Sunday, March 15, 2009

قصاصات




قصاصات



- (ببساطة كده حد ينوي الصيام ..وياكل فواتح شهية عالسحور)
تقولها لنا وهي تشرح لنا كيف يكون الابتعاد عن دائرة الحرام بتجنب المثيرات والمكروهات

- - ورد في الحديث القدسي عن رب العزة قوله: "الشاب المؤمن بقدري، الراضي بكتابي، القانع برزقي، التارك لشهوته من أجلي، هو عندي كبعض ملائكتي"

- تذكر لنا حديث النبي صلى الله عليه وسلم: «مثل الذي يعلم الناس الخير وينسى نفسه مثل الفتيلة تضيء للناس وتحرق نفسها»
تضيف لنا وهي تشرح الحديث
افتكروا دايما ..متقوليش لنفسك انك هتكوني شمعة تحترق عشان تضئ للاخرين لانها في نفس الوقت تحرق نفسها
لكن كوني كالشمس تضئ للاخرين وهيه مضيئة بذاتها

- يقول تعالى‏:‏ ‏( ‏اتامرون الناس بالبر وتنسون انفسكم‏ )‏
وحين فسرها ابن القيم قال ( والله ما عاب عليهم الامر ولكنه عاب عليهم ان نسوا انفسهم)


- ( بس خللي بالكم .... ممكن بعد ما تبعدي تحاولي ترجعي تاني وتحاولي وتحاولي ...بس متعرفيش ...وساعتها تعرفي انه دي مش شطارة من الشيطان .. ولكن الحافظ اعرض)
استوقفها لاسالها عن الكلمة الاخيرة
تجاوبني بالمقولة كلها لابن القيم – رحمه الله: "تالله ما عدا عليك العدو إلا بعد أن تولى عنك الولي، فلا تظن أن الشيطان غلب، ولكن الحافظ أعرض
وتفسرها قائلة ان الله اعرض عنك لانك اعرضت عنه
ثم تعيد تحذيرها
خللي بالكم انكم توصلوا للمرحلة دي

- (إن الله يقبل نصف الجهد في سبيله، لكنه لا يقبل نصف النية.) محمد الغزالي

- قالت لي : تعرفي انتي عاملة زي ايه ...زي قطع بازل متبعترين ..وانتي بتجمعي الصور بداتي تجمعي الاركان وكل ركن كونلك شكل معين بس ما زلتي مش عارفة ترتبي كله علي بعضه عشان تلاقي الصورة كاملة وواضحة
...ما لا تعرفه اني احاول ليل نهار تكوين الصورة لكني اجد بعضا من اجزاء البازل ما زال مفقودا

عن عبد الله بن عمرو بن العاص رضي الله عنهما عن رسول الله صلى الله عليه وسلم أنه قال: "هل تدرون أول من يدخل الجنة من خلق الله عز وجل؟ قالوا: الله ورسوله أعلم، قال: الفقراء المهاجرون الذين تُسد بهم الثغور، وتتقى بهم المكاره، ويموت أحدهم وحاجته في صدره لا يستطيع لها قضاء، فيقول الله عز وجل لمن يشاء من ملائكته: ائتوهم فحيوهم؛ فتقول الملائكة : ربنا نحن سكان سمائك وخيرتك من خلقك، أفتأمرنا أن نأتي هؤلاء فنسلم عليهم؟ قال: إنهم كانوا عبادًا يعبدونني، ولا يشركون بي شيئًا، وتسد بهم الثغور، وتتقى بهم المكاره، ويموت أحدهم وحاجته في صدره، لا يستطيع لها قضاء، قال: فتأتيهم الملائكة عند ذلك، فيدخلون عليهم من كل باب (سلامُ عليكم بما صبرتم فنعم عقبى الدار )(الرعد:24).

