هو اتوبيس مزدحم ..تماما كشوارع القاهرة ظهرا
ومنهك في نهاية اليوم... تماما كشوارعها ليلا
يجلس هذا بجانب ذاك
تختفي بيننا الفروق والاتجاهات ويعلو صوت الهدف الواحد الذي اتفقنا عليه...والحلم الذي حملناه سويا في رحلتنا
حلم كسر الحصار عن غزة
رايت في اتوبيسنا صورة مصغرة لمصر ..
خليط متباين من الافكار والاتجاهات والرؤي.. لكنها كانت تحمل هدفا واحد ..وطريقا واحد
جمعنا سمو الهدف ,وصدق الامنية ,وجمال الحلم
حلم الحرية للوطن العربي الاكبر وبخاصة فلسطين.. ومن قبله حلم الحرية لوطننا الاصغر مصر
في بداية الرحلة اشترك الجميع في الغناء
وما بين اغنية الجدع جدع والجبان جبان ... بينا يا جدع نفتح الميدان
الي انشودة فكوا القيود ...ازيلوا السدود ..ازيلوا العوائق حتي الحدود
ثم نغني يا مصر لو صاحية وسامعة اقري الاخبار ..الورد فتح في الجامعة علي ايد ابطال
ثم يسمعنا البعض شعرا لاحمد مطر تليها اشعار احمد فؤاد نجم وامل دنقل ومحمود درويش
نستمع قليلا لصوت عبد الحليم حافظ يغني للوطن
ثم نسمع شريط كاسيت يحمل انشودة نحن الذين بايعوا محمدا ..علي الهدي ..ما بقينا ابدا
خليط رغم اختلافه لكنني لم اشعر للحظة بتنافره
كنت اشعر اننا جميعا رغم اختلافنا متفقون ..والاهم منسجمون
هناك في اتوبيس الوطن كنا ناكل سويا... تشاركنا اكياس السندويتشات واكياس البقسماط والاهم كيس من بلح سيناء والذي مر علي الاتوبيس كله ليكون لكل منا فيه نصيب
تشاركنا زجاجات المياة وروينا عطشنا في الطريق
وكما غنينا واكلنا وشربنا سويا
كذلك تظاهرنا سويا
وعند المنع والحصار منعنا سويا
كلنا وقفنا بالساعات معا في الانتظار امام كل نقطة تفتيش
كلنا وقفنا امام عساكر الامن
وكلنا تلقينا ضرباته
كلنا صرخنا امامه يا حرية فينك فينك... امن الدولة ما بيننا وبينك
وفي النهاية ايضا كلنا منعنا من المرور
وكلنا طالنا بطش النظام المستبد
نعم اختلفنا قليلا في بعض القرارات خاصة في النهاية حين بدا واضحا اننا لن نمر لكننا في النهاية اتفقنا علي الاصلح للمهمة التي اتنيا من اجلها ..وقررنا العودة علي امل تكرار المحاولة
رجعنا ونحن نحمل قرارا جماعيا بأن ما حدث لن يجعلنا نتوقف عن الرسالة والهدف الذي جمعنا ...بل ازددنا عزما واصرارا علي الاستمرار لان ما حدث أوضح لنا انه مازال امامنا طريق طويل لنقطعه نحو الحرية ...وقطعا لن نقطع هذا الطريق فرادي
بل سنقطعه مجتمعين ..كما قطعنا طريق اليوم الي رفح مجتمعين
: خواطر علي هامش اليوم
كانت قافلتنا للدعوة لفك الحصار عن غزة ...لكننا اكتشفنا فيها اننا محاصرون مثلهم بل وربما اكثر منهم -
استاذنا العظيم محمد عبد القدوس لم تتح لي رؤيتك سوي بضع مرات -
لكني مع كل مرة كنت اراك فيها كنت اتعلم منك
لك مني جزيل الشكر
الي رفاق الطريق ...سواءا قافلتنا الصغيرة القادمة من الاسكندرية -
او قافلتنا الكبيرة من جميع الاتجاهات والتيارات التي التقيناها هناك
لكم جميعا
شكرااااااااااا
هل ساصل الي ارض رفح ليكون الفاصل بيني وبين فلسطين بضعة امتار
