عني اتحدث
في الزحام
أظل أبحث عني
لكني اتوه مني
...أجدني
واعود لافلت مني
واعود لافلت مني
...أقابلني
فأسالني
متي سأعود؟؟؟؟
ـــــــــــــــــــــــــــــــــــ
عن احلامي اتحدث
وفي كل يوم
ياتي الليل حاملا لي معه هدية
صندوقا من احلام وردية
افتحه ..
اخرج احلام هي ليّ
وللحظات
اعيش فيها وتعيش فيّ
ثم ياتي الصباح
وياتي معه موعد اغلاق الصندوق
لكني أدرك مع تباشير الصبح الاولي
كيف أن أحلام الليل
لاتنتهي بشروق الشمس
ـــــــــــــــــــــــــــــــــــ
عنهم أتحدث
رفاق أخذتهم دروب الحياة بعيدا عني
اظن بأنهم من حياتي...قد زالوا
لكني حين اذكرهم
فيدق قلبي شوقا اليهم
أدرك عندها انهم في حياتي...لا زالوا
لهم أقول
أشتاق اليكم وأفتقدكم كثيرا
ـــــــــــــــــــــــــــــــــــ
اليهم أتحدث
فقط
سامحكم الله
ـــــــــــــــــــــــــــــــــــ
الي نفسي أتحدث
اين؟؟
متي؟؟
كيف؟؟
عبثا تبحثين عن اجابة
لكن عجبا لها الايام
تراقبك من بعيد بابتسامة
لكنها ترفض البوح بالاجابة
وتعلن اعتزال الكلام
ــــــــــــــــــــــــــــــ
عن الجميع والي الجميع
الامر ليس دائما كما يبدو
.
ــــــــــــــــــــــــــــــ
- يتبع -
- متي حان الوقت لذلك -
70 comments:
كنت قد كتبت من قبل
أنظر إلى السماء
أبحث عن نجمة
عن أمل
عن ضوء أراه ... 0
أمد يدي إليه
ينظر إلي ... 0
يبتسم ... و هو يبتعد إلى الأمام
.................................
أثناء النوم
أبحث عن حلم ... 0
و لكن من زعم
أن الأحلام لا تضل الطريق
إلى المنام
.................................
أرنو إلى صفحة الماء
فأراني أنظر إلي
أتعجب مني لأنني لست أنا
بل كأنني أنا ... تمام
.................................
كثيرا ما أتوه داخلي
لأبحث عني ... فلا أجدني
بالفعل .. افتقدتني
و كتب مطر من قبل
في القلب أحبابي أنا
و القلب أطلال
أخدعني
أقول : لا زالوا
رجع الصدى يصفعني
يقول : لا .... زالوا
بجد تدوينة جميلة جدا
محمد
كلماتك جميلة جدا أختي
بسيطة ومعبرة
يا ريت لو كانت أحلام المساء لا تنتهي مع شروق الشمس
أنا شايف انه الكوابيس بس بتستمر
أما الأحلام بتهرب بسرعة
فعلا
ليس الأمر دائما كما يبدو
لو لم يكن فيها إلا العناوين لكفت
بل وما تحتها أكثر إبداعا
كما لو فرحت
كما لو فرحتُ: رجعت. ضغطتُ على
جرس الباب أكثر من مرةٍ، وانتظرتُ...
لعّلي تأخرتُ. لا أحدٌ يفتح الباب، لا
نأمةُ في الممرِّ.
تذكرتُ أن مفاتيح بيتي معي، فاعتذرتُ
لنفسي: نسيتُك فادخل
دخلنا ... أنا الضيف في منزلي والمضيف.
نظرتُ إلى كل محتويات الفراغ، فلم أرَ
لي أثراً، ربما ... ربما لم أكن ههنا. لم
أَجد شبهاً في المرايا. ففكرتُ: أين
أنا، وصرخت لأوقظ نفسي من الهذيان،
فلم أستطع... وانكسرتُ كصوتٍ تدحرج
فوق البلاط. وقلت: لماذا رجعت إذاً؟
واعتذرتُ لنفسي: نسيتُك فاخرج!
فلم أستطع. ومشيت إلى غرفة النوم،
فاندفع الحلم نحوي وعانقني سائلاً:
هل تغيرتَ؟ قلت تغيرتُ، فالموتُ
في البيت أفضلُ من دهسِ سيارةٍ
في الطريق إلى ساحة خالية !