كادت تسقط هي وطفلتها التي علي كتفها حين تحرك السائق بهم قبل ان تكمل ركوب العربةاهتزت قلوبنا ونحن نري جسدها يتارجح للحظة تكاد ان تسقط ثم تستعيد توازنها وتدخل العربة
سالتها عن احساسها في تلك اللحظة وما توارد الي ذهنها حين كادت ان تسقط فقالت
( اتفزعت للحظة وبعدها افتكرت اني قلت الاذكار الصبح ومنها دعاء دفع المصيبة ..وانا كنت بادعي الدعاء وانا موقنة ولقيت قلبي اطمن في لحظة وراح الفزع.. وبعدها بثواني لقيتني جوا العربية وكأن حد زقني معرفش ازي
)
0
قال تعالى :(أليس الله بكاف عبده).

- قال : ميزتك انك بتعرفي توجدي لنفسك نقطة ضوء وسط الضلمة مهما كانت الضلمة شديدة
لكنها قالت : اكتر عيب فيكي انك متفائلة زيادة عن اللزوم لغاية ما تقابلك صدمة الواقع
وحتي الان لازلت لا اعرف
أهي ميزة ام عيـــب

علي ابن ابي طالب يقول(انا رجل أحيا بالأمل فان تحقق فبفضل الله.وان لم يتحقق فقد عشت به زمن )

عبارة أرددها لنفسي كثيرا هذه الايام في محاولة جاهدة لتذكير نفسي بألا أفقد تفائلي مهما حدث


- (علي الذين يجيدون الهرولة في هذه الحياة أن يبطئوا قليلا لعل بعض الاشياء الجميلة تستطيع اللحاق بهم)
كتاب ادارة الذات لدكتور أكرم رضا

46 comments:

Anonymous said...

موضوع جميل اوى اوى بجد
وبجد و الله مش مجمله انا بستنى مواضيعك بفارغ الصبر و الله وبفرح اوى لما بلاقى موضوع جديد
(علي الذين يجيدون الهرولة في هذه الحياة أن يبطئوا قليلا لعل بعض الاشياء الجميلة تستطيع اللحاق بهم)
الجمله دى عجبتنى اوى

Anonymous said...

السلام عليكم
اولا: الحمد لله الموضوعات رجعت تانى بعد جدب
الموضوع رائع وجميل وانا واحد من الناس بجد كنت محتاج لموضوع زى ده فعلا
احنا فعلا

الجزء التانى من الموضوع جميل
الأمل... الى كتير فقدناه مع مرور الوقت والتجارب وخصوصا التجارب الفاشله منها

الواحد لازم يراجع نفسه فى موضوع الامل
ظنى ان العلاقه بالله ليها أثر فى شعور الأمل الى محتاجيين نعيد صياغته مره اخرى
بطريقه احسن علاقتك بالله... حتى يبعث فيك الامل من جديد... حتى تعبده بروح نشيطه

جزاكم الله خير

نادر الخطاب

مشروع انسان said...

كنت لسه بتكلم من بوستين فاتوا كده عن مدونين بينتشروا وبيتوغلوا
وممكن يكونوا اقل شانا وقدرة من مدونين تانين

بس التانين
كما ذكرت ممكن معندهمش فن او مهارة
انهم مع رقيهم التدوينى انهم ينتشروا او يتوغلوا او يوصلوا للى جواهم لاكبر قدر ممكن

بس حالة حضرتك غير
:)
قد تكون انشغالات او ما الى ذلك

ولكن بجد يبقى ان الوحد بيحتاج دايما فى وسط المدونات الكتيرة اوى دى
يلاقى حاجة كده مش عارف اوصفها
بس مختلفة تماما عن الموجود

اكرمك الله

ومش عارف اعلق على ايه ولا على ايه
هو جميل ان الواحد يبقى عارف نفسه وايه اللى ناقصها وكانت جميلة اوى البداية عن الشباب وحالهم مع الله

يعنى تركيبة رائعة
جزيتى خيرا

الزهراء said...

قصاصات رااااااااائعة يامورا...
جزاك الله عنا كل خير مش عارفة اختار ايه ولا ايه ..لكن كنت بحاجة لهذه المقولة جدا:
انا رجل أحيا بالأمل فان تحقق فبفضل الله.وان لم يتحقق فقد عشت به زمن
...
ربنا يبارك فيكى ياحبيبتى وينفع بك

Anonymous said...