هل سيكون الفاصل بيني وبين تراب فلسطين ..وعطر فلسطين بضعة خطوات
ربما لم نصل فعلا الي رفح
لكن ظلت هذه الفكرة حاضرة في ذهني وبقوة ونحن في العريش
انني يفصلني عن اغلي ارض بضعة كيلو مترات
يفصلني عن فلسطين الوطن مسافة ساعات قليلة
وعندما نتهي الامر وصدر القرار بالعودة
وجدت نفسي اترك المكان وارحل ...لكني حملت معي من هناك عزما واصرارا شديدا بأنني يوما ما سأعود
حتما سأعود
60 comments:
كنت عرفه انك هتكتبى موضوع عن الرحله دى وبجد كان نفسى ابقى معاكى
و الحمد لله انك رجعتى بالسلامه
و كالعاده مواضيعك كلها حلوه اوى واسلوبك فوق الوصف و الله
هنستناكم
بالتأكيد في يوم ما احنا وانتو سنلتقي
في مكان لا وجود فيها للحدود الفاصلة
او الاسلاك الشائكة
او السياج العازلة
او نقاط التفتيش
تحياتي :)
جميل
تقبل الله منكم
وجعله فى ميزان حسناتكم
وهكذا لا ياتى النصر الا بخطوات
ولا ياتى تحقيق الامال الا بالصبر
اد ايه كلامك كان رائع
ياريت كل المصريين تتوحد اهدافهم
ماشاء الله كلم رائع
فعلا غمرني نفس الإحساس عندما كنت ذهبت في سفرية مع والدي إلى العريش...
والله كان نفس الإحساس
كنت مثلا عاوز أخش ثانية واحدة ةأطلع
ثانية واحدة بس وأطلع
كنت عاوز أقف بس على أرضها ..كفاية
بس وقف المانع أمام وجوهنا...ووقفت الأسلاك الشائعة أمامنا ..
والله أكبر فوق كيدي المعتدي
جزاك الله خيرا على هذه الخواطر الجميلة
وحتما سنعود
تحياتي لكي
ربنا خلقنا طيور من غير ريش
خلقنا بشر من حقه يعيش
من حقه يحلم ويحقق حلمه
رغم العصاية ونقطة التفتيش
ـــــــــــــــــــ
بعت أستئذنك فى البوست اللى فات أنى أضفيك على لينك مدونتك عندى..أنت مرديتش وانا عملت نفسى مخبر غبى وقلت علامة الرضا وأضفتك لو فيه اى مانع ابعتى لى وانا اشيل اللينك
سلام
ملحوظة أخيرة: ياريتنى كنت معاكم
اقسم بالله انا سمعت وقرائت اغلب من كان فى القافله وخواطرهم ومشاعرهم لم انجزب امثلاما انجزبت الى هذا البوست الرائع
التشبيه انه شارع المصرى جميل جاد واكثر من رائع
ان شاء الله القافله القادمه نلتقى داخل القدس المحرر ان شاء الله
احمد الجيزاوى
الله وعدنا بعودة
وعد الله الذين آمنوا منكم وعملوا الصالحات ليستخلفنهم في الأرض كما استخلف الذين من قبلهم وليمكنن لهم دينهم الذي ارتضى لهم وليبدلنهم من بعد خوفهم أمناً يعبدونني لا يشركون بي شيئاً ومن كفر بعد ذلك فأولئك هم الفاسقون _ النور : 55
عندك رسالة مهمة فى البوست اللى فات
يعني هي البداية
وبإذن الله حتوصلوا للهدف
وتسحدوا على تراب فلسطين
بارك الله الجهود
والله وصفك للرحله جميل جدا وواقعى،وحسيت ان حظى حلو انى كنت معاكى وكنت سعيده جدا بصحبتك،
وادعو الله ان يجمعنا سويا فى الجنه
اود ان ابدا تعليقي اولا بهذه الابيات
لومهما صار مابنحيدومابنلين يا فلسطين
جاي نهار بعدالليل,وبعدالويل منتصرين
فداك يهون يا فلسطين كل العمر
ولا تبكي يافلسطين على حالك
حقك ترفعي راسك بأبطالك
يكفيك شرف المحاولة واجر الخطوات وبجد انا بغبطك على الرحلة دي وبالذات لما شفت الصوراللي بعتيهالي..
