Thursday, November 13, 2008

نــــــــــــاقص حته



نــــــــــــاقص حته


....كل ما أوزن
......ألاقي لسه
ناقص لي حته
أحط حته
تقل حته
وأجيب قميص
تضيع چاكته
وأعيش لي ساعة
يفوتني سته
وكل ما أوزن
ألاقي ناقص
أقول بناقص
لو هي حته
أتاري لسه
ولسه تاخد
سنين وحته
وحاجات تسيبني
وحاجات تاخدني
لحاجات تخبط
في كل حته
....وأقول ها نفرح
..فيوم
..ها نفرح
ويوم مانفرح
علي الله
...يفضل في القلب حته
ـــــــــــــــ


الكلمات للشاعر علي سلامة


12 comments:

AbdElRaHmaN Ayyash said...

جميلة فعلا
:) جدا جدا يعني

Anonymous said...

حلوه اوى الاغنيه دى
شكراعليها اوى
بس ايه النشاط ده ماشاءالله موضوعين مره وحده فى اسبوع ماشاء الله

Anonymous said...

السلام عليكم
اولا: انا مبسوطة جدا انك بتكتبي بمعدل عالي كده ...ده لوحده مؤ شر ممتاز...ويا ريت تستمري عليه
ثانيا:ايوه كده خليكي علي الاحساس العالي ده .."نفسي اعرف بتجيبي الأغاني دي منين"
ثالثا:
عشان بتوحشيني قوي.....متقطعيش الجوابات والرنات
امضاء:احنا بتوع الاطفال
.

شوكت said...

جميلة قوي

بس ليه الراجل ده

الدنيا متلغبطة معاه كده

محمد عبد القوى said...

بصراحة الالبوم كله تحفة
وغن كان بيعجبنى قوي اغنية قول معايا واغنية ادن ياديك

حلم الحرية said...

AbdElRaHmaN Ayyash ...

شكرا فعلا
جدا جدا يعني

حلم الحرية said...

Anonymous said...
شفتي بئا اتنين مرة واحدة
عشان متقولوش اني حارماكم من حاجة

حلم الحرية said...

بتوع الاطفال.....

اولا :معتقدش اني هاعرف استمر بالعمدل ده
ثانيا :باجيبها من النت والله مش من حتة تانية
ثالثا : وانا اقدر يا قمر اقطع حاجة
ربنا يخليكي ليا يارب

حلم الحرية said...

شوكت ...

ظروف حياته كده

حلم الحرية said...

محمد عبد القوى ...

فعلا الالبوم كله حلو
عجبتني اوي اغنية قول معايا فعلا عالية اوي

entrümpelung wien said...

شكرا على الموضوع
entrümpelung
entrümpelung
entrümpelung wien

Wohnungsräumung wien said...

تسلم ايديك على الموضوع الممتاز
Wohnungsräumung
Wohnungsräumung
Wohnungsräumung wien
Wohnungsräumung wien
Wohnungsräumung wein