Wednesday, February 7, 2007

حلم الحرية



بحبها

ونفسي اشوفها اجمل بلاد الدنيا

نفسي اشوفها اعظم بلد في الدنيا

نفسي اشوفها دولة كبيرة اقتصاديا وسياسيا


لكن لما الاقي قيود كتير مكتفاني

قيود من الجهل

قيود من الفساد

قيود من البطالة

قيود من تكميم الافواه

قيود من الظلم

قيود من المحسوبية

قيود من حبس الحريات

قيود من اعتقال الابرياء


لما الاقي اسوار كتييييييييييييييير بتتبني كل لحظة ادام عنينا

علشان نخاف ونبطل نحلم لبلادنا

علشان نخاف نتحرك علشان بلادنا

علشان نخاف نقوم علشان بلادنا


في لحظة بتتحول كل احلامي لبلادي لحلم واحد كبييييييييييير واساسي


عارفينه؟؟


ايوة


حلم الحرية


نفسي يا بلدي اشوفك حرة


ابية


قوية


تعالوا نحلم الحلم ده سوا


حلم الحرية


اكيد الحلم حيتحقق ان شاء الله


بس احنا نحلم


متنسوش

ان مشوار الالف ميل بيبدا بخطوة


وقبل الخطوة


المشوار بيبدا بحلم

5 comments:

Anonymous said...

انا بقى ملقتش احسن من الكلمات دى بحلم لو عاد الاسلام يحكم من تانى ويخلى صحارى الاوطان جنه
بحلم ان العدل يسود بحلم ولو منعوا الاحلام هقول محدش يمنعنى نفسى العزه اللى كنا فيها ترجع تانى فاكرين موقف الخليفه اللى سمع ان احد النساء اختطفت فى بلد بعت لملك البلد دى يقوله من امير المؤمنين الى كلب الروم ان لم ترسل الفتاه سارسل لك جيش اوله عندك واخره عندى
نفسى العزه دى ترجع تانى بحلم بجد ويارب الحلم يتحقق

عمر عاشق القرآن said...

أيها المجهول :

كل هذا لا يتحقق الا بعودة الاسلام

أيتها المعروفة (اللى بتحلم) :

احلمى .. احلمى .. احلمى
فالحلم ليس مستحيلا

بل مستحيل الا يتحقق ..
لا يزال الكثيرين غير قادرين على الحلم

حلم الحرية said...

مجهول
حلمك بنحلمه كلنا
يعودالاسلام..تعودعزة الاسلام ...يعود مجد الاسلام
بنحلم وان شاء الله حلمنا حيتحقق بايدينا ..بس احنا نبذل الجهد في سبيل تحقيقه

omarمشروع بطل
عندك حق...كتيرمش قادرين يحلموا
نفسي الناس كلها تحلم معايانفس الحلم
لو حلمنا الحلم ده اكيد في يوم حنحققه

Anonymous said...

باحلم لو عاد الاسلام يحكم من تانى
ويخلى صحارى الاوطان خضره وامانى
باحلم لو نسمة ايمان هزة اركانى
يجى الفجر ويطوى اليل حسنه الربانى

والحلم اللى القلب ناداه
شعب بيهتف باسم الله
ويخلى امامه وهداه
نهج لقرءانى
ابوزياد الفاتح

بحب الاسلام said...

يا حريه فينك فينك سلومة الاقرع مابينا وبينك