Sunday, November 2, 2008

دماغ للبيع




دماغ بحالة جيدة

تم تجربتها مسبقا وثبتت كفاءتها

متعددة الاستخدامات ...في جميع المجالات

متعبة قليلا ...لكنها تعمل كثيرا

لن نختلف علي السعر فنحن لا نشترط اعلي سعر
.
فقط خلصونا منها


حدش يريحني وياخد مني دماغي ويديني بدالها مروحة:((

24 comments:

(صندوق الدنيا) said...

كل واحد تعجبه دماغه
ولن يقبل أن يبيعها
رغم أنها لا تعجبه
ربما لأننا لم نتعرف على دهاليزها ولم نتعلم كيف نستخدمها بالطريقه الصحيحه
ولكن....هل نستطيع أن نغيرها قبل أن نبيعها أو أن نشتريها
هذا هو السؤال

Anonymous said...

بس هكمل




دماغ تانى فوق البيعه

م/ الحسيني لزومي said...

شارك في الحملة الشعبية للقيد بالحداول الانتخابية وادعو غيرك
ضع بنر الحملة علي مدونتك
البنر موجود علي مدونتي

Anonymous said...

طيب الواحد يقول المزايا عشانيلاقي يشتري
مش يقول دماغ تعباني
هو الواحد ناقص وجع دماغ:)

Aml Ghonaim said...

طيب كل واحد وكفاية عليه دماغه !
هياخد دماغ تانية يعمل بيها ايه ؟
وانتي ياقمر هتقعدي من غير دماغ ولا ايه ؟!
حتى لو باتدلتي مع حد ؛ دماغك هتوحشك أوووي ؛ فخليها معاك أحسن ..

Anonymous said...

انتى شكلك نفسك فى مروحه من زمان مره مكان اختك ودلوقتى مكان دماغك انا هريحك وهجبهالك من غير من غير حاجه خلاص
انتى عرفه انتى مشكلتك ايه بجد انك مبتريحيش نفسك ومحمله نفسك فوق طاقتك
خلى بل من نفسك و ابقى طمنينى عليكى

AbdElRaHmaN Ayyash said...

ياريت و الله تلاقي حد يشتري جملة
و انا مستعد ابيع
:D

Anonymous said...

السلام عليكم
انا هاكرر نفس كلام الاخت/الاخ اللي فوقي بتعليق:
انتى شكلك نفسك فى مروحه من زمان مره مكان اختك ودلوقتى مكان دماغك انا هريحك وهجبهالك من غير حاجه خلاص
انتى عرفه انتى مشكلتك ايه بجد انك
مبتريحيش نفسك ومحمله نفسك فوق طاقتك

يا بنتي ..كل واحد مخلوق وهو ميسر لما خلق له ....
يعني مروة اتخلقت بتفكر في اعماق نفسها كتير..وتحلل تصرفاتها و..الاحداث اللي بتحصل لها باحساس اخر(مختلف عن اخرين ممكن لا يلتفتوا للاحاث دي اصلا
وده بيخليها تبدع وهي بتحكي احساسها ده..ولو كنت بتدوري عن حقيقة او معني ولسه مش لاقياه...افتكري سيدنا سلمان الفارسي قعد كام سنة يدور علي الدين الحق..لحد ماوصل للرسول (ص)
متسيبيش الشيطان يدخلك من المدخل ده..وركزي في الخطوات العملية اكتر من الاكتئاب ..وفي جملة بحبها قوي احب اقولهالك في الاخر:(الفاشلون هم أناس لم يعرفوا كم كانوا قريبين من النجاح حين توقفوا!!)
توماس اديسون
امضاء:
احنا بتوع الاطفال
)

Anonymous said...

و هي دماغك دي بقى بالدولار و لا بالعملة المحلي ؟؟؟؟؟؟؟؟؟

just me said...

طيب محدش ياخد دماغى ويجيبلى مكانها ديب فريزر او فريزر من غير ديب
مش هاقعد اعدد فى مزاياها لانه مفيييييش
بس هاقول للى هاياخدها انه هيكسب مرتين
مرة لانه هياخد اجر وثواب انه ساعد مسلم من الصداع والتفكير وانشغال البال والحيرة
ومرة تانية لانه لما هيمسكها فى ايديه هيقوم يبوس دماغة الف مرة
"اللى يشوف بلاوى الناس هتهون عليه بلوته"

محمد عبد القوى said...

