ...واعدها علينا اعواما مديدة

56 comments:

mohamed said...

جميل

بس اول مرة اعرف ان في مكان في مصر بيسمح باعتكاف سيدات

كانوا بيرحوا العشاء ويشموا مع الشروق

المهم واضح انها كانت فتره جميلة ربنا يجعلها في ميزان حسناتك

تقبل الله منا ومنكم

إحنا said...

بلاش فضايح يا مروة
كل سنة وأنت طالعة من الاعتكاف بالسلامة وعلى البيت
جهاد

شقاوة شعب said...

فعلا يا جوجو البوست كله فضايح

طب اسيحلها بقى ساعة ماخليتنى اقوم بدالها بمهمة تصحية الناس فى اليومين اللى جيتلكم فيهم??

ها اقول ايه اللى حصل ساعتها

ولا بلاش ان الله حليم ستاااار

أميرة محمد محمد محمد said...

ماشى يا مرمر سبقتيني وكتبتي علي الاعتكاف ربنا يتقبل منا جميعا كانت ايام رائعه
سلام

بهاء said...

ربنا يتقبل منكم
ويعيد رمضان سنين عديدة ويجعلنا جميعا من عتقائه
كل عام وانت بخير

Anonymous said...

بجد موضوع جميل اوى اوى اوى و عجبنى جدا مش عرفه اوصفلك احساسى عامل ازاى دلوقتى
نفسى فعلا انى اجرب الاعتكاف و انى احس برضى ربنا عليا
ميرسى على الموضوع الجميل اوى ده وكل سنه وانتى طيبه و ان شاء الله ديما قريبه من ربنا

mostafa alnagar said...

اول زيارة للمدونة
سعدت بيها جدا
وان شاء الله
اتابعها

امام الجيل said...

نسأل الله القبول
طيب انا هامسك نفسى عشان لو كتبت يبقى هاكتب بوست عن الاعتكاف
بس طبعا ايام جميلة من اجمل ايام السنة برغم تعبها وقلة نومها بس ايام ربانية جميلة نسأل الله ان يكون عامنا كله رمضان
طيب مدام هنمسك على الاخطاء المطبعية
فرصتى بقى عدد واحد محاسب فى البروفايل
وبدل كتابه كتاه
ياه يلا حاجة بسيطة
وكل عام وانتم بخير
والاسرة بخير ومحمد بخير وفاضى
قوليله حضرتك عايز ميله عشان نشترك فى مدونة حاول تفهمنى هو اعرب عن اهتمامه بس مش عارفين نوصله

نيفين عمر said...

ربنا يتقبل ويغفر

Anonymous said...

السلام عليكم ورحمة الله وبركاته
جزاكى الله خيرا على هذا الموضوع الجميل وفعلا ان محكيتيه صحيح لانه بالفعل نفس اول اعتكاف فى حياته عملته وكان بفضل اخوانا فى عمرو بن العاص وكانى اتذكر ما تقوليه كان الاحداث واحده مع فروق صغيرة
كل سنة وانتم جميعا بخير

حلم الحرية said...

mohamed ...

لو عالسماح بالاعتكاف فالوزير في مصر اصدر قرار بمنع الاعتكاف للرجال وللسيدات مش للسيدات بس

الحمد لله لسه في مساجد بتسمح بالاعتكاف

وهيه فعلا كانت فترة جميلة اوي ربنا يعيدها علينا سنوات وسنوات

حلم الحرية said...

إحنا ...

احم
انتوا بداتوا تهلوا
جهاد وصلت يا جدعااااان
يا اهلا بزميلة الكفاح
اصدي بزميلة الاعتكاف
وزميلة سهر بعد الفجر وتهييسه لما من كتر قلة النوم دماغنا تسيح والمشكلة انه ساعتها بيبقي خلاص النوم راح من عنينا

وبعدين فضايح ايه
ده انا حتي كنت مؤدبة وما سيحتش ولا قلت فضايح ولا حاجة
بالذات فضايح فترة بعد الفجر دي
انا مجبتش سيرتها خلاص قلت بلاش الواحد يفضح نفسه
هههههههههههه

كانت ايام جميلة والله
ربنا يعيدها علينا

حلم الحرية said...

شقاوة شعب ...

لالالالالالالالالالالالا يا شيماء

ايه ده ..ايه ده

فينا من الكلام ده

لو هنبدا تسييح هاسيح

وبعدين كملي الجملة
خليتك تصحي الناس بدالي ليه
عشان كان عندي شغل الساعه تسعة واليوم اللي قبلها مكنتش نايمة غير ساعتين واليوم ده نفسه مكنتش لسه نمت ويدوبك قلت اناملي ساعتين وللا حاجة بدل ما اروحلهم انام هناك

وبعدين لو فينا من تسييح بئا
ممكن الواحد يسيح ويحكي عن سهرك مع اخوات هندسة
عادي يعني
ههههههههه
وللا اقولك بلاش

ان الله حليم ستااااااااار

حلم الحرية said...