واشاركك الحلم فمنذ طفولتي وانا احلم باليوم الذي تخطو فيه قدماي على هذه الارض الطاهرة,واتنسم فيه عبير الحرية والنصر,وتقر عيني برؤية مسجدي الاقصى,ويسجد جسدي على ارضه الشريفةيقبلها..
فاللهم اجعلنا سببا في هذا النصر
ur sister:shosho
السلام عليكم
نصر من الله وفتح قريب
انا اعتبر هذه الرحله نصر لنا
وباذن الله الرحله القادمه تكون فتح
فتح للعريش ولرفح وغزه
وفتح عزيز في القدس
بس بجد انا روحت سيناء اكتر من مره
بس المره دي حسيت اني رايح في نهار 1973
رايح احارب اليهود رايح اجيب حقي وانصر اهلي
زعلت لما رجعنا وفرحت اننا طلعنا في جهاد في سبيل الله
انه لجهاد نصر او استشهاد
باذن الله وفد الاسكندريه في القافله القادمه يكون اكبر
تحياتي
كان نفسي أكون معاكم في الرحلة دي
وربنا يفك حصارهم وحصارنا إحنا كمان
حلم الحرية فندم
شكرا فى البدايه على التعليق المنصف على موضوعى دون النظرالى اى كواليس اخرى طبعا حضرتك فهمه
وبالنسبة للموضوع
انا قلت من الأول لديك موهبه فى لم الشارد من الكلمات والأفكار التى تدور فى ذهنك ثم تجميعا فى اسلوب متناسق قمة فى التعبير والتصوير لتخرج الينا فى صورة يتحرك لها القلب وتتأثر بها المشاعر فيكون فى النهايه التأثير المطلوب والغرض الذى نرجوه
الى الأمام وأسأل الله لك التوفيق والثبات على ذلك
على فكره فيه بوست اعتقد هيعجبك يا ريا ريت اسمع تعليقك فيه
ياااااه شعور فوق الوصف .. الحمد لله انك رجعتي بالسلامة .. و ربنا يحقق كل أحلامك .. مواضيعك معبرة أوي و تدخل قلب أي انسان و تزيد من حماسه للحياة و تمسكه بمبادئه و بانتمائه .. استمري و ربنا معاكي
نعم ستعودى
هذا وعد الله لنا
فحتما سنعود
كم تمنيت أن أكون معكم
ربنا يتقبل منكم هذا العمل
ويجعله فى ميزان حسناتكم
(كانت قافلتنا للدعوة لفك الحصار عن غزة ...لكننا اكتشفنا فيها اننا محاصرون مثلهم -)
والله لقد صدقتى فى تلك الجملة
تقبلى تحياتى
أبو حنين السكندرى
جيــــــــل الصحوة
Anonymous ...
وانا كنت عارفة انك هتعلقي علي البوست ده علطول
ده لو انتي اللي في بالي
:D:D
ربنا يخليكي ليا يارب وميحرمنيش منك ابدا ويجمعنا علي خير دايما
عـلا - من غـزة ...
لا تتخيلي كم اسعدني تعليقك
صدقا اسعدني جدااااااا
يكفينا ان نعلم ان هناك وراء تلك الحدود الفاصلة
وعلي الجانب الاخر من الاسلاك الشائكة اخوة لنا ينتظرونا
فنوقن اننا يوما ما سنلتقي معهم ان شاء الله علي ارض فلسطين الحرة
اللهم امين
امام الجيل ...
فعلا.. لايأتي النصر الا بخطوات
قصرت ام طالت.. لكنها خطوات
المهم فعلا ان نسير هذه الخطوات
حزيــــــــــــــــــن ...
باحلم بالحلم ده
ان كل المصريين يتوحدوا علي المشترك بينهم وهيلاقوه فعلا اكتر بكتييييييييييييييير من اللي بيختلفوا فيه ايا كانت تياراتهم او انتماءاتهم
عبدالرحمن ياسين...
