Tuesday, June 26, 2007

في موال مين؟




بخاف من ضلمتي وحدي

و انوّرضلمة الخايفين

وأكتب شعر عن نفسي

فيطلع كله للتانيين

ياناس ساكنة في موّالي

أنا ساكن فـ موّال مين



ان تعتاد ويعتادوا منك ان تكون مستمعا لهم
وتنسي وينسوا ان يسمعوك


الي
(م.م) و (أ.ف)
منذ زمن لم القاكم
اشتاق اليكم كثيرا
واحتاجكم اكثر من اي وقت مضي





36 comments:

عصفور اسكندرية said...

بجد ياعيني علي المواويل

Alaa said...

ربنا يوفقك
و مايجعلكيش وحدك أبدا
و يحيطك بالصالحات
و يجمعك بهن في الجنة
آمين

Anonymous said...

ساعات كتير الواحد بيحس وبيتمنى انه كان يفضل صغير ميكبرش لانه لما كبر كترت همومه وكترت متاعبه ومبقاش لاقى حد يسمعه
لكن برده الواحد بيحس بشعور جميل واى لما يكون سبب فى حل مشكله لصحبه او انه يسمع لمشاكل الناس اللى بيحبهم ويحاول يحلها معاهم

ربنا يوفقك

ياسر مدني ...دينامو الإخوان said...

يا سلااااااااااااااام
علي المواويل اللي..........؟
مش عارف والله ايه اللي ممكن يتقال علي الموال ده

mo'men mohamed said...

الإنسان اللى بيعيش عشان غيره
استحالة تنساه الأيام و استحالة ينساه الناس
جزاك الله كل خير اختى
السلام عليكم

Dr cool بادّن في مالطا said...

الله الله الله

مش ممكن

الأبيات جميلة أوي

ربنا يجمعك بأحبابك يا أخت مروة في الدنيا و في الآخرة في الجنة على سرر متقابلين

مشروع انسان said...

جمعك الله بهم فى سلام

Anonymous said...

فعلا
ياناس ياساكنه فى موالى
انا ساكن فى موال مين
جميل
تحياتى

شاب نفسة يحقق حلمة said...

يا سلام علي المواويل
ايهالجمال ده
براافوووووووو

Anonymous said...

جميل الموال:)

جهاد خالد said...

جميل
تغصه في الحلق
رائحة الأنين
وكذا هما الحزن والالم سيدا الابداع

كوني دوما .. ببذل وعطاء



تحياتي وتقديري

Anonymous said...

موال جميل اوى فعلا وكلماته جميله اوى بجد
ربنا يخليلك كل الى بتحبيهم ياااارب و ميحرمكيش منهم ابدى ياااارب
بجد الكلمات دى فعلا بنسبه كبيره بتعبر عنك ربنا يخليكى يااارب و يبارك فيكى

جهاد خالد said...

شاركونا

باستنتاجاتكم حيث العبرة والقصص
بمعلوماتكم حيث المسابقة
بآرائكم حيث التصويت
(كل ذلك وأكثر ضمن سلسلة (قدوات

فقط على .. بـنـاتـيـت
www.banateet.blogspot.com

belal said...

هوا حضرتك قلتي الأبيات لمحمود عزت والناس خدت طريق تاني ولا ايه ولا أنا المفروض أنام
...
جمعك اللع بمن تحبين دنيا وآخرة

هاني جابر said...

ما شاء الله
موال جميل جدا
ومعبر جدا
وياريت نكون من اللي بيعيش
عشان غيره
وبيضحي عشان اخوانه
بارك الله فيكي
لا تنسينا من دعائك

عمر عاشق القرآن said...

انا بسأل نفسى السؤال ده كتير !

elkamhawi said...

بوست حلو

طالب اخوانى said...

ابيات جميلة جدا .. جزاكى الله خيرا

ذكريات فى جامعة المنصورة

محمود الدوح said...

ياعينى يا ليلى
ربنا يقربلك البعيد

ولــــــــــو said...

اصعب احساس ف الدنيا انك تحس انك وحيد وانت وسط ناس كتير
كلامك فكرني باغنيه

طول عمري باسمعهم
باسمع مابتكلمش
يحكولي اوجاعهم
فاكرين مابتألمش
فاكرني مش منهم
انسان غريب عنهم
لكن انا لو حكيت
احزاني توزنهم

اتمنى ان الناس تحس او انتي تتقبلي الوضع

حزيــــــــــــــــــن said...

الابيات اكثر من رائعه
لو اقدر اقدملك حاجه بدل اصدقاءك اللى انت محتاجهم انا تحت امرك
اتمنى تكون بخير

قضية عم أحمد Ahmed Case said...

الابيات رائعة وتدوينه رائعة.
احييك عليها أوي .

بس انت حزينه شويتين مش كده ؟؟

قضية عم أحمد Ahmed Case said...