سمعت حكمة عجبتنى جدا
ربنا وزع العقول والارزاق
كل واحدة عجبه عقله وماعجبوش رزقه
__________
قرار بيع الدماغ قرار شجاع ..لكن ياريت ماتعمليش زي محمد هنيدى وتبيعى لأي حد

Anonymous said...

كلامك كويس والله بس فقه حاجه صغيره
إنتي نستيها هى ان فين الدماغ اللى فى الزمن ده
مفيش أصلا حد بقى يفكر

حلم الحرية said...

(أم البنين) ...

لنم اقل انها لا تعجبني
قلت
انها تتعبني

حلم الحرية said...

Anonymous ...

دماغ تانى فوق البيعه
ــــــــ

شكلي هافتح محل هنا
كويس اهو الواحد يكسبله مبلغ يجهز بيه نفسه

حلم الحرية said...

م/ الحسيني لزومي ...

جاري متابعة الحملة

حلم الحرية said...

بــــهــاء ...

ما انا قلت المزايا في الاول
وقلت اقول العيب في الاخر من باب الامانة بس مش اكتر :D

حلم الحرية said...

اصرار أمل ...


ياخدها احتياطي يا امل ..استبن يعني

وانا اقعد من غير دماغ هيحصل ايه يعني
ناس كتير عايشة من غير دماغ او عندها دماغ زي عدمها وعايشين

انا بس اللي خايفة منه هوه حكاية ان دماغي توحشني
دي النقطة اللي قالقاني

حلم الحرية said...

Anonymous ...

احم احم
لازم الفضايح دي يعني
مشكلتك يا ندي انك فاهماني
هوه انا نفسي في مروحة ومعييش تمنها
لو هتجيبيهالي ببلاش ممكن اغير رايي ومبعش لا اختي ولا دماغي

انتي اللي ابقي طمنيني عليكي ومتقطعيش الجوابات ومتغيبييش كتير

حلم الحرية said...

AbdElRaHmaN Ayyash ...

مش باقولكم شكلنا هنفتح محل
وشكل البلية هتلعب

فيه ناس كتير اهو عايزة تبيع

حلم الحرية said...

بتوع الاطفال...
بتحرجوني يعني بموضوع المروحة

طب اديني مستنية لما اشوف انتي وللا هيه هتجيبوا حاجة وللا كلام والسلام
هاستني المروحة منك ومنها لما نشوف هتوصل وللا لا
ـــــــــــــــ
(الفاشلون هم أناس لم يعرفوا كم كانوا قريبين من النجاح حين توقفوا!!)
توماس اديسون
ــــ
راااائعة الجملة كعادة الجمل اللي بتستشهدي بيها

تدفعني امور كثيرة للتوقف واتمني بالفعل الا اتوقف
دعواتك

حلم الحرية said...

شوكت...

اي حاجة يافندم وبنقبل شيكات كمان
بس احنا نلاقي حد يشتري

حلم الحرية said...

we are not terrorists...

لا يافندم ده كده طمع

ديب فريزير حتة واحدة
فريزر بس من غير ديب ماشي لكن ديب فريزر كتير

هنضم دماغ حضرتك للمحل بتاعنا اللي هنبيع فيه كل الادمغة المعروضة للبيع
وهنحط جمبها الفقرة الاعلانية الخاصة بحضرتك بتاعة هيكسب مرتين دي واللي انا شايفة انها مقنعة جدااااااااا

يارب بس نلاقي مشترين

حلم الحرية said...

محمد عبد القوى...

انا مقلتش ان دماغي مش عاجباني
انا قلت تاعبااااني
فيه فرق كبير

ولو هابيع بصراحة ساعتها مش هتفرق ابيع لمين

حلم الحرية said...

Anonymous ...

كوووويس
ده معناه اننا فيه امل نلاقي بيعة لدماغنا
طالما الموضوع بئا نادر ومش موجود بكثرة
بيعة لقطة يعني
دورولنا علي مشتري بئا