فعلا نفس الاحساس
كنت عاوزه اقولهم طب ندخل نبص عليهم من بعيد ونبص علي حدود فلسطين علي الجانب الاخر من بعيد واحنا جوا في اتوبيستنا
نلمح الارض دي من بعيد
نتنفس هواء مختلط بهواءها
ويتناثر في وجوهنا تراب من ترابها قذفته الرياح باتجاهنا
او كما قلت.. فقط لثانية واحدة نعبر اليهم هناك عبر الحدود ثم نعود
لكننا للاسف لم نصل حتي للجانب المصري من تلك الحدود
وظلت كل هذه مجرد خواطر ومشاعر
لم تنفذ هذه المرة لكنها ستظل بداخلي لحين موعد تحقيقها يوما ما ان شاء الله
محمد عبد القوى ...
ربنا خلقنا طيور من غير ريش
خلقنا بشر من حقه يعيش
من حقه يحلم ويحقق حلمه
رغم العصاية ونقطة التفتيش
ـــــــــــــــــــ
كنت ناوية ارد علي تعليق حضرتك
بس بصراحة ملقتش كلمات اعلق بيها علي ابياتك
ابيات رائعة ما شاء الله
اما بخصوص لينك المدونة فده شئ يسعدني اكيد
جزاكم الله خيرا
قبل ما امشي تعليقا علي تعليقك التاني
ربنا يرزقك الاجر علي النية
وان شاء الله تحضر معانا القافلة الجاية
مدونه انا بحبك يا مصر ...
ربنا يكرمك يافندم
وانا فعلا حسيت بالتشبيه ده اثناء الرحلة
جزاك الله عن الجميع خير الجزاء ..حضرتك من الناس اللي فعلا كان ليها دور مميز في اليوم ده
ربنا يتقبل منك
ومنا
ومن الجميع
عمر محمود ...
بسم الله الرحمن الرحيم
(ومن اصدق من الله قيلا)
صدق الله العظيم
وصلت الرسالة يافندم
بهاء ...
هي البداية
ويوما ما ستاتي النهاية
وسنشهد يومها نصر الله هناك ان شاء الله
Anonymous...
مووءة
من احلي الحاجات اللي في الرحلة دي هيه كونك فيها
بجد مش متخيلة من غيرك الرحلة ازاي كان هيبقي ليها طعم
ربنا يجمعنا علي خير دائما وابدا
وعقبال السفرية الجاية
shosho....
لومهما صار مابنحيدومابنلين يا فلسطين
جاي نهار بعدالليل,وبعدالويل منتصرين
ــــــــــــــ
فعلا جاي النهار بعد الليل
ولو النهاردة فشلت المحاولات في ايصالنا ... يبقي بكرة في ذلك النهار القادم ان شاء الله ستنجح كل المحاولات لا في الوصول لرفح فحسب وانما الوصل لقلب لفلسطين
سعيدة اوي بمرورك يا شوشو
وربنا يتقبل منك دعائك
عصفور اسكندرية ( المواطن المطحون ) ...
جميل اننا نكون رايحيين بالروح دي
والاجمل اننا نرجع وجوانا نفس الروح ويمكن اكتر
ان شاء الله القافلة الجاية نكون اكتر بكتيييييييييير
نور الأزهر...
ربنا يرزقك الاجر علي نيتك
وان شاء الله تكوني معانا القافلة الجاية باذن الله
ابن اسكندرية ...
عشان تعرفوا بس اني طيبة ومسيحتش ولا حكيت اي حاجة من الكواليس
........
ربنا يكرمك و يتقبل منا ومنكم ويستعملنا ولا يستبدلنا
.....
جاري متابعة البوست يافندم والتعليق عليه ان شاء الله
Eman Eltaher ...
اللهم امين
وفعلا هو شعور فوق الوصف
احساس تاني خالص يمكن اول مرة نحس بيه كان يومها
منورة البلوج يا ايمان
يارب نشوفك كتير هنا
السكندرى ...
