Friday, April 13, 2007

التاج علينا حق

التاااااااج وصل يا جدعااااااااااااان


قبل اي كلام وقبل ما ارد علي التاج وهو تاج بالمناسبة خفيف (اه خفيف عالمعدة وخالي من الكوليسترول )..اصله سؤال واحد وبس وان كان سؤال مهم بالنسبة لكل واحد فينا
اولا باعتذر عن التاخير في الرد
امتحانات ميد ترم بقي والذي منه
مع تحابيش ملهاش علاقة بالدراسة حصلتلي خلت الواحد ملهوش نفس يكتب او ينزل موضوعات عالمدونة
بس الحمد لله نقدر نقول ان الواحد خرج من حالة الاكتئاب اللي كان حيروحلها وفي فترة النقاهة حاليا



قبل ما انسي برضة
نفسي اشكر كووووووووووووول الناس اللي عدت عالبوست اللي فات وسابت دعاء او نصيحة او كلمة حلوة
بجد ليكم كلكم ...جزاكم الله عني خير الجزااااااااء

نيجي للمفيد بقي
التااااااااااااااااج
التاج ده جالي من
ابن اخ


وهو بيقول
تكلم عن هواية لما بتمارسها بتستغرق فيها تماماً وتنفصل عن عالم الواقع لفترة من الوقت أثناء ممارسته


ممممممممممممممممممممم
هواية بامارسها باستغرق فيها وانفصل عن عالم الواقع
هوه انا عموما لما باندمج في حاجة باستغرق فيها اوي لدرجة الانفصال عن عالم الواقع
بس بما انكم كنتوا محددين وقلتوا الهوايات يبقي نتكلم عن الهوايات


اول هواية بانسي معاها الدنيا وبانفصل عن عالم الواقع

هيه الخط العربي والرسم
انا باحب الخط العربي جدا (بيقولوا اني باعرف اكتب بكذا نوع خط عربي ) وباحب الرسم اوي ...ولما اكون باعمل لوحة بانسي نفسي فعلا ..ممكن اي حد يكلمني ما اسمعهوش ومردش عليه بابقي مركزة اوي ومنهمكة اوي لدرجة الانفصال فعلا عن عالم الواقع



الهواية التانية
القراية
مش كل انواع الكتب باحب اقراها طبعا
باحب اقرا في السياسة ..البيت كله عندنا بيحب السياسة ويمكن ده اثر كتير عليا وخلاني احب السياسة
باحب اقرا في الادب الانساني وخصوصا كتابات عبد الوهاب مطاوع
باحب اقرا الكتب الدينية وخاصة الرقائق
باحب اقرا الشعر جدا جدا جداااااااااااااا وخاصة شعر احمد مطر وفاروق جويدة
ومؤخرا باقرا في التنمية البشرية مجال جديد يمكن لكن عاجبني اوي اوي وبيستهويني جدا


مممممممممممممم

سامعاك ياللي بتسال ازاي بتحبي تقري سياسة ومعاها ادب انساني ورقائق وشعر..متركبش!!!
معرفش بقي
انا باحب ده وده
هوه كده
بخلاف السياسة وانها بتخليني اصطدم بالواقع المؤلم..الادب الانساني والشعر والرقائق بحس انهم بياخدوني لعالم تاني ...عالم موازي باستغرق فيه ومش باحس بنفسي


نيجي بقي للهواية التالتة
وهيه الكمبيوتر و النت
دنيا تانية وعالم تاني
مش باحس بنفسي وانا باتجول في العالم الافتراضي
بانسي نفسي واللي حواليا وانا باتنقل بين صفحاته

وكل مرة اقعد عالنت احدد لنفسي عدد ساعات معين وحاجات معينة اعملها عشان الوقت ميسرقنيش ...لكن في كل مرة باستغرق في اللف علي المواقع و بالاقي نفسي ومن غير ما احس الوقت بياخدني


متهيالي كفاية عليكم كده
زمانكم بتقولوا عليا رغاية
كووول دي اجابات سؤال واحد
امال لو كانوا عشرين سؤال



17 comments:

مشروع انسان said...

تشرفنا بمعرفتك حلم الحرية

Aml Ghonaim said...

ياسلاااام يامروة ........
هوايتك فى الخط رااااااااااااائعة ؛ يعنى أنا أحب جداااا الثراء الذى يحفل به الخط العربى ...
وعندى تقريبا نفس العقدة فى النت لم أستطع أبدا الالتزام بالوقت الذى أستطيعه ....
أعجبتنى تركيبتك الراقية .......
دمتى متألقة .....

jihad said...