رائع يا مروة بجد

كلام كده عامل زى سحابة صافية ونسمة هوا

تسلم ايديكى وربنا يفيد بك دايما وحافظى على كل الحاجات الحلوة اللى جواكى دى

وانا اول مرة اقرا كلمة سيدنا على عن الامل بس اتعلقت بها اوى ومن خلالها فهمتك اكتر

خلى بالك من نفسك

هوندا said...

جزاكى الله كل خير عجبتنى جدا جدا
وكنت محتاجة اسمع كلام كتير منه

أميرة محمد محمد محمد said...

جميل يا مرمر كالعاده ارجوكي عبريني واتصلي الصيدليه مشغول والبيت مشغول والموبايل كاره نفسه ومش بيرد ارحمييييييييييييييييني
هشوفك يوم الجمعه في لقاء المدونين ولا ايه النظام

tamooh said...

كالعادة ..
دخلتى جوة

جوة اوى

وخرجتى .. بس سيبتى حاجات جميلة

ربنا يحفظك ويكرمك

Anonymous said...

كلاكيت تاني مرة
يا مدرسة الاحساس...يا مروة...معرفش قريتي تعليقي علي البوست اللي فات
ولالا
فعلا الامل هو اللي بيخلينا عايشين
عجبتني قوي مقولة الامام علي وفعلا كنت محتاجة اقرا حاجة متفائلة النهاردة بالذات لان كان في محبطات جامدة في شغلي

وهاقولهالك مرة تانية يا مروة انتي اللي بايديك ترجعي وانت اللي هتلاقي قطع البازل المفقودة
انتي الوحيدة اللي تعرفي بداية الطريقالي هيوصللك في الاخر لمروة اللي تايهة منك
مفيش حد تاني يملك خريطة الطريق غيرك
ابذلي مجهود اكبر واعقدي معاهدة سلام مع نفسك بشروط عادلة
وانا واثقة انها ستعود في يوم من الايام
د\هبه عبد السلام
صاحبة ايميل حل الشعور بالوحدة بعد فراق الصحبة الصالحة بعد التخرج

Anonymous said...

انا قريت ردك علي البوست اللي فات بعد ما كتبت التعليق السابق
انا طبعا طبعا ...طبعا تاني
يسعدني اني اتعرف عليكي باقولك يا نفسا قلما يجود بها الزمان
ده انتي واللي زيك
بقيتوا اندر من رغيف العيش
شوفتي انت نادرة ازاي؟؟؟؟؟؟؟؟!!!!!!!!!!!
انا بس مش هينفع اكتب ايميلاتي علي الملا كده ابعتلي دعوة علشان احطك انا كمان
as a contact
معلش يا اختي عشان صاحبتك ضعيفة في الكمبيوتر
انا هستناك
ويا ريت تبعتلي ايميل علي ايميلي يعرفني بس ان انت مروة بتاعت حلم الحرية
وجزاكم الله خيرا
يا....مدرسة الاحساس
اختك
د.
هبه عبد السلام

ابوزياد الفاتح said...

السلام عليكم
حمدلله على السلامه

وقصاصاتك حلوه
ومنتظرين عودة المواضيع المثيره
والساخنه
وتحياتى

Anonymous said...

بصى هى دى اول زيارة بس ان شاء الله اكيد مش الاخيرة المدونة جميلة والموضوع تحفة حاجات فعلا احنا مفتقدنيها وباسلوب سلس اكتر من رائع تقبلى تحياتى

Anonymous said...

موضوع جميل .. قرأته اكثر من مره

آيــة said...

مروة ...
عارفة اني بقالي كام يوم ..
بدخل اقرأ البوست ده و بخرج ..
و اني في كل مرة بيسيب جوايا معاني حلوة اوي ..
فارق معايا جدا و جاي في وقته اوي ..

جزاك الله عني خيرا ...:)

د/ شيماء said...