ان شاء الله يتاح لحضرتك المشاركة معانا القافلة الجاية
ربنا يرزقنا جميعا الاجر ويتقبل منا ومن الجميع سواءا نية من لم يذهب او جهد من ذهب
احتاج رأيك فى الرد على اخر بوست وتعليقك عى القصيده البوست قبل الاخير
انا زعلان منكم جااااااااامد
والله معرفش المشوار دا غير دلوقت
كان نفسى ابقى معاكم
ياريت يا جماعة لو فى حاجة زى كدا تبلغونا علطول
انا كان نفسى اروح
وهروح معاكم ان شاء الله المة اللى جاية
تحياتى ليكم
ربنا يتقبل
بس كان عندي شوية ملاحظات
طالما الأتوبيس كان صورة مصغرة من مصر , مين كان السواق ؟
و يا ترى ابنه هو اللي كان بيقطع التذاكر ؟
و بعدين الأتوبيس فيه الاخواني و اليساري و الناصري و حزب الغد و العمل و كفاية و غيرهم , يعني مفيش و لا ( وطني ) واحد , ده اسمه كلام !؟
:)
معلش , فشر البلية ما يضحك
و ربنا يفك حصار الجميع
تحياتي بجد على الأسلوب الجميل
محمد
وكل عام وانتى بخير بمناسبه العيد الاضحى
عفواً
انا مش داخل اعمل إعلان والله
بس الوقت ضيق
فاضل على عرفة يوم
ناويين على إيه
8 ذى الحجة
عملوها الوحوش ياتنى كنت معاهم
دا الواحد كان فى غيبوبة باة
كل ده حصل وانا ومتقندل فى دوامة البحث عن عمل واكمال الدراسة
ياسبحان الله
سلامٌ عليكم
تقبل الله منا ومنكم
ربنا تقبل منا انك انت السميع العليم
كان دعاء الانبياء من قبل
عشت لحظات مقاربة لتلك اللحظات حينما كنا في المعسكرات هناك في العريش ونويبع وشرم الشيخ
تشعري بأكثر من ذلك في قرى دهب فهناك فعلا تشعري بالعزة والكرامة لانك هناك تكوني على ارض نصفها مصري والنصف الاخر فلسطيني
وتقابلي هناك فلسطينيين كثر يذهبون ويعودون
اللهم انصرنا
ولكم منا تحيه
والسلام مسك الختام
شارك فى استفتاء برنامج العاشرة مساءا على قناة دريم
الاستفتاء مكون من 14 سؤال الاهم لينا هو السؤال
اهم قضية راى عام نظرت فى المحاكم فى 2007؟
والاجابه معروفة لينا كلنا
هى محاكمة 40 اصلاحى من الاخوان المسلمين امام المحاكم العسكرية
يلا ياشباب شدوا الهمة وانشروا الموضوع ده مهم جدا لينا
استفتاء العاشرة مساءا
http://www.el3ashera.com/
مدونة فين الوطن
http://fenelwattan.maktoobblog.com/
بردوا من بعيد شئ يفرح
واول الغيث قطره
لكن كالعاده نفسي اشارك...وماعنديش موارد تتيح لي اي معلومات عن الندوات والمؤتمرات والتجمعات
لان بعيد ومن بعيد
بوست رائع
الزهراء... منصورة عمار يادقهلية..طبعا عارفين الباقى (اخوانك احسن تربية)وحبيبتى اللى بتحلم بالحرية برضه كده .
يوم راااااائع حسيته من كلامك اوى كان نفسى اكون معاكم ..بس عموما فلسطين قريبة منى جدا اول مابحب اشوفها بغمض عنيا وابص جوا قلبى
ان بودى ان كون هناك
انتابني شعور متباين
بالفخر ان بلدنا فيها ناس مؤمنين باللي بيعملوه للدرجه دي
وخجل اني مش وصلت حتى لبدايه المرحله اللي تكون نهايتها ما انتم عليه الان
حقيقي عمار يا مصر وان شاء الله ترجعي تاني وان شاء الله يكون الحال غير الحال
خالص تحياتي
اتيت ولم اجد جديد
تقريبا الامتحانات عنكم قربت
ربنا يعينكم ويوفقكم
عايزين الاخوات المسلمات تطلع من الاوائل على الدفعه
وربنا معاك ومع اميره محمد وكل المسلين والمسلمات
الرائعون كالأحجار الكريمه لا نصنعهم ولكن نبحث عنهم لنهنئهم بالعام الجديد ... كل عام وأنتم بخير
عام مضى وعام يأتي ويارب السنه دي تكون أحسن من الي قبليها ونشوف نفسنا و بلادنا أحسن .... بدري بدري كده قبل الزحمه
سنة حلوة يا مسلمين
حزيــــــــــــــــــن ...
تمت الزيارة والتعليق بنجاح
ــــــــــــــ
محمود الدوح...