------------------
محمود درويش
بجد جااااااااامدة جدا.. بس أنت في الأول كنت بتتكلمي عني ولا عنك..؟؟؟؟
ههههههههه
تحياتي لأجمد بوست
مش هعلق على كل نقطة على حدة
بس هقول
ابداااااااع ما شاء الله
وهرجع اقراها تانى
اعتقد من اعطاه الله هذه الموهبقة
لقادر على ان يجد نفسه
وان يرسم مستقبله
وان يحب
وان يغفر
بجد يا مروه روعه مش متخيله اللي الكلام عمله فيا
مش عارفه اقولك بس اثر فيا قوي و تعبني و انا اصلا تائهه
عملوا لقاء مع دكتور مرسي انا حاسه ان انا في القطب الشمالي
ابقي كلميني
لما أشرق الظلام
في الصباح
ويدي تبحث في كفاح عن مصباح
يضئ وجه الشمس
ويقتل ريب الأمس
ويبعد شك النفس
في وجود الشمس
خلف الغمام
..
واضح غم م انا الوحيد اللي مضايق من الشمس
..
مش قادره اقولك كلماتك مؤثره لابعد حد
خصوصا
ليس الامر ائما كما يبدو
حقيقى
كلمات معبره اوى
تحياتى للاحساس العالى جدا
جدا
جدا
جميييل
جمييييييل
جميييييييييل
في الزحام
أظل أبحث عني لكني اتوه مني ...أجدني
واعود لافلت مني
...أقابلني فأسالني
متي سأعود؟؟؟؟
مراقب من بعيد.ولازلت في العيون غريب...لكن في هذه المقطوعات شأنا..جعتلني أقرأ ثم
أعيــــــــــــــــــد
وفقك الله
د مروه
ايه الحكايه هيا اسكندريه كلها مش عارفه ايه نظامها ولا ايه
انتي تكتبي هنا
وان اكتب في الفيس بوك نفس الكلام هل هذا قدر
ام ان السقعه اليومين دول عملت هياس في دماغنا
.............
ايه اللك دا كله سيبي الناس في حالهم
عنك وعنهم وعن احلامك واليهم ونفسك وللجميع وعن الجميع
بجد نايس وردس
اي هوب بيست فيوتشير فور يور وردس
FadFadA ...
كثيرا ما أتوه داخلي
لأبحث عني ... فلا أجدني
بالفعل .. افتقدتني
ـــــــــــــ
رائعة هذه الكلمات
معبرة وصادقة
حقيقة
كما قلت
انا افتقدني كثييييرا
الأخت مروة:ـ
أولاً : أحييكي على هذا الأسلوب الرائع
ثانياً : برجاء التواصل مع صاحبة هذه المدونة:ـ
http://miss-objection.blogspot.com/
فأعتقد أنها تتوافق معكي في في عدة أشياء:ـ
1ـ صيدلانية
2ـ لها أسلوب رائع في الكتابة
3ـ أرى أن بها خير كثير ولكن تحتاج إلى المعين
جزاكم الله خيراً
جميل جدا , ده اول مره ليا هنا بس بجد رائع
ساعات بنحس اننا غرباء حتى عن نفسنا بنحس اننا لوحدنا رغم كل اللى حولينا بنحس اننا منتظرين شئ يمكن صعب انه يحصل ويمكن من طول الانتظار بننسى احنا منتظرين مين او ايه
عجبنى اوى الصورة الاولى ( وحيد رغم الزحام)
جربت مره تكون فى وسط حلم وانت نايم ولدرجة انك خايف اصل يطلع الحلم حلم فعلا تقول لنفسك انا بحلم ولا صاحى وتفاجا انك فعلا فى حلم بتتمنى ساعتها انك عمرك ما تقوم من النوم تانى
المقطوعة الثالثة انا مش هتكلم عنها
الرابعة : حاسس انى وسط دوامه وانى مش عاوز اخرج منها
تقريبا بره الدوامه الصغيرة دى اعصار كبير فالاحسن انى اغمض عبنى
الخامسة : اصعب حاجة انك تقابل الناس الصح فى الوقت الغلط
بهاء ...
ربما لاننا نسمح لها بالهروب
بينما لو قررنا بقاءها واستمرارها حتما ستستمر ولن تهرب
عصفور المدينة...
جزاكم الله خيرا يا استاذنا
علي رايكم وتشجيعكم
اما بخصوص ان العناويين تكفي
احم
انا حاسة ان العناويين بتوحي باني رغاية اوي
dead man ...