السلام عليكم ورحمة الله وبركاته

مقالة رائعة ومؤثرة جداااا

جزاكِ الله كل خير

تقبلي تحياتي وزيارتي الأولى

في حفظ الله

أمين المكتبة said...

بوست لا يقرأ لمره واحده .. لا اطلاقا ..
يقرأ اكثر من مره .. ثم يحفظ .. ربما لأن ملكة الحفظ عندي قوية فقد حفظته .. قصاصات اكثر من رائعه ..

ولــــــــــو said...

بصراحة كده البوست ده انا قريته اكتر من خمس مرات وكل مرة افاجأ بحاجة مش اخدت بالي منها المرة اللي قبلها
من التدوينات القليله اللي فعلا فرحان انها مطولة شوية

متشكر على كلماتك الرائعه

eman alaa eldin said...

يااااااااااااه ..تصدقى يا مورا انى دلوقتى بتمنى لو كنت قريت الموضوع دة من اول ما نزل
بس يلا الحمد لله على كل حال
الموضوع رائع زيك بالظبط كدة
واسمحيلى اقتبس منه بعض الجمل واجعلها شعار لى
انا رجل أحيا بالأمل فان تحقق فبفضل الله.وان لم يتحقق فقد عشت به زمن

وهعملها فى تصميم باذن الله

بس ممكن كلمة على جمب كدة
وايه الفايدة؟؟؟(وش بيضحك ومطلع لسانه ) هههههههه
ربنا يخليكى لينا وللتدوين كله

حزيــــــــــــــــــن said...

قد يبدو غير مترابط لكنه فى الواقع تأصيل معنوى لأشياء كثيرة
لا احب المدح والمجامله فقد نهينا عنه ولكن اخترقنى البوست وبقوة
ربما اننى فى حالة تدفعنى الى ذلك ربما لا
لكنه اخترقنى
جزيت خيرا اخيه
كل عام وحضرتك بخير

احمد مهنى

كلبوزة لكن سمباتيك said...

اللهم انفعنا بما علمتنا و زدنا علما
جزاكي الله خيرا

تحياتي

semsem111 said...

جزاك اله كل خير
ما كان احوجنى الى قصاصتك الطيبة
نعم
من الان ساترك الهرولة حينا حتى تلحق بى الاشياء الجميلة

لكن معلش يااختى عندى استفسارين
يعنى ايه اشياء جميلة
حضرتك تقصدى الاشياء اللى هى بتاعة الاخت جميلة
ولا حضرتك مش من هنا
اصل محسوبك ليه ييجي قرن من الزمان بادور على اى حاجة جميلة الحق انا بها

حلم said...

كلمات اقل ما يقال عليها انها جاءت على الوتر الحساس

فالفرد قد يحيد عن الطريق ولكن لابد له من مرشد يهديه الطريق
جزيتى عنا خيرا و وفقك الله لما يحب ويرضى

ويا ريت تزورينى قريب

حلم الحرية said...

Anonymous ...

ندي
ربنا يخليكي يا قمر
ولو الجملة عجبتك بجد ياريت تعملي باللي فيها

حلم الحرية said...

نادر الخطاب...

احسن علاقتك بالله... حتى يبعث فيك الامل من جديد... حتى تعبده بروح نشيطه
ــــــــــــ
اعجبتني كثيرا تلك الجملة
جزاكم الله خيرا

حلم الحرية said...

امام الجيل ...

جزاكم الله خيرا كثيرا

دعواتكم بان يرزقنا الله بركة الوقت

حلم الحرية said...

الزهراء ...
اللهم امييين
سعيدة اوي بتعليقك يا قمر
متقطعيش الجوابات بئا

حلم الحرية said...

منى سليم ...

مني سليم عندنا ...يا مرحبا يا مرحبا
وانا اقول المدونة نورت كده ليه

بجد لما باشوف اسمك في التعليقات بافرح اوي
تعليقاتك عندي ليها طعم تاني

ابقي طمنيني عليكي ومتختفيش كتير

حلم الحرية said...

هوندا ...