معلش يافندم
تتعوض المرة الجاية ان شاء الله
ولو في اي حاجة تانية زي كده هنبلغ حضرتك علطول
ربنا يرزقكم الاجر بنيتكم الصادقة ان شاء الله
FadFadA ...
ايه الاسئلة التعجيزية دي
لا يافندم السواق وابنه مشيناهم في الرحلة دي وجبنا سواق تاني تبعنا معندوش ابن
وبعدين احنا قلنا الاتوبيس بيعبر عن مصر
مصر اللي بجد
مصر اللي هيه بتاعتنا احنا الشعب
مش بتاعة اللي سارقينها
ومصر دي اللي باقول عليها انا معرفش فيها حد من (الوطني) يرضي ييجي معانا لان الهدف مش واحد والطريق برضة مينفعش يكون واحد
وان كنت اتمني بجد لو كان في رحلتنا حد من الحزب الوطني
يمكن ساعتها كنت اتطمنت ان فيه حد منهم بيحمل نفس الهدف حتي لو اختلف الطريق
مدونه انا بحبك يا مصر ...
وحضرتك طيب يافندم
عيد سعيد
ـــــــــ
عمر محمود ...
جزاكم الله خيرا عالتذكرة
إخوانى مخربش ...
ربنا يعينكم
وييسرلكم الامر
ويرزقكم اجر زي اللي راحوا بنيتكم
قائد ...
ربنا تقبل منا انك انت السميع العليم ...اللهم اميييييييييييين
كان حلم وتنمينا لو يتحقق ان نقابلهم ونجلس اليهم ونحدثهم
نغبطكم ان حققتوه يوما ما
ربنا يتقبل منا ومنكم
محمد المصري ...
ممممممممممم
طالما مفيش مورد
هنعتبر نفسنا احنا المورد بتاع حضرتك ونتيح اي معلومات عن ندوات او مؤتمرات او تجمعات
من بعيد برضة ...بنقول لحضرتك جزاكم الله خيرا علي التشجيع
Anonymous ...
الزهراء
ياااااااااه
حلوة اوي جملتك دي
فلسطين قريبة منى جدا اول مابحب اشوفها بغمض عنيا وابص جوا قلبى
بجد حلوة اووووووي
ربنا يكرمك يارب يا زهراء
محمد جمال الياسرجى ...
ان شاء الله حضرتك تكون معانا المرة الجاية
سعيدة باول زيارة لحضرتك هنا ويارب متكونش الاخيرة
ـــــــــــ
ولــــــــــو ...
اما انا.. انتباني شعور تالت
انه جميل اوي ان يكون لدي حضرتك رغبة انك تكون كده
حضرتك ابدا بس المرحلة وهتلاقي نفسك سبقتنا
بانتظار زيارتك لينا باستمرار
تحياتي
جندى الدعوة ...
جاري متباعة الاستفتاء يافندم
ــــــــــ
حزيــــــــــــــــــن ...
هو مفيش جديد فعلا بس مش بسبب الامتحانات لاني خلصت دراسة السنة اللي فاتت
لكن مفيش جديد بسبب انشغالات اخري
ربنا يوفق كل اللي بيذاكروا في امتحاناتهم
عبدالرحمن فارس ...
كل عام وانتم الي الله اقرب وعلي طاعته ادوم
شكرا عالتهنئة
ـــــــــ
عمر محمود ...
امين يارب تكون سنة حلوة فعلا علي االجميع
طبعا حاجة فوق الوصف انكم من اسكندرية تروحو العريش للتضامن مع غزة مش مع شرم ودهب و الروس و الطليان
بس الوحش اننا نستخدم كوسيلة دعاية لجهات مختلفة
الوحش ان يخش ارضنا دولارات موزيفة
الوحش ان يتهدد زورنا مهما كانت ديانتهم بمفرقعات
الوحش ان بعد كل ده نتهدد بخطف جنود و عرقلة قوات
احنا الي فينا مكفينا
بس انتم مشاء الله
ميتخفش علي البلد دي طول ما في قلب طيب و عزيمة قوية و اتوبيس يحمل الوطن الي رفح (بس)يكون ليه سواق
أنا أخوك أملك مدونة (الحرية!!!)
أرجو منك زيارتها
http://freedomformuslims.blogspot.com
Post a Comment