كما لو فرحتُ: رجعت. ضغطتُ على
جرس الباب أكثر من مرةٍ، وانتظرتُ...
لعّلي تأخرتُ. لا أحدٌ يفتح الباب، لا
نأمةُ في الممرِّ.
تذكرتُ أن مفاتيح بيتي معي، فاعتذرتُ
لنفسي: نسيتُك فادخل
دخلنا ... أنا الضيف في منزلي والمضيف.
نظرتُ إلى كل محتويات الفراغ، فلم أرَ
لي أثراً، ربما ... ربما لم أكن ههنا. لم
أَجد شبهاً في المرايا. ففكرتُ: أين
أنا، وصرخت لأوقظ نفسي من الهذيان،
فلم أستطع... وانكسرتُ كصوتٍ تدحرج
فوق البلاط. وقلت: لماذا رجعت إذاً؟
واعتذرتُ لنفسي: نسيتُك فاخرج!
فلم أستطع. ومشيت إلى غرفة النوم،
فاندفع الحلم نحوي وعانقني سائلاً:
هل تغيرتَ؟ قلت تغيرتُ، فالموتُ
في البيت أفضلُ من دهسِ سيارةٍ
في الطريق إلى ساحة خالية !
------------------
لا تعليق
حاولت ان اقتبس منها شيئا لاعلق عليه فلم استطع
وجدتني اقتبسها كلها
RAMA ...
عني وللا عنك
!!!!
ايه اللخبطة دي
لا عني ولا عنك
كنت باتكلم عالجيران
ههههههههه
تحياتي لاحلي تعليق
امام الجيل ...
اتمني ان اكون بالفعل قادرة علي ان اجد نفسي
وارسم مستقبلي
وان احب
وان اغفر
تري هل اقدر؟؟؟؟؟
أميرة محمد محمد محمد ...
هو انا طبعا مكنتش اتخيل
وحتي بعد ما كلمتيني برضة ما زلت مش قادرة اتخيل
لو اعرف انه هيتعبك كده مكنتش كتبته
ربنا ييسرلك امورك يا مرمر
وتوصلي للطريق اللي نفسك فيه وتحققي هدفك مهما كانت صعوبته
other_things ...
يعني
هو انا مش متضايقة من الشمس اوي
انا عملت معاها اتفاقية سلام
واتفقنا ان تتركني اعيش احلامي حتي بعد ان تسطع
ومنحتني هذه الاتفاقية فرصة للتمتع بدفء الشمس ومتعة الحلم
شجره الدر ...
ربنا يكرمك
ايه ده كله
انا كده هاصدق
سعيدة اوي باول زيارة ليكي عندي
يارب تتكرر دايما
الـفجـريـــة ...
شكرااااا
شكرااااااااا
شكرااااااااااااااا
مستنية اعرف الحاجة اللي هتقوليهالي بعدين
محمد المصري ...
اسعدني كثيرا ان تروا في مقطوعتي شانا
سعيدة باول تعليق لحضرتك في المدونة واتمني لو تتكرر المشاركة مرات ومرات
عصفور اسكندرية ( المواطن المطحون ) ...
احتمال برضة ان السقعة هيه السبب
كل الناس بتسال اسئلة من اللي ملهاش اجابة دي
هو اكيد زي ما حضرتك قلت
هيه السقعة السبب
يو ار ابسلوتلي رايت
اما بئا بالنسبة للرغي واللك
امال هما عملوا المدونات ليه
عشان لما احب ارغي ارغي
ثانكس فور يور وورد
Anonymous...
اولا : جزاكم الله خيرا
ثانيا : هو اختي بالفعل صديقة انترنتية لصاحبة المدونة
وبالفعل يوجد نقاط مشتركة معاها
ولعل دي ميزة مجتمع المدونين اننا نلاقي حاجات مشتركة كتير ما بيننا مهما اختلفت افكارنا واراءنا
A D H ...
ربنا يكرمك
يارب متكونش المرة الاخيرة
Anonymous ...