جميل : )

محمود سعيد said...

الخط ديه جديدة

محدش قالها قبل كده :-)

محمد عـنـانـى said...

انتى بتفكرينى با المثل الى بيقول سبع صناسع وبس
علشان الباقى حرم
هههههههههه
ايه كل الهويات الى مفيده ومش مضيعه للوقت وبتكسبك خبره يوم بعد يوه
اكادميه
و با الاخص احمد مطر
انا مقدرش اتكلم لنى ادامى كتير اوى علشان يدوب اوصل انى ممكن اعلق على مطر بجد هويات مفيده جدا
يارب الناس كلها تبقا هويتها مفيده زيك
تحياتى

Anonymous said...

وانا بقول انا معنديش هوايات خالص ليه اتاريكى مكوشه على كل الهوايات
ماشاء الله ربنا يوفقك يارب وتقدرى تدنك كده على طول بس برضه مش هقوم من النوم ريحى نفسك
ههههههههههه

vetrinary said...

انتى اخترتى تخشى القصيده ف اخر سطر

وانا اخترت تكون القصيده سطر واحد

vetrinary said...

انتى اخوانيه
اكيد عشان ابوكى اخوانى
انا كنت اخوان فى فتره التنقلات الايدلوجييه اللى انا عشتها
وبما انى غيرت الايدلوجيه بتاعتى كذا مرة
انصحك
انك
تعرفى انتى عاوزه ايه الاول
قبل ما تقولى انك اخوان
او سلف

وبعدين

حلم الحرية said...

امام الجيل....
لينا الشرف يافندم

اصرار امل.....
جزاكي الله خيراعالمجاملة بتاعة تركيبتي الراقية
هو انا باعتبرها تركيبة عجيبة بس ماشي كويس انكم شايفنها راقية

حلم الحرية said...

jihad ...
رايكم اسعدنا

محمود سعيد..
طب كويس اننا اضفنا جديد
سعيدة بمرورك

حلم الحرية said...

محمد العنانى ...
ليه بس كده
سبع صنايع مين بس..وهوايات مين اللي مفيدة كلها

ده قر يافندم وللا حاجة
ههههههه

Anonymous...
ما قلنال يا بنتي دوري وانتي حتلاقي هوايتك
بس هيه محتاجة منك شوية بحث

وبعدين احنا اتفقنا نوم لا.. يبقي نوم لا

حلم الحرية said...

vetrinary ...

انتى اخترتى تخشى القصيده ف اخر سطر
وانا اخترت تكون القصيده سطر واحد
ــــــــــــــــــــــــــ
جملتين معبرتين
اينعم مفهمتش علاقتهم بموضوعي بس عجبوني جدا

سعيدة بمرورك

وبخصوص اني اخوانية عشان بابا اخواني
اعتقد لا
اينعم كوني تربيت في وسط اخواني بيفرق كتير
لكن متهيالي انتمائي في النهاية للاخوان ملهوش علاقة بده
يعني احنا في البيت مش كلنا اخوان
ايوة الوالد ورانا الطريق بس سابلنا في الاخر حرية الاختيار

لن أستكين said...

عاجل : الريس اتخطف يا رجالة

http://egyptianjokes.blogspot.com/2007/04/blog-post_14.html

Anonymous said...

السلام عليكم ورحمه الله وبركاته...وميه مسه لو كنتم باليل وصباحو قشطه لو بتقرأوها الصبح..واما بعد..؟
كل الحكايه اللي اسمه عايز يفضل علي اللي اسمه ايه عايز يفضل علي اللي اسمه ايهويسيب اللي اسمه ايه ييكمل حكم اللي اسمه ايه وعشان كده اللي اسمه ايه بيقبض علي اللي اسمه ايه ويعتقل اللي اسمه ايه.........................لو عايزين تكملو اللي اسمه ايه ...تعاو زوروا اللي اسمه ايه بتاعتي ..لا وؤاخذه أصدي مدونتي

أُكتب بالرصاص said...

حلمك جميل قوي
قصدي
مدونتك جميلة



:)

حلم الحرية said...

أُكتب بالرصاص...
ربنا يكرمك
سعيدة ان المدونة عجبتك

تحياتي

Anonymous said...

مدونة رائعه .. استفد مها جدا
حلم جميل ومدونة اجمل