أميرة محمد محمد محمد ...

يا بنتي سبقتك ايه بس اكيد كلامك كان هيبقي احسن من كلامي بكتير

ربنا يتقبل منا ومنكم
ويجمعنا علي خير دايما

حلم الحرية said...

بهاء ...
امييييييييين
تقبل الله منا ومنكم


Anonymous ...
هو فعلا احساس راااااااااااااائع
وان شاء الله يتاح ليكي تجربيه في يوم بنفسك وتدوقي حلاوته
ربنا يرضي عنك ويرضيكي ويراضيكي

حلم الحرية said...

mostafa alnagar ...
اهلا بحضرتك في المدونة ويارب الزيارة تتكرر باستمرار

تقبل الله منا ومنكم


امام الجيل ...

فعلا هيه ايام ربانية جميلة
تقبل الله منا ومنكم


اما بئا بالنسبة للاخطاء الاملائية فالواحد المحاسب ده معرفش جه منين شكلي لما غيرت التمبليت غيرته من غير ما اقصد لانه مكنش هنا
هو هياخد الواجب بتاعه كوباية شاي وللا عصير فريش دلوقتي ويمشي علطول

بالنسبة لمحمد فكل سنة وهو بخير وفاضي بالنسبة للكلمة الاولي ندعي ربنا تكون اعوامه كلها خير
اما التانية بئا اللي هيه فاضي دي معتقدش انا عمري ما شفته فاضي
بالنسبة للمدونة ان شاء الله ابلغه

حلم الحرية said...

نيفين عمر ...

اميييييييييييين

منا ومنكم


Anonymous ...
اكيد هتتكرر نفس المشاهد ونفس الصور ونفس الذكريات عند معظمنا مع الفارق طبعا في التفاصيل لكن تظل في المجمل الصورة والذكريات واحدة عند كل من عاش هذه الايام
ربنا يتقبلها منا ومنكم ويرزقنا اجرها ويعيدها علينا

عصفور المدينة said...

جميل البوست ياأستاذة
وملأ الله حياتك بالأجر أينما كان

إبـراهيم ... معـايــا said...

ربنا يتقبل :) .......


بس


آآه ، نورتي يا فندم



و سلااامي للباااشمهندزة

Dr.Diamond86 said...

جميل موضوعك أوى
أنا نفسي بجد ف الاعتكاف والاحساس ده من زمان بس يمكن مش لاقيه حد يشجعنى لده
ربنا يوفقنى ليه يا رب
وربنا يتقبل منكم ويعيد عليكم الايام بالخير والتقوى ويتقبل منكم صالح لعمل يا رب

جمعاوى روش طحن said...

الموضوع جميل جدا مع إنى جيت متأخر

جميل أوى روح الإخوة فى الإعتكاف

و الأجمل إن الأخوات مايتحرموش من ثواب الإعتكاف

و مستنيين تغطيه حضرتك عن الملتقى

صانعة الحرية said...

ما شاء الله
على فكره احنا معندناش الاعتكاف كده زيكم
الحكايه دى فى القاهره والاسكندريه بس
كنا بنعتكف اليالى الفرديه وكنا احنا بس
مجموعه نستاذن وناخد المفتاح ونحى الليله وحدنا
لان مفيش عندنا اعتكاف للنساء
ان شاء الله سننقل هذه الفكره الى هنا
وربنا يتقبل منا ومنكم ياارب

ابوزياد الفاتح said...

كل عام وانت بالف خير
تقبل الله منك صالح الاعمال
الصراحه المدونه اصبحت رائعه جدا
مبروك على التجديد
الشغل ده جامد جدا والله
ومواضيعك ممتازه على طول
ربنا يكرمك

wayfarer said...

السلام عليكمو رحمة الله و بركاته
تقبل الله منكن
و بالفعل اول مرة اعرف ان في نساء بيعتكفن في مصر
و بالفعل انتن في نعمة علشان لقيتوا الاثنين المكان و الوقت لان الشغل سواء في القطاع الخاص او العام من الصعب الحصول فيه علي اجازة تصل ل 10 ايام متصلة
و اللهم اعدنا علينا رمضان اعواما عديدة و اعنا و اقبل منا

Dr.Nassif said...

تقبل الله منكم صالح أعمالكم

شقاوة شعب said...