جميل ان نحلم ...علي امل ان نحقق الحلم يوما
لا ان نحلم كي نعيش عالم الاحلام فقط
خارج محيط الدوامة قد يكون اعصار وايضا قد يكون الشاطئ لكن وجود الدوامة يمنع رؤيته
فقط قاوم الدوامة وقرر الخروج منها ربما بعدها تكون النجاة
يوما ما وعندما تصبح الظروف مواتية ستقابل الناس الصح في الوقت والمكان الصح...حتما سيحدث
يامورمور ياحريييف
لا جامد
بس اقول ايه
تربيتي ... صدق قول الشاعر اللي خلف مامتش
(:
من غير ضررررررررررب
كلمات جميلة وأحساس رائع
ربنا يوفقك كمان وكمان فى التعبير الصادق والأسلوب الرائع
ومتحرمناش من الكلمات الجميله ده
جميلة اوي اوي اوي
تسلم ايدك
عبرتى عن كتير من اللى جوايا انا كمان
بالنسبة للنقطة الأخيرة:
ما دمتى تبحثين فحتما ستجدي الإجابة إن شاء الله فلا تملى البحث
تحياتي
شخابيط جميلة كلنا شعرنا ومازلنا نشعر بها
كلماتك جميلة ماشاء الله
ذوقق رائع
ويارب يزيدك كمان وكمان
الدكتورة مروة .... إحساس متميز وعالي ..... تحياتي ...
بجد كلمات جميله اوى و بجد انا حساها اوى
ميرسى عليها اوى
كلام رقيق جدا جدا وعجبني قوي
مش عارف أقول أيه؟؟ أنت عبقرية..لما قريت تعليقك على مدونتى تصورت أنه تعليق من أنسان عادى بيقرا شعر زار مدونتى بالصدفة..لكنى أتفاجأت بموهبة أكبر منى بمراحل
أنا أتفق مع عصفور المدينة بأن العناوين وحدها أبداع
ومع المواطن مطحون أن الشتا والمطر سبب من ضمن أسباب القصيدة
لكن قبل ده وده فيه أنت
برافو
عادى جدااااا
ده مود النكد الطبيعى والمنطقى والبديهى لحديثى التخرج
المرحلة اللى بعدها مرحلة التتنيح
المرحلة اللى بعدها التعود
اللى بعدهم على طووول هى مواجهة الحياة ببلطجة
ودى اللى اختك ماشية فيها حاليا
لما تخلص وادخل فى اللى بعدها هبقى اقولك عليها
سلام يا قمرى
تحياتى
شيماء بشرى
جزاكم الله خيرا
أثرت في هذه الكلمات وخاصة
رفاق أخذتهم دروب الحياة بعيدا عني
اظن بأنهم من حياتي...قد زالوا
لكني حين اذكرهم
فيدق قلبي شوقا اليهم
أدرك عندها انهم في حياتي...لا زالوا
لهم أقول
أشتاق اليكم وأفتقدكم كثيرا
جاءت على الجرح
وجدى ينفطر على "وجدى "
الشيخ وجدى غنيم تعرض لأزمة فى البحرين .. أكيد عارفينها .. عاوزكم تنورونى وتقروا تفاصيل شوية فى مدونتى ورقة وقلم
http://waraqawaqalam.blogspot.com/
سوسكــا...
مرثي يا صمصم يا جاااااامد
تربيتك
!!!!!!
احم احم
لالالاابدا
مش هاضرب هنا
هاضرب في البيت
ابن اسكندرية ...
ربنا يكرمك يافندم
جزاكم الله خيرا علي التشجيع ده كله
الحلم العربي ...
شكرا اوي اوي اوي
احاول الا امل البحث
لكني اخاف فقط الا اجد الاجابة بعد طول البحث وكثرة انتظار الاجابات
تائهة فى أرض الأحلام...
ربما لاني حين كتبتها كنت اشعر بها جدااا
سعيدة باول مرور لكي علي المدونة واتمني تكراره
ــــــــــــــ
عبدالرحمن ياسين ...
جزاكم الله خيرا علي كلماتك ودعاءك
اللهم امين
هيثم أبوخليل ...
استاذنا الكبير
اسعدني جدا تعليق حضرتك
ربنا يكرمك يافندم
من بعض ما عندكم
ـــــــــــــ
Anonymous ...
ربنا يكرمك يا قمر
انتي اللي جميلة
الحمقاء المضلله innominate x ...
شكرا علي التعليق الرقيق ده
سعيدة باول زيارة ليكي عالمدونة واتمني لو تتكرر مرات ومرات
محمد عبد القوى ...
احم
شكرا يافندم عالمجاملة دي
جزاكم الله خيرا
شقاوة شعب ...
