Wednesday, February 7, 2007

بتعتبرها ارضك ؟؟



  • بتعتبرها ارضك ؟؟
    خد ورقة وقلم وحاول تكتب اسماء عشر محافظات او مدن من بلدك ...
    بسيطه مش كده..
    طبيعي لانها بلدك.......
    وبما انك كنت طالب متفوق في المدرسة فلما اقول لحضرتك حاول ترسم خريطة بلدك ( مش لازم بدقة) وحدودها وجيرانها هتعرف ترسمها طبعا ......
    برضه طبيعي لانها بلدك وارضك

    لحظة ...
    الكلام لسه منتهاش ....
    في نفس الورقة (انا مش عارفة الورقة هتكفي ايه وللا ايه) حاول تسمع اسماء عشرمدن فلسطينية
    او حاول ترسم خريطة فلسطين وحدودها وجيرانها.......
    صعبة ........!!!
    ليه ؟؟؟؟؟؟؟
    اسال نفسك بصدق هل بتعتبرها ارضك وتاريخك وبلادك ؟؟؟؟؟؟؟؟.لو بتعتبرها كده يبقي كان لازم تكون عارف.....
    ويبقي عليك دور انك تعرف اكتر
    دور علي تاريخها اقراه وافهمه ......تابع الاحداث هناك لحظة بلحظة .......فكر نفسك دايما بيها …ومتنساش تفكر كل اللي حواليك ......
    لاننا لازم مننساش ...
  • لازم امتنا تفضل فاكرة ان دي ارضها .......
  • ولازم اجيالنا الجديده تكون عارفة ...
  • عشان كده برضه لازم تقول الكلام ده لاطفالك وتقولهم مينسوش ان ليهم ارض سليبة اسمها فلسطين
    وعشان نبدا خطوات المعرفه سوا دي
    خـريطــة فلسطيــن مكبرة
    تشمل المناطق المحتلة عام 48


    اضغــط على الصـورة للتكبيـر



3 comments:

Anonymous said...

قد ايه احنا مقصرين فى حق اوطاننا الاسلامية انا بكتب دلوقت والاقصى تدوسة نعال الخنازير ... مصادمات بين الفلسطينين ضد كلاب الاحتلال دفاعا عن الاقصى
فعلا المفروض نعرف عن بلاد المسلمين زى بلدنا فمن لم يهتم بأمر المسلمين فليس منهم ومش هلاقى أفضل ولا اروع من كلمات الامام البنا دى انقلها...

أما وجه الخلاف بيننا وبينهم فهو أننا نعتبر حدود الوطنية بالعقيدة وهم يعتبرونها بالتخوم الأرضية والحدود الجغرافية , فكل بقعة فيها مسلم يقول ( لا إله إلا الله محمد رسول الله ) وطن عندنا له حرمته و قداسته و حبه و الإخلاص له و الجهاد في سبيل خيره , و كل المسلمين في هذه الأقطار الجغرافية أهلنا و إخواننا نهتم لهم و نشعر بشعورهم و نحس بإحساسهم .

جزاك الله كل خير

Anonymous said...

السلام عليكم
ما نواجهه من مشاكل انه بعض الناس تلقى اللوم على اهل فلسطين الحبيبه ويقولوا انهم هم اللى باعوها
علينا ان نقف بجانبهم ونفعل موضوع المقاطعه والتبرع والدعاء يجب ان ننشر القضيه بين الناس ونشتغل بقى معركتنا مع اليهود معركة عقيده قاءمه الى ان يشاء الله والمدونه دى جميله جدا جدا جزاك الله خيرا واعانك اختى الكريمه
السلام عليكم
اخوك فاتح روما ابوزياد

حلم الحرية said...

Anonymous said...
جزاكم الله خيرا علي تذكرتنا بهذه الكلمات
فعلا حدودنا بالعقيدة وبالتالي ارض الاسلام كلها بما فيها وعلي راسها فلسطين هي ارضنا ووطننا ..ولها حق علينا..ولاهلها حق علينا

اللهم اغفر لنا تقصيرنا


aboziad ...
ماباع الفلسطينين ارضهم ..
والدليل شهداءهم ليل نهار ..
تضحياتهم ليل نهار
ثباتهم رغم المحن..
قوتهم في مواجهة الشدائد وما اكثرها
ابعد كل هذا يقولون عنهم باعوا ارضهم

لا نملك لهم الا الدعاءرزقهم الله الصبر والثبات ..ونصرنا ونصرهم علي اعدائنا