ايه ده هنبدأها سياح بقى ولا ايه
انتى نفسك لسا متكلمة عن تهييسة بعد الفجر

هتذلينى يعنى عشان قعدتلى قعدة فى يوم بعد الفجر مع اختين من هندسة
ويوميها واحدة منهم متجوزة عملتلى انا والتانية غسيل مخ ناحية الجواز واللى بيجوزوا وطهقتنا فى عيشتنا

ههههههههههههه

لأ وايه كنا فكرين نفسنا الوحدين اللى صاحيين فى المعتكف وان كلامنا كله همس ... وصحينا الصبح لقينا اخت عاملة تقولنا المعتكف كله سمع انتوا كنتوا بتتكلموا فى ايه

هههههههههه
كانت فضيحة

حلم الحرية said...

عصفور المدينة ...

استاذنا عصفور المدينة

سعيدة باول زيارة لحضرتك علي مدونتي

تقبل الله منا ومنكم ورزقنا واياكم الاجر

حلم الحرية said...

إبـراهيم ... معـايــا...

اللهم امين

منا ومنكم

ان شاء الله يوصل

حلم الحرية said...

Dr.Diamond86 ...

ربنا يكرمك وتدوقي الاحساس ده واحلي منه ان شاء الله

ويرزقك بالصحبة الصالحة اللي تشجعك عليه

حلم الحرية said...

جمعاوى روش طحن ...

فعلا من اجمل الحاجات في الاعتكاف روح الاخوة فيه

جو ميتعوضش ربنا يديمه علينا

وان شاء الله انزل التغطية قريب

حلم الحرية said...

صانعة الحرية ...

احم احم
من يومها اسكندرية من اجمل المدن حتي في ده
هههههههههه

ربنا يرزقكم الاجر بالنية

وان شاء الله السنة الجاية تكونوا معتكفات اعتكاف كلي مش بس ليلي

ربنا يتقبل منكم

حلم الحرية said...

ابوزياد الفاتح ...

منا ومنكم

ربنا يكرمك

شكرا علي التشجيع

حلم الحرية said...

wayfarer ...

عود احمد لزوار المدونة الغائبين

فعلا عند حضرتك حق
الشغل مع الاعتكاف بيكون صعب

وان كان ده كنا بنجربه يوميا لان كتير مننا كانوا طلبة فكانوا بيخرجوا للكلية ويرجعوا عالاعتكاف

رنا يتقبل من الجميع

حلم الحرية said...

Dr.Nassif ...
تقبل الله منا ومنكم

برحب بحضرتك في اول زيارة لحضرتك عالمدونة وان شاء الله متكونش الاخيرة

حلم الحرية said...

شقاوة شعب ...
يا بنتي هيه قعدة وبس
دي كانت قصة وحكاية وفضايح

يا بنتي انا شكيت انتوا عملتوا في بعض ايه اليوم ده
تقريبا لسعتوا انتوا التلاتة بعدها
ههههههههههههههههه
خليني ساكتة احسن

ما قلنا ان الله حليم ستار

Dali of art said...

مدونتك جميله اوى انا قريتها بشكل عابر وليا عودة ليها مره تانيه ان شاء الله ..واتمنى تشاركينى فى مدونتى http://wwwdaliofart.blogspot.com/

هى فكره بفكر انفذها بس لسه مش واضحه اوى .. مستنيه رايك

Anonymous said...

جميل انا نحيا الذكريات ولكن الاجمل ان نصنعها في مثل هذا العمر ونترك احيأها لما بعد ذلك

Anonymous said...

أخى الفاضل ............. أختى الفاضلة
سلام الله عليكم ورحمته وبركاته
ندعوكم جميعا للمشاركة معنا فى حملة ( معا لوحدة الامة ) المنشورة على مدونة الايجابية والاصلاح , وموقع عودة ودعوة , وموقع دنيا الرائ , وموقع ينابيع تربوية , وذلك بنشرها فى كل مكان , ليعم الخير ونكون جميعا سببا فى لم شمل ابناء الامة ونبذ الفرقة والخلاف ,ونشر ثقافة الوحدة والاخوة والاعتصام .
ان امتكم اليوم فى اشد الحاجة الى جهادكم بالكلمة , فشاركونا الحملة بمواضيع هادفة ومقالات وقصائد واشعار ووسائل جديدة تكون سببا فى وحدتنا ووقف شلال الدم النازف فى بلادنا العربية والاسلامية .
ونحن نمد ايدينا الى كل العاملين فى سبيل الله , المخلصين للاسلام الذين يطمحون الى تحقيق وحدة الامة الاسلامية , بغض النظر عن انتماءتهم الطائفية او المذهبية او الحزبية او الحركية او الجغرافية أو العرقية , فالكل عندنا سوا , مادام يشهد أن لا اله الا الله محمد رسول الله .
وهذة محاولة نبتغى بها وجه الله عزوجل , عسى ان تكون سببا باذن الله فى توحيد صفوف الامة , ونشر ثقافة الوحدة والاخوة والاعتصام , فلا تبخلوا علينا بمساهمتكم البناءة , والله من وراء القصد وهو المستعان على ما يصفون .
( وان هذة امتكم امة واحدة وانا ربكم فاعبدون )
اخوكم / سعيدالشريف / مدونة الايجابية والاصلاح

tamooh said...