طب كويس يا شيخة انك طمنتيني انه مود طبيعي ومنطقي وبديهي كمان
كده اتطمنت علي نفساونيتي
احمدك يارب ...كنت مفكراني حالتي حرجة وميئوس منها
بس ده معناه انه لسه في مراحل جاية انقح
لالالالالا مش هاستحمل كده شوفيلي حل
:)
كوماندوز البنا ...
جزانا واياكم يافندم
جمعك الله برفاقك علي خير دائما
ياسر أبوالعلا ...
وكذلك قلوبنا جميعا تنفطر عليه
ربنا يفك كربه وييسرله اموره ويثبته في محنته
جاري متابعه المدونة
أنا إتفصلت م الجامعة يا جدعاااااااااااااااااااااااان
الحقووووووووووووووووووووووووني
ألم يحن الوقت لذلك
..
تعرفي ان العناوين والصور ابلغ من اى كلام
وده ميمنعش برده ان كلماتك جميلة جدا
تحياتى
اختي الجميلة مروة
تعجز حروفي وكلماتي عن التعبير عن ما شعرت به عند قراءة هذه الكليمات البسيطة في ظاهرها والعظيمة في معناها
كل اللي اقدر اقوله اني كل يوم باكتشف فيك حاجات جديدة
وهبقى اقولك بقى تعليقي لما اشوفك
الى ان نلتقي لاتنسينا من دعائك
lov u 4 allah
shosho
:أستاذة مروة
لو مايضيقش حضرتك أنا نزلت لينك مدونتك على مدونتى
وشكراً
تعليقا علي :اليهم اتحدث
اختي الحبيبة مروة برجاء فتح الايميل لتقراي رداتفصيليا يهمك مني :انا د.هبه عبد السلام) امتياز طب بشري )
بعد القراءة قلت كلمة القرضاوى
إن بين أوساط أخولتنا قدرات فائقة فأطلقوا لهن العنان
دي اول مرة ادخل المدونه بتاعتك لاقيتها على ولاد البلد
بس بجد ما شاء الله عليكي
قدرة عجيبه على التعبير ولمس حته من خفية من القلب
زي ما بيقولوا كده لعبت على اوتار القلب
متهيألي تأثير اسكندرية فعلا هو اللي بيعمل كده
وواضح برده انك متنوعه النشاطات
بدليل انك صيدلانيه وبتشتغلي في الملتيمديا
يعني ما شاء الله full options
ربنا يخليلنا اسكندرية
كلام مش عارف أجاوب عليه
بس ليكى عندى رسالة
فى واحدة مدونة نفسها تتعرف عليكى
ممكن تقرى كلامها عندى قبل ما تزورى مدونتها
ده الرابط والاسم
بنت خيخة وأى كلام
http://www.blogger.com/profile/06899518701103684095
ياسر مدني ...دينامو الإخوان ...
مبروووووووووووووووووووك يا ياسر
ايوة كده ارفع راس العيلة
other_things ...
لا ليس بعد
شاب مصري مفروس...
ربنا يكرمك يافندم
واضح ان العناوين والصور في التدوينة دي ليها شعبية جامدة
:)
:)
:)
Anonymous...
وصل التعليق اللي كان تعليق بحق وحقيق
ربنا يكرمك يا شوشو
ومتقلقيش مش بانساكي
محمد عبد القوى...
شئ يشرفني يافندم
جزاكم الله خيرا
Anonymous...
د/ هبة عبد السلام
جزاكي الله خيرا علي تعليقك الجميل
بجد كنت محتاجة اقرا كلام زي ده
ربنا يباركلك يارب ويستعملك لخدمة دينه
انا ضفت ميلك واتمني لو يكون في تواصل بيننا
مش هنسى...
اول مرة اقرا المقولة دي
عجبتني اوي
:):):):)
هابقي ارفعها شعار بعد كده
وابعتها برقيات لكل الجهات والهيئات والمؤسسات
alexandrany ...
كل ده في موضوعي
ربنا يكرمك يافندم والله
هو بس حكاية الملتي ميديا دي هواية لسه
او نقدر نسميها حلم لسه نونو مكتملش
وفعلا زي ما حضرتك قلت هو تاثير اسكندرية الفظييييع
وبأمن علي دعاء حضرتك من قلبي
ربنا يخليلنا اسكندرية……امييييييييييين
عمر محمود...
جزاكم الله خيرا يافندم علي تعليقكم
ووصلت الرسالة وان شاء الله اتعرف علي صاحبة المدونة ويكون فيه تواصل
Post a Comment