جزانا واياكم
سعداءاننا سمعناكي الكلام ده
زورينا علطول وانتي تلاقي من ده كتير...بس انتي زورينا

حلم الحرية said...

أميرة محمد محمد محمد ...

طيب طيب متزقش
من غير زعيييق يا بنتي
مش ادام الناس كده

حلم الحرية said...

tamooh ....

اهم حاجة اني اكون بجد سبت حاجات حلوة
:)

حلم الحرية said...

هبه عبد السلام...
بعد الكلام الجامد اللي قلتيه ده مش هاعرف ارد هنا

خليني عالخاص احسن

مستنية اكلمك

حلم الحرية said...

ابوزياد الفاتح ...
ربنا يكرمك يافندم
وان شاءالله مواضيعنا الجاية تكون مثيرة وسخنة

حلم الحرية said...

المصرى الجديد ...

يارب تتكرر الزيارة كتير و متكونش الاخيرة
بانتظار زيارة حضرتك وتعليقات

حلم الحرية said...

حامد...

شكرا
اكتر من مرة

حلم الحرية said...

آية مش هنا ..
آية ياللي هنا
اتمني ان بجد يكون البوست ساب معني حلو جواكي
والحمد لله انه جه في وقته

حلم الحرية said...

د/ شيماء ...
اسعدتني زيارتك وتحياتك ...وتعليقك ايضا
يارب تتكر الزيارة والتحية والتعليق دائما

حلم الحرية said...

أمين المكتبة ...
:)
ويحفظ كمااااان
حتة واحدة
ربنا يكرمك يا باشمهندس
يكفينا فقط ان يقرأه الاخرون ...ويتاثروا به... في هذا الكفاية ...وزيادة

حلم الحرية said...

ولــــــــــو ...


طب الحمد لله
يعني التطويل جه بفايدة
:)

حلم الحرية said...

ايمان @@ بنت الحرية ...
مين مورا دي يا بنتي
طب اللي ميعرفونيش يتخدموا اسم الايميل في النداء لكن بنت خالتي كمااااااان
حرام عليكم قربت انسي اسمي

حلم الحرية said...

حزيــــــــــــــــــن ...

هوه غير مترابط في ظاهره ...مترابط جداا في باطنه ...فقط لمن لا يقرا بعينه فقط
جزاكم الله خيرا علي التعليق

حلم الحرية said...

كلبوزة لكن سمباتيك ...

اللهم اميييييييين
واياكم

حلم الحرية said...

semsem111 ...

:)
فقط لا تيأس من البحث وستلحق بكم حتما تلك الاشياء الجميلة يوما ما...او ستلحق انت بها

حلم الحرية said...

حلم ...

في وجود المرشد ايضا قد نحيد ...نحتاج لمرشد داخلي - بداخلنا - قبل ان يكون خارجي

Anonymous said...

بسم الله والحمد لله والصلاة والسلام على رسول الله اما بعد :
جزى الله خيرا كاتب هذه السطور
واشعر حقيقة عندما اقراها بان شعورا طيبا ينتابني مما فيها من روعة التعبير والاقتباس
على كل حال عندما قراتها تاثرت كثيرا في موقفين
الاول حينما امر الله الملائكة بمصافحة الفقراء الذين هم اول الخلق دخولا الى الجنة فعندما قرات الاية
(والملائكة يدخلون عليهم من كل باب ....) وجدتني اصرخ لا اراديا اللــــــــــه
وقد استشعرت الموقف حين تصافحني الملائكة وتقول( سلام عليكم بما صبرتم فنعم عقبى الدار)
والثاني: حينما هي صعدت الى العربة ومالت وكادت ان تسقط لولا رحمة الله بها وبوليدها
حينها شعرت وكانني انا الذي سوف اسقط من السيارة لولا ان انجدني الله برحمته بفضل اذكار الصباح
وهنا تبدو روعة التعبير
فجزاكم الله خيرا

Entrümpelung wien said...

شكرا على الموضوع ..))

Wohnungsräumung wien said...
This comment has been removed by a blog administrator.