تقبلها الله

::

تمضى الأيام ويبقى منها شيئان

الذكرى و الثواب

كل سنة وانتى طيبة يا مروة

شعبان طلبه said...

بجديا اختي سقطت دموعي وانا اطالع كلمات وحلاكت كل زكريات الصبا والايم الاشبال و
كم كانت فعلا ايام اختطفناها من العمر وكم كانت غالية في نفوسنا
بوركتي لنا
وجمعني واياك في مستقر رحمته
اخوك شعبان طلبه

عاشقه الاقصى said...

يابختكم يا اسكندرانيات بالاعتكاف
احنا عندنا بس بنروح التهجد ونعتكف طوال الشهر بعد الفجر بس

بس بتبقى ايام برضه لاتنسى

احساسك عالى اوى فى الكلمات عن الاعتكاف

ربنا يعزك

اول مره اقرا لكى

ولاء رزق
(عشان تعرفينى )

nara said...

أيام وذكريات
رائعة

تقبل الله منا ومنكم ...

Anonymous said...

بسم الله ما شاء الله
بارك الله فيكِ
وزادكِ الله من نعيمه
وافاض عليكِ من فضله
وجعلكِ ذخرا للاسلام والمسلمين


حقيقة ... ما أجدني قرأت اسلوبا اجمل من هذا في رونقه وقوة تاثيره وشدة جذبه للانتباه ....

فقد تذكرت حينما قرات ، ما كنت اعيشه في ذات الوقت

وما شعرت به من : صحبة ، وتعاون وإخـاء ، وإرتقـاء في إيمـاني

فتلك العشر

هي التي كان النبي صلى الله عليه وسلم يشد فيها المأزر ويجتهد في العبادة

وتلك العشر

هي التي فيها ليلة خير من الف شهر (ليلة القدر)

وتلك العشر

هي التي فيها العتق من النار
(وآخره عتق من النــــــار)

وتلك العشر

هي التي يسمو فيها الفرد بايمانه حتى يبلغ ما لم يبلغه في باقي الأيام

وفي تلك العشر

يكون الشيطان بعيد عن النفس

(....وصدت الشياطين ومردة الجن...)

وغيرها من الكرامـــــــــات

واود ان اشير الى ان هناك نفحات في ايام دهرنا امرنا الحبيب ان نتعرض لها لعل الله يصيبنا برحمته
والله الموفق،،،


خلينابقا نقلب من الفصحى شوية

الموضوع فعلا جميـــــــــل ومفيد وكفاية انه بيفكر الناس بان الوقت ده مهم جدا ومفروض ان احنا نستغله احسن استغلال

وجزاك الله خيراااا

هيثم

Wohnungsräumung said...

Thank you for your wonderful topics :)

Entrümpelung wien said...

شكرا على الموضوع ..))

entrümpelung wien said...

شكرا لكم .. دائما موفقيين ..))
entrümpelung

entrümpelung wien

wohnungsräumung said...

موضوع ممتاز جدااً....ونتمني لكم التوفيق الدائم
umzug-umzug
wohnungsräumung wien

Bookmarks said...

تسلم ايديك على الموضوع المتميز جداا
delogierung-delogierung
Wohnungsräumung
zwangsräumung-zwangsräumung

الربح من الانترنت said...

الف شكر على الموضوع الرائع
التسويق الالكتروني
bookmarks

luxusumzug said...

موضوع ممتاز .. بالتوفيق
ماكينات الطباعة
خطوط انتاج ورق الكمبيوتر
ماكينات الطباعة gto
drent gazelle

Wohnungsräumung wien said...

تسلم ايديك على الموضوع الممتاز
Wohnungsräumung
Wohnungsräumung
Wohnungsräumung wien
Wohnungsräumung wien
Wohnungsräumung wein

ريوبى said...

موضوع ممتاز
ryobi

Umzug said...

بسم الله الرحمن الرحيم .. لا اله الا الله
Umzug - Umzug wien

Wohnungsräumung said...

شكرا على الموضوع المتميز
Dank Thema Wohnungsräumung

Wohnungsräumung said...

شكرا على الموضوع المتميز
Dank Thema Wohnungsräumung

منتدى ماكينات said...

منتدى ماكينات