على فكرة اسمحي لى ن اقول ل الي(م.م) و (أ.ف)

ان تلبية النداء واجب تحتمة الصداقة وكنت لسه بتكلم عن الموضوع ده في الرسالة الثانية في البوست الاخير لى وعم أحمد موجود في محاولته اسعاد الناس لو استطاع .


اخيرا اسمحي لى ان اضيف مدونتك الى قائمة ناس محترمين عندي لو تكرمتي .

me said...

بجد الأبيات دي معلقة معايا من زمااااان
وبحبها جداً

بوست رااائع يا مروة ربنا يكرمك

Anonymous said...

اول مرة اسمعه يا مروة
وبجد جميييييل
وعاوزة اقولك حاجة
الللى انتى عملتيه فى التدوينة دى افضل حاجة فى رايى

اوقات بيكون من نحبهم مستعدون ليقدموا لنا الكثير

لكنهم يحتاجوا منا
ان نعملهم بما نريد
نعملهم اننا نحتاج لهم ليسمعونا
ليحتوونا
واوقات تانية بيبقى الافضل اننا نسيبهم يعرفوا لوحدهم

بس انا بحب الاولانية اكتر

حلم الحرية said...

المواطن المطحون ...
اكيد
يعيني عالمواويل


علاء ...
الله امييييين
جزاكم الله خيرا علي الدعاء

Anonymous...
اكيد شعور مش بس جميل ده شعور راااائع
يكفينا ابتسامة رضا وراحة علي وجوه اللي بنحبهم لما نسمعلهم وللا نشاركهم مشاكلهم ونساعدهم في حلها

حلم الحرية said...

ياسر مدني ...دينامو الإخوان ...
ممممممممممم
المواويل اللي ايه؟؟؟
لا
لازم تقول


mo'men mohamed...
يارب نكون ممن لا ينساهم الناس في ذكرياتهم او في دعاءهم

حلم الحرية said...

Dr cool...
امييييييين
جزاكم الله خيرا علي دعائكم
وفعلا الابيات جميلة اوي للشاعر محمود عزت


امام الجيل ...
اللهم امييين
شكرا علي الدعاء


علاء ...
رحنا وقلنا راينا ومستنيين الرد علي كل الاراء اللي اتقالت في الموضوع

حلم الحرية said...

mohamed gado ...

شاب نفسه يحقق حلمه ...

بهاء...


جزاكم الله خيرا علي المرور
وفعلا موال الشاعر محمود عزت جميل فعلا ومؤثر

حلم الحرية said...

النجمة الصامدة ...
الحزن والالم سيدا الابداع
صدقت



Anonymous ...
الكلمات دي بتعبر عنك بنسبة كبيييرة!!!!!!!!
ــــــــــــ
شكلك حد اعرفه
طب اعرف الاول انتي مين.؟؟
عموما ربنا يكرمك
وجزاكم الله خيرا علي دعائك

حلم الحرية said...

belal said...
هو انا قلت والله
وعاملاها بلون مختلف كمان وبينها وبين اللي قبلها فراغ عشان تبقي واضحة وباينة
معرفش الناس خدت الخط ده ليه
عموما
جزاكم الله خيرا علي الدعاء


هاني جابر ...
يارب نكون منهم



omar مشروع بطل ...
المشكلة اننا نسأل السؤال ده لكن منلقيش اجابة
يارب تلاقي اجابته في القريب ان شاء الله

حلم الحرية said...

elkamhawi...
ممممممم
تعليق حلو
شكرا علي المرور والتعليق


طالب اخوانى ...
جزانا واياكم
شكرا علي مرورك وتعليقك

محمود الدوح ...
اميين يارب
ويجمعني بمن غابوا عني

حلم الحرية said...

ولــــــــــو...
احساس الوحدة وسط الزحام
جملة اكثر من معبرة



حزيــــــــــــــــــن ...
جزاكم الله خيرا
يكفينا دعاؤكم

حلم الحرية said...

احمد رفعت said...
شكرا علي التعليق ده وعلي الدعم
وعلي رسالتك ل (ا .ف) و(م.م)ولو اني واثقة انهم ما منعهم الا ظروف قهرية
ورسايل البوست الاخير عند حضرتك كانت اكثر من رائعة فرقت كتير فعلا معايا

سعيدة اني انضم لقائمة المدونين عند حضرتك
جزاكم الله خيرا


khadiga...
واضح ان الابيات علقت مع ناس كتير اوي
فرحانة اوي بمرورك يا خديجة وعودة تعليقاتك
وعقبال عودة المدونة قريب ان شاء الله

حلم الحرية said...

الفجرية ....
اسماء
منورة المدونة طبعا
يعني احيانا مش بتكون الاولانية افضل
لانها صعبة اوي ومش اي حد يقدر يعملها
انا بافضل التانية كتير
انهم يحسوا بينا قبل ما نقولهم
انهم يفهمونا بدون كلمات
ان تكفيهم نظرة العين لتعلمهم اننا محتاجينلهم
دمت محبة لمن حولك
ومحبوبة منهم

محمود عزت said...

أشكرك :))
التدوينة جميلة بجد